San Juan 11:39 - Tüpä Ñe'ëngagwer

³⁹ Jesús aipo e'i: –Perokwa sovapɨsa ita ichui. Marta, omano va'e reindrɨ aipo e'i: –Che Yar, ine ite revo, esepia opa ni'ä irugätu arɨ imanore.

Tũpa Ñehengagüer

³⁹ —Perocua sovapɨsa ita ichui —ehi. Marta, omano vahe reindrɨ, rumo aipo ehi: —Che Yar, iné ité revo. Esepia, opa niha irungatu arɨ imanore —ehi.

San Juan 11:39 Iomraidhean Croise

San Marcos 16:3

a'eve aipo e'i oyeupe yuvɨreko: –¿Ava pi'ä ko te'ögwer rovapɨsa vɨrokwara yuvɨreko yandeu?

San Juan 11:17

Oyepotase oso, Jesús oyandu Lázaro ñotɨ̇ agwer irugätu arɨ opa pare.

Los Hechos 13:36

Supiete, David omboavɨye okwaita ava rese o'añekosa pɨpe, a'e omboavɨye ite Tüpä porokwaita, ipare omano ichui oyapokatu tuvɨpave imu pa'üve yuvɨreko, a'e setekwer rumo opaño ite ituyu.

Los Hechos 2:27

esepia ndereseyai chira che ä omano va'e pa'üve nderemonduyu ukai chira nde rembigwai seko maräne'ɨ̇ va'e retekwer.

2 Corintios 2:16

A'e ava okañɨ tëi va'erä upe evokoi ñe'ësa yaru va'e inungar kañɨ tëisa resendar; ava ipɨsɨröpɨrä yuvɨrekoi va'e upe rumo evokoi ñe'ësa ombou tekovesa. ¿Uma pi'ä oikatura ko mba'e mboavɨye agwä oiko?

Filipenses 3:21

a'e opirätäsa pɨpe vɨrekora opakatu mba'e opovrɨve. A'e opirätäsa pɨpe avei osekuñaröpara yande retekwer egwë e'i tëi va'e, a'ese inungar a'e setekwer sendɨyai, nimaräi va'e, egwë ya'e aveira yande yaiko kuri.