San Juan 11:36 - Tüpä Ñe'ëngagwer

³⁶ Judío eta evokoiyase aipo e'i yuvɨreko: –¡Esepia a'e sembiaɨsuai ete sekoi!

Tũpa Ñehengagüer

³⁶ Judío evocoiyase aipo ehi yuvɨreco: —¡Esepia, osaɨsu ité! —ehi oyeupe yuvɨreco.

San Juan 11:36 Iomraidhean Croise

San Juan 11:19

seta yuvɨraso judío Marta iyavei María pɨri, imbovɨ'a agwä ikɨvrɨ mano agwer sui.

San Juan 11:3

A'e ñuvɨrïo oyekupɨ'ɨrɨ va'e omondo oñe'ë Jesús upe yuvɨreko: –Che Yar, nde mborɨpar, nde rembiaɨsu imba'easɨ ou.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Efesios 5:25

Iyavei kuimba'e osaɨsura gwembireko, inungar Cristo osaɨsu opakatu vɨroyasar, omondo gwekokwer chupe narä.

1 San Juan 3:1

Esepia marä e'i rutei yande Ru Tüpä yande raɨsu, sese ava Tüpä ra'ɨrɨ e'i yuvɨreko yandeu, a'e ite ni'ä yaiko. Sese ko ɨvɨ pɨpendar ndayandekwai yuvɨreko, esepia ndoikwai avei Tüpä rekokwer yuvɨreko.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,