San Juan 11:33 - Tüpä Ñe'ëngagwer

³³ Jesús, osepiase María yase'o iyavei judío eta yuvɨraso va'e supi, opɨ'a pɨpe oyandu ite ovɨ'are'ɨ̇sa,

Tũpa Ñehengagüer

³³ Osepiase María yaseho iyavei judío eta yuvɨraso vahe supi, opɨha pɨpe oyandu ité ovɨharẽhɨsa.

San Juan 11:33 Iomraidhean Croise

San Marcos 3:5

Evokoiyase Jesús oma'e ava oyese oyere tuprɨ va'e rese vorɨe'ɨ̇save, iyavei ndovɨ'ai ava ndosendukwa katuise yuvɨreko, sese aipo e'i imba'easɨ va'e upe: –Eicho'o nde yɨva. Evokoiyase oicho'o oyɨva, okwera tuprɨ ite.

San Marcos 9:19

Jesús omboyevɨ chupe: –¡Pe ava ndaperoyai va'e Tüpä peiko! ¿Mbovɨ rupi rutei vo aiko vɨtera pe pa'üve? ¿Mbovɨ rupi rutei ayapo vɨtera vichiko mba'e peü? Peru evokoi chi'ïvä'e cheu.

San Juan 11:19

seta yuvɨraso judío Marta iyavei María pɨri, imbovɨ'a agwä ikɨvrɨ mano agwer sui.

San Juan 11:31

Osepiase María iñarapü'ase iyavei ipoyavase ichëse yuvɨreko, judío eta sëtäve yuvɨrekoi va'e, imbovɨ'asar yuvɨraso voi sakɨkwerive ipɨ'a ñemoñeta okɨvrɨ ruvɨpave revo osora oyase'o e'i yuvɨreko chupe viña.

San Juan 11:34

evokoiyase oporandu ava re'ɨi upe: –¿Ke vo oñotɨ̇ yuvɨreko? A'e aipo e'i yuvɨreko chupe: –Erio ko'ave ore Yar, teresepiaru.

San Juan 11:35

A'ese Jesús oyase'o.

San Juan 11:38

Jesús, ndoyembovɨ'a iri katu, oyemboya oso suvɨpa rese. A'e ita yo'oprɨ save, a'e sokendɨpɨ sovapɨsa va'e ita pɨpe.

San Juan 12:27

“¡Kurïtëi rumo ayandu ite mba'e-mba'e tëi oime va'erä! ¿Marä a'era pi'ä evokoiyase? ¿Aipo a'era: ‘Che Ru, che renose katu eve ko mba'e-mba'e tëi sui’? ¡Che rumo ayu a'e gwä ite ko ɨvɨ pɨpe!

San Juan 13:21

Ko mba'e mombe'u pare, Jesús ndoyembovɨ'ai tëiete oiko, ipare rumo koiye omombe'u tuprɨ iri ete: –Supiete aipo a'e ñepëi pe pa'ü pendar che mondora che amotare'ɨ̇mbar upe.

Romanos 12:15

Peyembovɨ'a akoi ava oyembovɨ'a va'e rupive; peyase'o avei ava oyase'o va'e rupive.

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.