San Juan 11:28 - Tüpä Ñe'ëngagwer

²⁸ Aipo o'e pare, Marta oso okupɨ'ɨrɨ María reka, aipo e'i chupeñomi: –Porombo'esar sekoi ko'ave iyavei oñe'ë ndeu.

Tũpa Ñehengagüer

²⁸ Aipo ohe pare, Marta oso ocupɨhɨr María reca, chupeñomi aipo ehi: —Porombohesar oicove cohave, “Tou” ehi ndeu —ehi chupe.

San Juan 11:28 Iomraidhean Croise

San Mateo 26:18

Jesús omboyevɨ gwemimbo'e upe: –Peso tekwa gwasuve, Chekwa va'e rëtäve, iyavei aipo peyera chupe: ‘Porombo'esar aipo e'i: köimi che mano agwä, sese ayapo potami sëtäve Pascua pieta che remimbo'e reseve e'i ndeu.’

San Marcos 10:49

Evokoiyase Jesús iñe'ë renduse opɨta aipo e'i: –Peñe'ë chupe. Ichui oñe'ë ndasesapɨsoi va'e upe, aipo e'i yuvɨreko: –Eyemongere'ɨ̇, epü'a esepia oñe'ë aipo ndeu.

San Marcos 14:14

ipare seikesave aipo peyera sëtä va'e upe: ‘Orembo'esar oporandu: ¿Uma oɨ pɨpe vo oro'ura che remimbo'e rese Pascua pieta resendar?’

San Lucas 22:11

aipo peyera peñe'ë oɨ yar upe: ‘Porombo'esar oporandu: ¿Uma oɨ pɨpe vo akarura Pascua pieta pɨpe che remimbo'e rese?’

San Juan 1:41

A'e Andrés rane aipo oseka vɨke'ɨrɨ Simón, aipo e'i chupe: –Orosepia ite Poropɨsɨrösar (a'e Cristo: oyapave aipo e'i).

San Juan 1:45

Ipare Felipe oso Natanael reka, aipo e'i chupe: –Orosepia Poropɨsɨrösar, sesendar akoi Moisés oikwachia kwachiar porokwaita resendar pɨpe araka'e, oikwachia avei sesendar Tüpä ñe'ë mombe'usar yuvɨrekoi va'e. A'e Jesús, José ra'ɨrɨ, tekwa Nazaret pendar.

San Juan 10:3

Okendɨpɨ rärösar avei omboi okenda chupe, iyavei särösar oñe'ë ovesa upe serer rupi, iyavei ovesa oikwa ite iñe'ë rese yuvɨreko; ichui vɨnosepa sëtä pɨpe sui,

San Juan 11:20

Oyanduse Marta Jesús yepota, osë voi ete sapeve; María rumo opɨtaño oɨ pɨpeve.

San Juan 11:29

Osendu voise iñe'ë, María oñarapü'a oso Jesús repia.

San Juan 11:30

Jesús rumo ndoike vɨtei ete tekwa pɨpe; a'e sekoi Marta rekosave ñoite.

San Juan 13:13

Pe ni'ä, Porombo'esar iyavei ore Yar peye cheu, supiete esepia a'e ite che aiko.

San Juan 20:16

Jesús evokoiyase aipo e'i chupe: –¡María! A'e kuña oyemboyere sese aipo e'i hebreo ñe'ë pɨpe chupe: –¡Rabuni! (“Porombo'esar” oyapave aipo e'i).

San Juan 21:7

Evokoiyase ñepëi Jesús remimbo'e sembiaɨsu katu, aipo e'i Pedro upe: –¡Evokoi ñi'ä yande Yar! Simón Pedro osendu ramoseve ñe'ësa Yar resendar, omonde voi oturukwar, esepia nani tuprɨ sekoi, ovɨapiño ɨpɨve oso ichui.

1 Tesalonicenses 5:11

Sese peyemongere'ɨ̇ katu, iyavei peyemovɨräkwä katu vɨte peyeupe inungar ko peyapo peiko.

Hebreos 12:12

Sese, pemopoäse iri pe reko pirätäsa iyavei peyemongere'ɨ̇ iri pe gwata agwä yande Yar rupi,