San Juan 11:16 - Tüpä Ñe'ëngagwer

¹⁶ Evokoiyase Tomás, serer va'e Gemelo, aipo e'i ambuae omboetasa upe: –Yaso avei yande, yamano va'erä supi.

Tũpa Ñehengagüer

¹⁶ Evocoiyase Tomás, Gemelo serosa vahe, aipo ehi ore imboetasa oroico vahe upe: —Yaso avei ru yande yamano vaherã supi —ehi.

San Juan 11:16 Iomraidhean Croise

San Mateo 10:3

Felipe, Bartolomé, Tomás; iyavei Mateo, gwarepochi monu'äsarer; ambuae Santiago, Alfeo ra'ɨrɨ; ambuae Tadeo;

San Mateo 26:35

Pedro omboyevɨ chupe: –Yepe che amano tëira nde rupi viña, che rumo ndaikwai va'e nda'ei chietera ndeu. Opakatu semimbo'e eta aipo e'i tuprɨ avei yuvɨreko chupe.

San Marcos 3:18

iyavei Andrés, Felipe, Bartolomé, Mateo, Tomás, Santiago, Alfeo ra'ɨrɨ; Tadeo, Simón ava rekwa rese sekate'ɨ̇ va'e pa'ü pendarer,

San Lucas 22:33

Simón aipo e'i chupe: –Che Yar, che ayemoigätu voi ete nde rupi aso va'erä nde rokendasave, amano pota avei nde rupive.

San Lucas 6:15

Mateo, Tomás, Santiago, Alfeo ra'ɨrɨ; Simón, ava gwekwa rese sekate'ɨ̇ va'e pa'ü pendarer,

San Juan 11:15

Iyavei avɨ'arete che ndaikoise a'eve, esepia egwë e'ise avɨye katura peü pe che reroya agwä. Evokoiyase yaso opakatu sepia.

San Juan 11:8

Semimbo'e eta aipo e'i yuvɨreko chupe: –Porombo'esar, kwesemi tëi judío eta a'e ɨvɨ pendar nde yuka pota ita pɨpe yuvɨreko; ¿kurïtëi evokoiyase ereso pota iri a'eve?

San Juan 13:37

Pedro aipo e'i chupe: –Che Yar, ¿ma'erä vo kurïtëi ndiyai ete aso va'erä nde rupi? ¡Che añemoigätu amondo va'erä che rekokwer nde repɨrä!

San Juan 14:5

Tomás aipo e'i Jesús upe: –Che Yar, ore ndoroikwai ete kevo katu eresora. ¿marä oro'era pi'ä aipo perɨkwa agwä viña?

San Juan 21:2

A'eve yuvɨrekoi Simón Pedro, Tomás, a'e akoi Gemelo, Natanael, a'e aipo Caná ɨvɨ Galilea pendar, Zebedeo ra'ɨrɨ iyavei ambuae ñuvɨrïo Jesús remimbo'e.

Los Hechos 1:13

Yuvɨroikese Jerusalén ve, oyeupipa okesa oɨ ɨvateve yuvɨreko. A'eve Pedro, Juan, Santiago, Andrés, Felipe, Tomás, Bartolomé, Mateo, Santiago a'e Alfeo ra'ɨrɨ, Simón a'e Zelote iyavei Judas, Santiago ra'ɨrɨ yuvɨrekoi.