San Juan 10:27 - Tüpä Ñe'ëngagwer

²⁷ Che ovesa rumo oikwa ite che ñe'ë, che avei aikwa a'e evokoiyase ogwata yuvɨreko che rupi.

Tũpa Ñehengagüer

²⁷ Che remiaro ovesa rumo oicua che ñehe. Che avei aicua ahe yuvɨreco. Ahe evocoiyase che rupi oguata yuvɨreco.

San Juan 10:27 Iomraidhean Croise

San Mateo 16:24

Ipare Jesús aipo e'i gwemimbo'e eta upe: –Akoi ogwata pota va'e che rupi, tasesarai mba'e gwemimbotar aposa sui, tovosɨi rane okurusu rese ipare togwata che rupi.

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Mateo 25:12

A'e rumo omboyevɨ chupe: ‘Che ndopokwai va'e.’ ”

San Mateo 7:23

Evokoiyase amboyevɨra chupe: ‘Ndopokwai va'e ite; ¡peyepepɨ che sui, mba'e-mba'e tëi aposar!’ ”

San Marcos 10:21

Evokoiyase Jesús oma'e saɨsupave sese, aipo e'i chupe: –Ñepëi mba'e rumo ipane vɨte ndeu: eso emondopa rane nde mba'e seprɨ evokoiyase emondo ava iparaɨsu va'e upe. Ichui ererekora mba'e avɨye va'e ɨvave. Ipare eregwatara che rupi.

San Marcos 8:34

Ipare Jesús, oñe'ë gwemimbo'e eta upe iyavei ambuae ava upe aipo e'i: –Akoi ava ogwata pota va'e che rupi, topoi mba'e gwemimbotar tëi aposa sui, iyavei inungar-ra kurusu rese ovosɨira viña, toyemoigätu voi che rekokwer rese oparaɨsu agwä iyavei togwata tuprɨ che rupi.

San Lucas 13:27

A'e rumo aipo e'ira imboyevɨ: ‘Ndaikwai kependar katu vo peiko. ¡Pesɨrɨ che sui, mba'e-mba'e tëi aposar!’

San Lucas 9:23

Ipare rumo aipo e'i opakatu upe: –Akoi ogwata pota va'e che rupi, tasesarai mba'e gwembiapokwer sui, toyapo mba'e arɨ yakatu rupi paraɨsusa pɨpe ipare togwata che rupi.

San Juan 10:14

“Che ava rärösar avɨye va'e aiko. Inungar che Ru chekwa ite oiko che avei aikwa che Ru, egwë a'e avei che aikwa che reimba ovesa eta, a'e avei chekwa yuvɨreko. Che amondo che rekokwer sepɨrä yuvɨreko.

San Juan 10:16

Areko avei ambuae che reimba nda'ei va'e ko ovesa rëtä pɨpendar; iyavei a'e arura che mboyeroyara yuvɨreko, ichui ñepëi reseve gwasu yuvɨrekoira, ñepëi gwarösar reseve.”

San Juan 10:8

Opakatu yugweru va'e che renonde, a'e imondarai va'e iporombopaserai va'e avei; ovesa rumo ndovɨroyai ete yuvɨreko.

San Juan 12:26

Akoi che mboyeroya pota va'e, togwata che rupi yuvɨreko; che asosave a'eve avei yuvɨrekoira che mboyeroyasar. Akoi che mboyerosar oime va'e, che Ru avei omboeteira sereko.

San Juan 21:22

Jesús omboyevɨ chupe: –Aipotase a'e sekove vɨte agwä che yevɨse narä kuri, ¿marä vo ererekora nde? Nde egwataño che rupi.

San Juan 5:25

Supiete aikwa uka peü oura arɨ imombe'uprɨ, iyavei kurïtëiete ko arɨ oyepota, omano va'ekwer osendura Tüpä Ra'ɨrɨ ñe'ë yuvɨreko; iyavei osendu va'e yuvɨrekove ñoitera.

San Juan 8:12

Jesús oñe'ë iri ava upe, aipo e'i: –Che aiko tesapesa ɨvɨ pɨpendar; akoi che rupi sekoi va'e vɨrekora tesapesa omondo va'e tekovesa chupe, iyavei ndogwata iri chietera pɨ̇tümimbisa vrɨrupi.

San Juan 8:43

¿Ma'erä pi'ä ndapesendukwa katui ete mba'e che remimombe'u? Esepia ndapeyapɨsaka potai ete che ñe'ë rese.

Los Hechos 3:23

esepia ndovɨroyai va'e Tüpä ñe'ë mombe'usar yuvɨreko, a'e opakatu ite imokañɨsara tekwa pɨpe sui.’ ”

1 Corintios 8:3

Iyavei oimese ava osaɨsu va'e Tüpä, a'e ava oikwa ite Tüpä oyeupe narä sekoise.

Gálatas 4:9

Kurïtëi rumo peikwa ite Tüpä, egwë e'i kurïtëi Tüpä ite oikwa pe rekokwer, sese ni'ä aipo a'e che yeupe, “¿marä e'i pi'ä oyevɨ iri mborokwaita tëi pɨpe mbigwai tëi gweko iri agwä yuvɨreko?”

2 Timoteo 2:19

Tüpä rumo omondo mba'e movɨräkwä tuprɨ agwä, sese ikwachiasa va'e pɨpe aipo e'i: “Yande Yar oikwa ite oyeupendar ava”, iyavei “Opakatu yande Yar rer vɨreko va'e, toyepepɨ mba'e naporäi va'e sui yuvɨreko yepi.”

Hebreos 3:7

Sese, inungar Espíritu Maräne'ɨ̇ aipo e'i Ikwachiaprɨ pɨpe: “Ko pɨpeve voi, pesenduse Tüpä ñe'ë,

Apocalipsis 14:4

Ko ava ndasekomaräi va'e ndoyapoi ete mba'e kokotɨ tëi kuña rese, esepia oñearö tuprɨ gweko katuprɨsa pɨpe; iyavei osakɨkwe moñaño ite Jesucristo igwatasa rupi yuvɨreko. Opa serokwasa ava pa'ü sui iyavei inungar yɨpɨndar mba'e seropove'ëprɨ Tüpä upe, Ovesami a'e Cristo sekoi va'e upe avei.

Apocalipsis 3:20

Esepia, inungar ava okenda omotära okendɨpɨve o'ä viña, egwë a'e pe pɨ'ave vichiko; pesenduse che ñe'ë, pemboira cheu. Che evokoiyase aikera pe pɨri, yakarura oyepɨri.