San Juan 10:25 - Tüpä Ñe'ëngagwer

²⁵ Jesús rumo omboyevɨ chupe: –Amombe'u ni'ä akoi peü, iyavei ndache reroyai ete peye. Che ayapo va'e mba'e che Ru mborerekwasa pɨpe, a'e ipɨpe sui chekwa uka ite opakatu upe;

Tũpa Ñehengagüer

²⁵ —Amombehu niha acoi pẽu, ndache reroyai eté rumo peye. Mbahe ayapo vahe che Ru mborerecuasa pɨpe omboyecua ité Poropɨ̃sɨrosar che recosa;

San Juan 10:25 Iomraidhean Croise

San Juan 10:32

Jesús rumo aipo e'i chupe: –Che Ru pirätäsa pɨpe seta ite mba'e ayapo avɨye va'e pe rovake; ¿Uma che rembiapo sui vo che api-api pota ita pɨpe peye?

San Juan 10:37

Supiete che akoi ndayapoise mba'e che Ru remimbotar rupi, a'ese ndache reroyai chietera peye viña.

San Juan 10:38

Akoi ayapose mba'e, yepe ndache reroyai chira peye viña, peroya katu mba'e ayapo va'e, peikwa va'erä ñepëi reseve opakatu mba'e esepia che Ru sekoi ete che rese yepi che avei aiko che Ru rese.

San Juan 11:47

Evokoiyase fariseo eta iyavei pa'i eta rerekwar opa omonu'ä yuvɨreko Mborandusa Ɨvate katu va'e save, aipo e'i yuvɨreko: –¿Marä ya'era vo sereko? Ko mbɨa seta ite oyapo poromondɨisa oiko.

San Juan 12:37

Yepe Jesús seta iteanga oyapo tuvicha va'e poromondɨisa ava re'ɨi rovake viña, a'e rumo ndovɨroyai ñoite yuvɨreko;

San Juan 14:11

Che reroya katu peye aikose che Ru rese iyavei che Ru sekoise che rese; anise, che reroyañomi tëi katu peye mba'e che rembiapo rese.

San Juan 20:30

Jesús seta oyapo mba'e ambuae poromondɨisa gwemimbo'e eta rovake, a'e rumo ndikwachiasai ete ko kwachiar pɨpe.

San Juan 3:2

A'e oso Jesús pɨri pɨ̇tü pɨpe, aipo e'i chupe: –Porombo'esar, oroikwa ite Tüpä nde mbouse ore mbo'e agwä eve, esepia ndipoi ete ava oikatu va'e poromondɨisa apo inungar nde ereyapo va'e, Tüpä oyese seko e'ɨ̇se.

San Juan 7:31

Seta iteanga rumo ava vɨroya va'e, iyavei aipo e'i yuvɨreko: –Koiye ouse Poropɨsɨrösar, ¿oyapora pi'ä seta katu poromondɨisa avɨye va'e ko mbɨa sui?

San Juan 8:12

Jesús oñe'ë iri ava upe, aipo e'i: –Che aiko tesapesa ɨvɨ pɨpendar; akoi che rupi sekoi va'e vɨrekora tesapesa omondo va'e tekovesa chupe, iyavei ndogwata iri chietera pɨ̇tümimbisa vrɨrupi.

San Juan 8:24

Sese ni'ä akoi aipo a'e peü pemanopa itera angaipa pɨpe; esepia ndache reroyaise peye Che Aikose, pemanopa itera angaipa pɨpe.

San Juan 8:56

Pe ramoi Abraham araka'endar, oyembovɨ'arete ite esepia ni'ä osepiara che arɨ oiko; ipare rumo osepia ite, ichui ovɨ'arete opɨ'a pɨpe.

San Juan 8:58

Jesús omboyevɨ chupe: –Supiete aipo a'e yɨpɨsuive ite che ayesu Abraham yesue'ɨ̇ vɨteseve.

Los Hechos 10:38

Peikwa Tüpä omondose pirätäsa iyavei Espíritu Maräne'ɨ̇ Jesús Nazaret pendar upe, ipare Jesús ogwata opakatu rupi mba'e tuprɨ apo oiko, ombogwera avei opakatu ava iparaɨsu va'e karugwar povrɨve yuvɨrekoi va'e, esepia Tüpä sekoi ete sese,

Los Hechos 2:22

“Pe Israel suindar, pesendu che ñe'ë: Jesús Nazaret pendar, oyapo poromondɨisa tuvicha va'e, mba'e yavai va'e Tüpä pirätäsa pɨpe pe pa'üve gweko maräne'ɨ̇ mboyekwa agwä, a'e ni'ä peikwa opakatu.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.