Hebreos 9:12 - Tüpä Ñe'ëngagwer

¹² Cristo rumo oike imaräne'ɨ̇ katu va'esave ɨvave, nda'ei rumo ovesa iyavei gwaka ra'ɨrɨ ruvɨ reropove'ë agwä, a'e rumo vɨropove'ë vuvɨ ite opakatu rese; egwë e'i a'e ñepëi reseve oike apɨre'ɨ̇ va'e ñepɨsɨrösa reime agwä yandeu.

Tũpa Ñehengagüer

¹² Cristo rumo oique ité imaranehɨ catu vahesave ɨvave. Ndahei rumo ovesa iyavei guaca rahɨr ruvɨ reropovẽhe ãgua, ahe rumo vɨropovẽhe vuvɨ ité opacatu rese; ẽgüe ehi ahe ñepei reseve oique apɨrẽhɨ vahe ñepɨsɨrosa reime ãgua yandeu.

Hebreos 9:12 Iomraidhean Croise

San Marcos 3:29

akoi iñe'ë-ñe'ë tëi va'e rumo Espíritu Maräne'ɨ̇ rese, a'e chupe ndipo iri chietera ñeröisa, yuvɨrekoira tekoasɨsa porara agwä ite.”

San Lucas 1:68

“¡Imboeteiprɨ tasekoi yande Yar, Tüpä Israel pendar, esepia ni'ä a'e ou gwekwa pɨsɨrö agwä!

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

Efesios 1:7

Tüpä yande raɨsu eteprɨsa pɨpe yande pɨsɨrö Gwa'ɨrɨ ruvɨ pɨyeresa pɨpe yande angaipa rese ñeröi agwä,

Colosenses 1:14

a'e Ta'ɨrɨ yande pɨsɨrö iyavei yande angaipa rese iñeröi yandeu.

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 1:3

A'e ni'ä Tüpä rekokwer porañetesa sekoi, egwë e'i ete, a'e Tüpä rekokwer tuprɨ ite, a'e opakatu mba'e omovɨräkwä oñe'ë pirätäsa pɨpe. Yande angaipagwer sui yande moatɨrö pare oso, ogwapɨ Tüpä akato kotɨ öi ɨvave,

Hebreos 10:19

Sese che rɨvrɨ eta, iya ite kurïtëi yande reike agwä Tüpä rovai yande sɨkɨye e'ɨ̇sa pɨpe Jesús ruvɨ pɨpe sui,

Hebreos 10:4

Esepia mba'e mɨmba ruvɨ tëi nomokañɨi ete yande angaipa yandesui.

Hebreos 13:12

Egwë e'i avei ni'ä, Jesús iparaɨsu omano tekwa ɨvɨi, ava reko mboatɨrö agwä vuvɨ pɨpe.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

Hebreos 7:27

Nda'ei ete ambuae pa'i eta nungar sekoi, ndoyuka ranei arɨ yakatu rupi mba'e mɨmba Tüpä upe seropove'ë agwä yɨpɨndar oangaipa rese, ipare opakatu ambuae angaipa rese. Ñepëi reseve Jesús vɨropove'ë gwete opakatu ava angaipa repɨrä.

Hebreos 9:13

Supiete gwaka kuimba'e ruvɨ iyavei ovesa ruvɨ, gwaka kuña tanimbu akoi imondoprɨ va'e ava seko marä va'e rese, a'e avei vɨreko raimi tëi pirätäsa ava rete moatɨrö agwä.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

Hebreos 9:19

Esepia Moisés omombe'upase porokwaita opakatu ava upe; oipɨsɨ ovesa ragwer pirä va'e iyavei ɨvɨra hisopo serer va'e räkä, a'e omoakɨ̇ gwaka ra'ɨrɨ ruvɨ iyavei ovesa ra'ɨrɨ ruvɨ, ɨ rese oyese'a va'e pɨpe a'e opa osɨpɨi kwachiar mborokwaita resendar opakatu ava avei.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

Hebreos 9:7

Imoñuvɨrïosa oɨ pɨpe rumo pa'i ɨvate katu va'eño oike ñepëi reseve ñepëi-pëi aravɨter pɨpe; iyavei gweike yakatu vɨroike mba'e mɨmba ruvɨ vɨropove'ë agwä Tüpä upe oangaipa rese, ava ikwa e'ɨ̇ pɨpe angaipa oyapo va'e repɨrä avei.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.