Hebreos 9:11 - Tüpä Ñe'ëngagwer

¹¹ Cristo rumo ou, iyavei a'e ite kurïtëi yande Pa'i Ɨvate katu va'e sekoi mba'e avɨye va'e gweru yandeu. A'e pa'i reikesa rumo nda'ei ava rembiapo nungar tëi, a'e rumo avɨye katu iyavei nda'ei ete ko ɨvɨ pɨpe yapoprɨ.

Tũpa Ñehengagüer

¹¹ Poropɨ̃sɨrosar rumo ou cute. Iyavei ahe ité cũritei yande pahi ɨvate catu vahe secoi mbahe avɨye vahe güeru vahe yandeu. Ahe pahi reiquesa rumo ndahei ava rembiapo nungar tẽi, ahe rumo avɨye catu ité iyavei ndahei eté co ɨvɨ pɨpe yapoprɨ.

Hebreos 9:11 Iomraidhean Croise

San Mateo 11:3

mba'e rese porandu agwä nde ite vo aipo särömbrɨ ereiko, anise oime tie ambuae särö pɨrä e'i yuvɨreko chupe.

San Mateo 2:6

‘Nde tekwami, Belén, ɨvɨ Judá suindar, nda'ei ete ereiko ta'ɨmi va'e opakatu ambuae tekwa sui; esepia ndesui ete osëra mborerekwar che rekwa ɨgwar Israel yokwai agwä.’

San Marcos 14:58

–Ore ni'ä orosendu ite iñe'ë aipo e'ise: ‘Che opara amonduru ko tüpäro ava tëi rembiapo, ipare rumo mbosapɨ arɨ rupi opara amopü'a ambuae nda'e iri chira ava rembiapo nungar.’

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 4:25

A'e kuña aipo e'i chupe: –Che aikwa Poropɨsɨrösar yu agwä (a'e Cristo); iyavei akoi a'e ouse, omombe'u tuprɨra opakatu mba'e oreu.

Los Hechos 7:48

Yepe Tüpä seko ɨvate katu va'e, ndasekoi ete tüpäro ava tëi rembiapo pɨpe. Inungar akoi omombe'u va'e Tüpä ñe'ë mombe'usar araka'e:

2 Corintios 4:18

Sese ore ndorepɨ'añemoñeta atɨi chira ko ɨvɨ pɨpendar mba'e rese; ore rumo orepɨ'añemoñeta mba'e ɨva pendar ndayasepiai va'e rese, esepia ko mba'e yasepia va'e egwë e'i raimi tëi va'e; ko mba'e rumo ndayasepiai va'e, apɨre'ɨ̇ va'erä ite.

2 Corintios 5:1

Yaikwa ni'ä yande retekwer ndipokopɨi va'e, inungar oɨ ndipokopɨi va'e avei, ikwasa avei ni'ä ko oɨ opara imokañɨsa kuri, esepia Tüpä opa omoigätu ambuae oɨ ɨvave ndopai va'e yandeu, nda'ei a'e ava rembiapo tëi.

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.

Hebreos 10:1

Esepia Moisés porokwaita mba'e avɨye va'e ra'anga nungar tëi ou, nda'ei rumo a'e ite ou. Sese a'e porokwaita ndoikatui ete ava Tüpä rese oyemboya va'e reko mo'ɨ̇vi tuprɨ agwä, mba'e seropove'ëprɨ aravɨter yakatundar pɨpe.

Hebreos 12:27

Ko ñe'ësa pɨpe aipo e'i “amborɨrɨ irira ɨvɨ”, ikwasa ite opara gwembiapo mba'e ovɨï va'e omokañɨ, topɨta mba'e apɨre'ɨ̇ novɨi va'e oyapave.

Hebreos 13:14

Supiete, ko ɨvɨ pɨpe ndayarekoi ete tekwa apɨre'ɨ̇ va'e, yande rumo yaseka evokoi tekwa oime va'erä yandeu kuri.

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.

Hebreos 7:1

Ko Melquisedec aipo mborerekwar gwasu Salem pendar, iyavei pa'i Tüpä ɨvate katu va'e upendar sekoi araka'e. Abraham oyevɨse perɨ rupi ovavasa sui ou mborerekwar gwasu eta momba pare, a'ese Melquisedec osë voi ete oso Abraham rovaïchi Tüpä porovasasa mondo agwä chupe;

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

2 San Juan 1:7

Setavai ogwata ɨvɨ yakatu rupi oporombopa tëi va'e yuvɨreko, ndoikwai ete Jesucristo ouse ko ɨvɨ pɨpe ava supiete va'e nungar yuvɨreko. Akoi egwë e'i va'e, a'e oporombopa tëi va'e Jesucristo amotare'ɨ̇mbar yuvɨrekoi.