Hebreos 8:6 - Tüpä Ñe'ëngagwer

⁶ Yande pa'i ɨvate katu va'e rumo Jesús, vɨreko okwaita avɨye katu va'e ambuae pa'i sui, esepia Tüpä remimbotar ipɨasu va'e Jesús gweru va'e yandeu avɨye katu va'e ite yɨpɨndar va'e sui sesendar Tüpä remimombe'u avɨye katu va'e avei.

Tũpa Ñehengagüer

⁶ Yande pahi ɨvate catu vahe rumo, Jesús, vɨreco ocuaita avɨye catu vahe ambuae pahi sui. Esepia, Tũpa remimbotar ipɨasu vahe Jesús güeru vahe yandeu avɨye catu vahe ité yɨpɨndar vahe sui iyavei sesendar Tũpa remimombehu avɨye catu vahe avei.

Hebreos 8:6 Iomraidhean Croise

San Lucas 22:20

Egwë e'i avei karusa pare yapo ɨgwa rɨru rese, aipo e'i: –Ko ɨgwa rɨru pɨpendar omboyekwa che Ru remimbotar ipɨasu va'e peü narä, a'e che ruvɨ ipɨyerepɨrä pe rekokwer rese narä.

Romanos 9:4

A'e Israel suindar yuvɨrekoi, iyavei Tüpä oiporavo va'e gwa'ɨrɨ nungar sereko. Tüpä sekoi ipa'üve gwendɨgwer porañetesa pɨpe, omondo avei oñe'ë teko tuprɨsa resendar chupe, iyavei Moisés porokwaita, yeruresa iyavei mba'e seropove'ëpɨ̇ra chupe.

Efesios 2:12

peyemoma'endu'a yɨpɨndar Cristo ndapereko vɨteise peyese, a'ese ipe'aprɨ peiko Israel tekwa gwasu sui, iyavei ndaperekoi ete Tüpä remimombe'ugwer peyese. Pe ɨvɨ pɨpe ndaperekoi ete peporoarösa iyavei ndaperekoi ete Tüpä.

1 Timoteo 2:5

Esepia ñepëiño ite Tüpä, ñepëiño avei ava oikatu va'e yande reraso Tüpä upe; a'e Cristo Jesús sekoi.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Hebreos 12:24

peyemboya avei Jesús rese, a'e omoime yandeu Tüpä remimbotar ipɨasu va'e, a'e suvɨ yande moatɨrö va'e, avɨye katu Abel ruvɨ sui.

Hebreos 7:22

Ko rese Jesús kurïtëi yande rereko Tüpä povrɨve avɨye katu va'e yɨpɨndar va'e sui.

2 San Pedro 1:4

Ipɨpe avei oseya oñe'ë imboavɨyepɨrä yandeu, a'e iñe'ë egwë nde'i tëi va'e, avɨye katu va'e ite, ko iñe'ësa pɨpe sui perekora Tüpä reko avɨye va'e peyese, pe yepepɨ agwä mba'e napörai va'e sui, a'e akoi oime va'e ko ɨvɨ pɨpe ava remimbotar tëi sui.