Hebreos 8:5 - Tüpä Ñe'ëngagwer

⁵ Ko ɨvɨ pɨpendar pa'i rumo i'añeko ɨva pendar ra'anga rese tëi yuvɨreko, yaikwa ni'ä a'e sa'anga tëi, esepia Moisés oyapo potase tüpäro, Tüpä aipo e'i chupe: “Ema'ekwa tuprɨ akoi ɨvɨtrɨve amboyekwa va'e rese ndeu, a'e inungar tuprɨ eyapo.”

Tũpa Ñehengagüer

⁵ Co ɨvɨ pɨpendar pahi rumo ihañeco ɨva pendar rahanga rese tẽi yuvɨreco. Yaicua niha ahe sahanga tẽi. Esepia, Moisés oyapo potase tũparo, Tũpa aipo ehi chupe: “Emahecua tuprɨ acoi ɨvɨtrɨve amboyecua vahe rese ndeu. Ahe inungar tuprɨ eyapo” ehi chupe.

Hebreos 8:5 Iomraidhean Croise

San Mateo 2:12

Ipare Tüpä omombe'u ikerve ava imba'ekwa va'e upe iyevɨ iri e'ɨ̇ agwä Herodes rekosa rupi, evokoiyase oyevɨ yuvɨraso gwekwave ambuae perɨ rupi tëi.

Los Hechos 7:44

“Ɨvɨ iporupɨre'ɨ̇sa rupi yande ramoi eta vɨreko oɨ yeruresa mba'e pɨrer apoprɨ porokwaita rëtä oyeupive yuvɨreko araka'e, inungar Tüpä oyokwai va'e Moisés oyapo va'erä inungar osepia va'ekwer yɨpɨndar.

Colosenses 2:17

Esepia yɨpɨndar oime va'e mba'e ou agwä renonde egwë e'i tëiete, ko rumo Cristo supiete va'e sekoi.

Hebreos 10:1

Esepia Moisés porokwaita mba'e avɨye va'e ra'anga nungar tëi ou, nda'ei rumo a'e ite ou. Sese a'e porokwaita ndoikatui ete ava Tüpä rese oyemboya va'e reko mo'ɨ̇vi tuprɨ agwä, mba'e seropove'ëprɨ aravɨter yakatundar pɨpe.

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Hebreos 13:10

Yande rumo yareko ambuae Tüpä upe seropove'ëprɨ, a'e ni'ä ndiyai ete pa'i tüpäro yɨpɨndar yuvɨrekoi va'e pendar yuvɨro'u.

Hebreos 9:9

Ko opakatu mba'e yande mbo'e mba'e kurïtëindar rese; esepia ko porerekosa iyavei mba'e seropove'ëprɨ a'eve Tüpä upe, nomoatɨröi ete imboeteisar pɨ'a ñemoñetasa.

Apocalipsis 15:5

Ko ipare asepia ɨvave oyemboise Tüpä rëtä imaräne'ɨ̇ va'e, a'eve akoi yapokatusa mborokwaita resendar.