Hebreos 8:2 - Tüpä Ñe'ëngagwer

² a'eve pa'i sekoi oporavɨkɨ Vu rëtä supiete va'e pɨpe, a'e ɨvave yande Yar rembiapo, nda'ei ava tëi rembiapo.

Tũpa Ñehengagüer

² Aheve pahi secoi oporavɨquɨ Vu rẽta supi eté vahe pɨpe. Ahe ɨvave ité yande Aposar rembiapo, ndahei ava tẽi rembiapo.

Hebreos 8:2 Iomraidhean Croise

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

Romanos 15:8

Che rumo aipo a'e peü Cristo ou judío pɨtɨ̇vɨï Tüpä remimombe'ugwer mboavɨye agwä judío ramoi araka'endar upe, egwë e'i Tüpä oñe'ë mboavɨyesa mboyekwa.

2 Corintios 5:1

Yaikwa ni'ä yande retekwer ndipokopɨi va'e, inungar oɨ ndipokopɨi va'e avei, ikwasa avei ni'ä ko oɨ opara imokañɨsa kuri, esepia Tüpä opa omoigätu ambuae oɨ ɨvave ndopai va'e yandeu, nda'ei a'e ava rembiapo tëi.

Colosenses 2:11

Ichui avei imbocircuncidaprɨ peiko, nda'ei rumo pe rete rese yaposa ava tëi rembiapo, ko rumo Tüpä oyapo va'e pe rekokwer rese, peiko va'erä Cristo rese, ipɨpe sui omokañɨpa pe angaipa pe sui.

Hebreos 10:11

Opakatu judío pa'i eta arɨ yakatu oyapo okwaita mba'e mɨmba avei-vei vɨropove'ë Tüpä upe yuvɨreko, yepe a'e vɨropove'ë tëi yuvɨreko viña, nomokañɨ katui ete rumo angaipa.

Hebreos 10:21

Iyavei a'e yande pa'i ɨvate katu va'e ite sekoi Tüpä rëtä rärösar.

Hebreos 11:10

Esepia Abraham osäröño ite tekwa ɨva pendar ovɨräkwä va'e, Tüpä ni'ä a'e tekwa rä'asar, yaposar avei.

Hebreos 9:1

Evokoiyase yɨpɨndar Tüpä remimbotar vɨreko ava kwaitarä iñemonu'ä agwä, Tüpä mboeteisa pɨpe iyavei vɨreko tüpäro ko ɨvɨ pɨpendar.

Apocalipsis 21:3

Ipare asendu ñe'ësa ipirätä va'e Tüpä renda porañete va'e sui, aipo e'i: “Ko'ave Tüpä sekoi opakatu ava re'ɨi reseve. A'e oikove va'erä ite sese yuvɨreko yepi, a'e ava evokoiyase chupe narä ite yuvɨrekoira, Tüpä teiete ni'ä sekoira Itüpägwä.