Hebreos 7:8 - Tüpä Ñe'ëngagwer

⁸ Ko tekokwer pɨpe oipɨsɨ va'e ava poravɨkɨ reprɨ imboopayandepo yovaivesa sui ñepëi-pëi a'e ava rumo omano va'erä tëi yuvɨrekoi; Ikwachiaprɨ araka'endar pɨpe aipo e'i ñe'ësa Melquisedec resendar, esepia a'e nomano vɨtei va'e yepi.

Tũpa Ñehengagüer

⁸ Evocoi levita suindar oipɨsɨ ava poravɨquɨ reprɨ diez sui ñepei-pei. Ahe ava rumo omano vaherã tẽi yuvɨrecoi. Icuachiaprɨ aracahendar pɨpe rumo Melquisedec serer vahe oicoveño vahe ité.

Hebreos 7:8 Iomraidhean Croise

San Juan 14:19

Koiye katumi, yuvɨrekoi va'e ko ɨvɨ pɨpendar ndache repia iri chietera yuvɨreko; pe rumo che repia itera peye, iyavei peikoveño itera esepia che avei ni'ä aikovera.

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

Hebreos 3:16

¿Uma pi'ä akoi ava iñe'ë marä va'e yuvɨreko Tüpä ñe'ë rendu pare chupe? Moisés remienose Egipto ɨvɨ sui egwë e'i yuvɨreko.

Hebreos 5:6

Aipo e'i avei ambuae Ikwachiaprɨ pɨpe: “Nde ereiko pa'i ɨvate katu va'e apɨre'ɨ̇ va'erä, inungar tuprɨ mbɨa Melquisedec serer va'e.”

Hebreos 6:20

a'eve Jesús oike yande raperä mboi agwä, egwë e'i a'e apɨre'ɨ̇ va'e ite pa'i ɨvate katu va'e gweko agwä, inungar tuprɨ Melquisedec araka'e.

Hebreos 7:23

Yɨpɨndar seta pa'i yuvɨrekoi, opa-opaño rumo omano;

Hebreos 7:7

iyavei ndipoi chietera akoi sovasaprɨ ɨvate katu va'e sekoi oporovasa va'e sui yepi.

Hebreos 7:9

Iyavei aipo esa itera pa'i eta yuvɨrekoi va'e Leví suindar upe, iyavei kurïtëi vɨrokwa va'e imboopayandepo yovaivesa sui mboravɨkɨ reprɨ yuvɨreko, ipɨpe avei omboepɨ Melquisedec upe Abraham rupive yuvɨreko;

Hebreos 9:27

Supiete opa rane itera ava omano yuvɨreko, ipare voi ñepëi reseve oimerä porandusa,

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.