Hebreos 7:3 - Tüpä Ñe'ëngagwer

³ A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.

Tũpa Ñehengagüer

³ Ahe iyesupa rumo ndicuasai eté iyavei ichɨ, tamoi, arɨ iharagüer ndicuasai vahe ité. Ndicuasai avei imano agüer yuvɨreco. Secocuer rumo inungar Tũpa Rahɨr recocuer; ahe pahi apɨrẽhɨ vahe ité.

Hebreos 7:3 Iomraidhean Croise

San Mateo 4:3

Evokoiyase karugwar oyemboya oso Jesús rese seko'ä agwä, aipo e'i chupe: –Tüpä Ra'ɨrɨ ite ereikose, eyaporu ko ita sui mboyape kurïtëi.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 7:1

Ko Melquisedec aipo mborerekwar gwasu Salem pendar, iyavei pa'i Tüpä ɨvate katu va'e upendar sekoi araka'e. Abraham oyevɨse perɨ rupi ovavasa sui ou mborerekwar gwasu eta momba pare, a'ese Melquisedec osë voi ete oso Abraham rovaïchi Tüpä porovasasa mondo agwä chupe;

Hebreos 7:17

Esepia Tüpä aipo e'i oñe'ë sese: “Nde pa'i apɨre'ɨ̇ va'erä ite ereiko, inungar Melquisedec yepi.”

Hebreos 7:2

a'ese Abraham omondo oporerekosa vavasa sui mba'e gweru va'e imboopayandepo yovaivesa sui ñepëi-pëi chupe, opakatu rovai ikwa agwä ko Melquisedec rer “mborerekwar gwasu seko ɨ̇vi va'e” oyapave aipo e'i, iyavei a'e mborerekwar ɨvate katu va'e Salem pendar sekoi, “mborerekwar ɨvate katu va'e mba'e tuprɨ resendar ” oyapave aipo e'i.

Hebreos 7:6

Yepe Melquisedec nda'ei Leví suindar viña, a'e rumo oipɨsɨ Abraham sui evokoi porerekosa; Abraham, a'e akoi oipɨsɨ va'erä mba'e Tüpä remimombe'u. Egwë e'i Melquisedec Abraham rovasa;