Hebreos 7:27 - Tüpä Ñe'ëngagwer

²⁷ Nda'ei ete ambuae pa'i eta nungar sekoi, ndoyuka ranei arɨ yakatu rupi mba'e mɨmba Tüpä upe seropove'ë agwä yɨpɨndar oangaipa rese, ipare opakatu ambuae angaipa rese. Ñepëi reseve Jesús vɨropove'ë gwete opakatu ava angaipa repɨrä.

Tũpa Ñehengagüer

²⁷ Ndahei eté ambuae pahi eta nungar secoi, ndoyuca ranei arɨ yacatu rupi mbahe mɨmba Tũpa upe seropovẽhe ãgua yɨpɨndar oangaipa rese, ipare opacatu ambuae angaipa rese. Ñepei reseve ité rumo güete vɨropovẽhe opacatu ava angaipa repɨrã.

Hebreos 7:27 Iomraidhean Croise

Romanos 6:10

Supiete omanose Cristo, omano ñepëi reseve opakatu angaipa mokañɨ agwä; kurïtëi rumo oikove Tüpä upe narä.

Efesios 2:22

Egwë peye aveira ni'ä Cristo rese peikose opakatu tuprɨ peyemboyoyase ñepëi reve inungar tüpäro, ipɨpe Tüpä Espíritu sekoira.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

Tito 2:14

A'e oyemondo mano pɨpe yande rekokwer rese, opakatu mba'e naporäi va'e sui iyavei yande moatɨrö tuprɨ, evokoiyase yaikora sekwa pɨpe chupe narä gweraño ite, yande kere'ɨ̇save opakatu mba'e avɨye va'e apo agwä.

Hebreos 5:1

Opakatu pa'i ɨvate katu va'e iporavoprɨ sekoi ava pa'ü sui, ava rekokwer reropove'ë agwä Tüpä upe iyavei porerekosa mondo agwä chupe, mba'e mɨmba yukaprɨ reropove'ë agwä avei ava angaipa repɨrä.

Hebreos 5:3

a'e rumo gweko pirätä e'ɨ̇sa pɨpe vɨropove'ë mba'e mɨmba yukaprɨ Tüpä upe oangaipa repɨrä, opakatu ambuae ava angaipa repɨrä avei.

Hebreos 8:4

A'e sekoise ko ɨvɨ pɨpe viña, nda'ei chietera pa'i sekoi, esepia ko'ave oime vɨte pa'i mba'e vɨropove'ë va'e Moisés porokwaita rupi yuvɨreko.

Hebreos 9:12

Cristo rumo oike imaräne'ɨ̇ katu va'esave ɨvave, nda'ei rumo ovesa iyavei gwaka ra'ɨrɨ ruvɨ reropove'ë agwä, a'e rumo vɨropove'ë vuvɨ ite opakatu rese; egwë e'i a'e ñepëi reseve oike apɨre'ɨ̇ va'e ñepɨsɨrösa reime agwä yandeu.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

Hebreos 9:25

Iyavei Cristo ndoikei seta yupagwer tüpäro pɨpe mba'e reropove'ë agwä, inungar opakatu pa'i ɨvate katu va'e oyapo yuvɨreko yepi, yuvɨroike tüpäro maräne'ɨ̇ pɨpe vɨropove'ë va'erä mba'e ruvɨ tëi yuvɨreko yepi.

Hebreos 9:26

Egwë e'ise rumo viña, Cristo evokoiyase omanora ɨvɨ apo suive oiko viña. Kurïtëi rumo Cristo oyemboyekwa ko ipa arɨ rupi ñepëi reseve, apɨre'ɨ̇ va'erä vɨropove'ë agwä gwete Tüpä upe tokañɨpa angaipa oyapave.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

Hebreos 9:7

Imoñuvɨrïosa oɨ pɨpe rumo pa'i ɨvate katu va'eño oike ñepëi reseve ñepëi-pëi aravɨter pɨpe; iyavei gweike yakatu vɨroike mba'e mɨmba ruvɨ vɨropove'ë agwä Tüpä upe oangaipa rese, ava ikwa e'ɨ̇ pɨpe angaipa oyapo va'e repɨrä avei.