Hebreos 7:19 - Tüpä Ñe'ëngagwer

¹⁹ esepia Moisés porokwaita ndosekuñaröi ete tekokwer, yande rumo yasärö mba'e avɨye katu va'e yande rekokwer upe narä, supi ni'ä yayemboya Tüpä rese.

Tũpa Ñehengagüer

¹⁹ Esepia, Moisés porocuaita ndosecocuer mbocatuprɨi eté ava. Yande rumo yasãro mbahe avɨye catu vahe yande recocuer uve nara. Supi niha yayemboya Tũpa rese.

Hebreos 7:19 Iomraidhean Croise

San Juan 1:17

esepia mborokwaita yaipɨsɨ ou va'e Moisés sui yepi; poroaɨsusa rumo iyavei mba'e supiete va'e, a'e yavɨye ite Jesucristo rupi.

San Juan 14:6

Jesús omboyevɨ chupe: –Che ni'ä aiko perɨ supiete va'e iyavei tekovesa. Che rupi gweraño ite peyepotara che Ru upe.

Romanos 5:2

Esepia Jesucristo sui ni'ä yareko ko Tüpä suindar porovasasa yayeroyase sese, ipɨpe avei yayemovɨräkwäño ite yaiko, yayembovɨ'a aveira esepia yaikwa Tüpä pɨri yande reko agwä imborerekwasave.

Romanos 7:7

¿Ko sui pi'ä porokwaita angaipa tëi ya'era? ¡Ani ete nda'ei ete supi! Ko rumo ndaikwai chietera che angaipa porokwaita ndipoise viña. Supiete che ndaikwaise, “Ndapeipotarai chira ambuae ava mba'e.” e'i va'e mborokwaita pɨpe, a'ese ndaikwai chira che mba'e pota raisa viña.

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

Gálatas 2:16

Kurïtëi rumo yaikwa, ndipoi ete ava seko katuprɨ va'e Moisés porokwaita mboavɨyesa pɨpe Jesucristo rese yeroyasa pɨpe ñoite rumo yande reko katuprɨ. Sese yande avei yayeroya Jesucristo rese, a'ese Tüpä oikwara yande yeroyasa, avɨye yande yeroyasa upe nda'ei porokwaita reroyasa pɨpe. Esepia ndipoi chietera ñepëi ava seko katuprɨ va'e porokwaita mboavɨyesa pɨpe tëi.

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Gálatas 3:24

Inungar chi'ïvä'emi tëi, egwë ya'e porokwaitavrɨve yaiko yɨpɨndar, a'e porokwaita rumo yande mbo'e Cristo yu agwä toyeroya sese gweko katuprɨ agwä kuri oya yandeu.

Efesios 3:12

Iyavei Cristo reroyasa pɨpe suiño ite yaikatura yayemboya Tüpä rese yande sɨkɨye e'ɨ̇sa pɨpe.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

1 Timoteo 1:1

Che Pablo, Cristo Jesús ñe'ë mombe'usar aiko, imbouprɨ Tüpä remimbotar rupi iyavei yande Pɨsɨrösar Cristo Jesús porokwaita rupi, a'e ni'ä yande remiarö sekoi,

Hebreos 10:1

Esepia Moisés porokwaita mba'e avɨye va'e ra'anga nungar tëi ou, nda'ei rumo a'e ite ou. Sese a'e porokwaita ndoikatui ete ava Tüpä rese oyemboya va'e reko mo'ɨ̇vi tuprɨ agwä, mba'e seropove'ëprɨ aravɨter yakatundar pɨpe.

Hebreos 11:40

esepia Tüpä omoime mba'e avɨye katu va'e yandeu oyoya tuprɨ toipɨsɨ gwekokwer i'ɨ̇vi tuprɨ agwä che remimombe'ugwer rupi yuvɨreko o'esa pɨpe, yandeu opakatu avei.

Hebreos 11:6

Nda'ei ete rumo Tüpä pɨ'a rupi yaiko ndayayeroyaise sese, esepia yayemboya potase Tüpä rese, yayeroya rane itera sese iyavei omondora mba'e avɨye va'e vɨroyasar upe narä.

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 4:16

Sese yayemboya katura yande yeroyasa pɨpe yande Ru Tüpä mborerekwasa iporoaɨsusa rese avei, ipɨpe sui tayande paraɨsuereko gweko avɨyesa pɨpe yande pɨtɨ̇vɨï agwä mba'e tëi oimese yandeu.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

Hebreos 7:11

Ava Israel pendar oipɨsɨ mborokwaita pa'i Leví sui a'e Aarón suindar yuvɨrekoi va'e. Supietese pa'i eta ava vɨrekose Tüpä suindar gweko katuprɨsa evokoi mborokwaita reroya pɨpe viña, evokoiyase ndoyemboyekwai chietera ambuae pa'i viña. Nda'ei chira rumo a'e Aarón nungar, a'e Melquisedec nungar itera.

Hebreos 7:20

Iyavei Tüpä rumo oñe'ë omoigätu ñepëi reseve gwerer pɨpe. Ambuae pa'i rumo nda'ei ñepëi reseve senoiprɨ yuvɨrekoi,

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

Hebreos 8:6

Yande pa'i ɨvate katu va'e rumo Jesús, vɨreko okwaita avɨye katu va'e ambuae pa'i sui, esepia Tüpä remimbotar ipɨasu va'e Jesús gweru va'e yandeu avɨye katu va'e ite yɨpɨndar va'e sui sesendar Tüpä remimombe'u avɨye katu va'e avei.

Hebreos 9:9

Ko opakatu mba'e yande mbo'e mba'e kurïtëindar rese; esepia ko porerekosa iyavei mba'e seropove'ëprɨ a'eve Tüpä upe, nomoatɨröi ete imboeteisar pɨ'a ñemoñetasa.

Santiago 4:8

Peyemboya Tüpä rese, a'e evokoiyase oyemboyara pe rese. ¡Peñemoatɨrö mba'e peyapo va'e sui! ¡Iyavei pemoatɨrö pe pɨ'a ñemoñetasa, pesaɨsu pota va'e Tüpä a'e pɨpe avei pesaɨsu mba'e ko ɨvɨ pɨpendar!