Hebreos 7:16 - Tüpä Ñe'ëngagwer

¹⁶ a'e rumo nda'ei porokwaita rupi sekoi pa'igwä, a'e oike pa'i gweko agwä ɨvɨ pɨpendar pɨ'a ñemoñetasa rupi tëi, iyavei a'e oike teko pirätäsa ndopai va'e pɨpe ite.

Tũpa Ñehengagüer

¹⁶ Ahe rumo ndahei porocuaita “uma sui osẽra pahiguã” ehi vahe sui oique pahi güeco ãgua; güecocuer pĩrata ndopai vahe reseve oique.

Hebreos 7:16 Iomraidhean Croise

Romanos 7:14

Yaikwa ni'ä porokwaita Tüpä suindar, che rumo ava tëi imondoprɨ aiko angaipa mboyeroya agwä.

Gálatas 4:3

Egwë ya'e avei yande yaiko: yande chi'ïvä'emise porokwaita povrɨve tëi yaiko ko ɨvɨ pɨpe.

Gálatas 4:9

Kurïtëi rumo peikwa ite Tüpä, egwë e'i kurïtëi Tüpä ite oikwa pe rekokwer, sese ni'ä aipo a'e che yeupe, “¿marä e'i pi'ä oyevɨ iri mborokwaita tëi pɨpe mbigwai tëi gweko iri agwä yuvɨreko?”

Colosenses 2:14

Tüpä opa omboye'o yande angaipa yande reko momaräsar oime va'e sui; Cristo atɨkasa kurusu sui opa yande renose yande kañɨ rägwer sui.

Colosenses 2:20

Pe omano va'ekwer peiko Cristo rese, iyavei ndapeiko iri ko ɨvɨ pɨpendar pɨ'a ñemoñetasa povrɨve tëi. ¿Ma'erä evokoiyase peroya vɨte ko ɨvɨ pɨpendar porokwaita egwë e'i tëi va'e

Hebreos 10:1

Esepia Moisés porokwaita mba'e avɨye va'e ra'anga nungar tëi ou, nda'ei rumo a'e ite ou. Sese a'e porokwaita ndoikatui ete ava Tüpä rese oyemboya va'e reko mo'ɨ̇vi tuprɨ agwä, mba'e seropove'ëprɨ aravɨter yakatundar pɨpe.

Hebreos 7:15

Iyavei ko oyekwa tuprɨ katu itera, oyekwase pa'i ipɨasu va'e Melquisedec nungar,

Hebreos 7:17

Esepia Tüpä aipo e'i oñe'ë sese: “Nde pa'i apɨre'ɨ̇ va'erä ite ereiko, inungar Melquisedec yepi.”

Hebreos 7:21

yande Yar rumo osenoi ñepëi reseve gwerer pɨpe pa'i seko agwä, esepia Ikwachiaprɨ pɨpe aipo e'i chupe: “Yande Yar osenoi ñepëi reseve sese nosekuñaröi chietera: ‘Nde pa'i apɨre'ɨ̇ va'erä ite ereiko.’ ”

Hebreos 7:28

Moisés porokwaita rupi iporavoprɨ pa'i ɨvate katu va'erä ava nda'ei seko tuprɨ va'e; Tüpä rumo Moisés porokwaita pare osenoi ñepëi reseve Gwa'ɨrɨ seko katuprɨ va'e tasekoi pa'i ɨvate katu va'e apɨre'ɨ̇ va'erä ite oya.

Hebreos 7:3

A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.