Hebreos 7:15 - Tüpä Ñe'ëngagwer

¹⁵ Iyavei ko oyekwa tuprɨ katu itera, oyekwase pa'i ipɨasu va'e Melquisedec nungar,

Tũpa Ñehengagüer

¹⁵ Iyavei co oyecua tuprɨ catu itera, oyecuase pahi ipɨasu vahe Melquisedec nungar.

Hebreos 7:15 Iomraidhean Croise

San Mateo 13:21

esepia inungar ko ndovɨrekoi ete gwapo, ovɨräkwä agwä; egwë e'i avei evokoi nungar ava oimese mba'e-mba'e tëi Tüpä ñe'ëngagwer rese chupe, kurïtëimi seroya e'ɨ̇save oyepepɨ ichui.

Hebreos 5:6

Aipo e'i avei ambuae Ikwachiaprɨ pɨpe: “Nde ereiko pa'i ɨvate katu va'e apɨre'ɨ̇ va'erä, inungar tuprɨ mbɨa Melquisedec serer va'e.”

Hebreos 7:11

Ava Israel pendar oipɨsɨ mborokwaita pa'i Leví sui a'e Aarón suindar yuvɨrekoi va'e. Supietese pa'i eta ava vɨrekose Tüpä suindar gweko katuprɨsa evokoi mborokwaita reroya pɨpe viña, evokoiyase ndoyemboyekwai chietera ambuae pa'i viña. Nda'ei chira rumo a'e Aarón nungar, a'e Melquisedec nungar itera.

Hebreos 7:14

Esepia ikwaprɨ ite yande Yar ouse Judá sui, iyavei Moisés noñe'ëi ete ichuindar rese, oñe'ëse pa'i kwaita rese.

Hebreos 7:16

a'e rumo nda'ei porokwaita rupi sekoi pa'igwä, a'e oike pa'i gweko agwä ɨvɨ pɨpendar pɨ'a ñemoñetasa rupi tëi, iyavei a'e oike teko pirätäsa ndopai va'e pɨpe ite.

Hebreos 7:3

A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.