Hebreos 6:4 - Tüpä Ñe'ëngagwer

⁴ Esepia akoi ava yɨpɨndar osendukwa va'e Tüpä remimbotar, osä'a va'e avei Tüpä suindar porerekosa iyavei oyandu ite Espíritu Maräne'ɨ̇ gwekokwer pɨpe,

Tũpa Ñehengagüer

⁴ Acoi ava yɨpɨndar osenducua vahe Tũpa remimbotar, osãha vahe avei Tũpa suindar porerecosa iyavei oyandu ité Espíritu Santo güecocuer pɨpe,

Hebreos 6:4 Iomraidhean Croise

San Mateo 12:45

Evokoiyase oso ñuvɨrïo ova karugwar naporäi katu va'e monu'ä oyesui, iyavei opakatu tuprɨ yuvɨroike ava avɨterve, a'e opɨta mba'e tëi katu yɨpɨndar va'e sui. Egwë e'i tuprɨ aveira yuvɨreko ava kurïtëindar ndiporeroyai va'e.”

San Mateo 5:13

“Pe inungar peiko yukrɨ ko ɨvɨ pɨpe opakatu ava upe. Yukrɨ rumo nase'ë irise, ¿marä ya'era pi'ä imoe'ë iri agwä viña? Naporäi iri ete ma'erä, egwë e'i imombosa okar rupi ava pɨrungarä yuvɨreko.

San Juan 15:6

Akoi ndasekoi va'e che rese, a'e imombosara okarve ipare rumo ipirura inungar akoi ɨvɨra räkä imonu'äsa va'e sapɨ pɨrä tatave yepi.

San Juan 3:27

Juan rumo aipo e'i chupe: –Ndipoi chietera ava vɨreko va'e mba'e, Tüpä nombouise chupe.

San Juan 4:10

Jesús omboyevɨ chupe: –Ereikwase Tüpä porerekosa ndeundar viña iyavei ereikwase a'e ava ndeu ɨ rese oporandu va'e, nde evokoiyase ereporandura sese chupe, a'e evokoiyase omondora ɨ ndopai va'e ndeu viña.

San Juan 6:32

Jesús rumo omboyevɨ chupe: –Supiete amombe'u peü nda'ei Moisés omondo mboyape ɨva pendar peü, a'e che Ru omondo mboyape ɨva pendar peü supi va'e ite.

Los Hechos 10:45

Iyavei judío rupi yuvɨrogwata va'e iyembo'esa rese a'e avei yugweru pedro rupi, ndoyembovɨ'ai rumo yuvɨreko Espíritu Maräne'ɨ̇ ogweyɨse ou nda'ei va'e judío arɨve,

Los Hechos 11:17

Esepia, Tüpä omondo ite mba'e chupe inungar ombou va'e yandeu yande Yar Jesucristo reroyasa pɨpe, ¿umavo che aiko Tüpä amotare'ɨ̇ agwä?

Los Hechos 15:8

Tüpä oikwa opakatu ava pɨ'añemoñetasa, omboyekwa ite oporoaɨsusa nda'ei va'e judío upe, chupe avei omondo Espíritu Maräne'ɨ̇ inungar akoi ombou va'e yandeu yepi.

Los Hechos 8:20

Evokoiyase Pedro omboyevɨ chupe: –¡Tokañɨpa nde gwarepochi nde reseve esepia nde pɨ'añemoñeta ko Tüpä ombou va'e rese, ererokwa pota va'e nde gwarepochi pɨpe viña!

Romanos 1:11

Esepia che aso pota ite Espíritu suindar mba'ekwasa mondo peü pe pɨtɨ̇vɨï agwä toyemovɨräkwä tuprɨ katu yuvɨreko che yapave;

2 Corintios 4:4

Esepia a'e ndovɨroyai ete yuvɨreko, karugwar rerekwar ko ɨvɨ pɨpendar opa oyarakwa mokañɨ, ndosepiai va'erä tesapesa porañete va'e Cristo resendar yuvɨreko, esepia a'e Tüpä rekokwer mboyekwasar sekoi.

2 Corintios 4:6

Esepia Tüpä teite ombou tesapesa pɨ̇tümimbi va'e resape agwä, a'e avei osesape uka yande pɨ'a pɨpe, ichui yaikatura ambuae ava resape, iyavei yamboyekwara Tüpä porañetesa osesape va'erä Jesucristo rekokwer rese yaiko.

Gálatas 3:2

Aipota pemboyevɨ che porandusa cheu ¿Moisés porokwaita mboyeroya pɨpe pi'ä peipɨsɨ Espíritu Tüpä suindar, anise ko ñe'ësa pesendu va'ekwer reroya pɨpe tie?

Gálatas 3:5

Akoi Tüpä omondose Espíritu peü iyavei oyapo va'e mba'e poromondɨisa pe pa'üve, ¿ma'erä pi'ä oyapo? Esepia ko ñe'ësa pesendu va'e peroya ite, sese egwë e'i peü nda'ei Moisés porokwaita tëi reroya pɨpe.

Efesios 1:18

Egwë a'e aporandu Tüpä upe pe pɨ'a resape agwä rese, ipɨpe peikwa katura ko pesärö va'e ɨvave pereike agwä, peikwa aveira ko mba'e imondopɨrä ɨva pendar iporañete va'e Tüpä upendar yuvɨrekoi va'e upe,

Efesios 2:8

Esepia Tüpä oporovasasa pɨpe pe pɨsɨrö Jesús rese peyeroyase. Nda'ei rumo pe rekokwer sui tëi peñepɨsɨrö, Tüpä ni'ä ombou oporerekosa peü.

Efesios 3:7

Iyavei che aiko ko ñe'ësa mombe'u agwä, Tüpä oporoaɨsusa pɨpe na e'i che rereko, a'e omboyekwa ite gweko pirätäsa cheu.

Efesios 4:7

Iyavei Cristo ni'ä yande yakatu ñepëi-pëi mba'ekwasa ombou.

1 Timoteo 4:14

Nderepoi chira Tüpä ndeu mba'ekwasa ombou va'e sui, esepia ava Jesús reroyasar rärösar upe Tüpä omombe'use nde kwaitarä, omondo opo nde arɨve yuvɨreko.

2 Timoteo 2:25

iyavei omboarakwara gwekoasɨ e'ɨ̇sa pɨpe akoi ava ndiporeroyai va'e, esepia avɨyeteramo Tüpä osekuñaröra ipɨ'añemoñeta raisa oyeupe yevɨ iri agwä, ipɨpe sui porombo'esa supiete va'e oikwara yuvɨreko.

2 Timoteo 4:14

Alejandro gwarepochi mombesar oyapo mba'e tëi cheu; yande Yar rumo oikwara sembiapokwer rese chupe.

Hebreos 10:32

Peyemoma'endu'a akoi yɨpɨndar mba'e araka'endar rese, akoi peipɨsɨse tesapesa avɨye va'e, peyemovɨräkwäño avei pe rekoa'äsa upe pe yemombaraɨsusa pɨpe.

Hebreos 2:4

Iyavei Tüpä oyapo seta mba'e yavairai va'e poromondɨisa ndayasepiai va'e, iyavei Espíritu Maräne'ɨ̇ pɨpe, omboyoavɨratɨ mba'ekwasa imbou yandeu gwemimbotar rupi toikwa yuvɨreko ko ñe'ësa supi tuprɨ va'e oyapave.

1 San Juan 5:16

Akoi osepia va'e yande mboetasa Tüpä reroyasar oyemboangaipa va'e, a'e rumo nda'ei manosave narä, oyerurera sese, evokoiyase Tüpä omondora sekove agwä chupe, oime rumo angaipa a'e gweru manosa, peyerure evokoi nungar angaipa rese nda'ei peü.