Hebreos 6:18 - Tüpä Ñe'ëngagwer

¹⁸ Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

Tũpa Ñehengagüer

¹⁸ Ẽgüe ehi oime ñuvɨrío mbahe imboyepoepɨpɨrẽhɨ: Tũpa niha ndoporombopai vahe ité, ipɨpe avei yande monguerẽhɨ catu yande yaseca vahe iporopɨ̃tɨvɨisa iyavei yayeroya vahe ñearosa yandeu ombou vahe rese.

Hebreos 6:18 Iomraidhean Croise

San Mateo 24:35

Ɨva iyavei ɨvɨ opara okañɨ, che ñe'ëngagwer rumo imboavɨyesa rane itera.”

San Mateo 3:7

Juan osepiase ava fariseo eta iyavei saduceo eta, yuvɨraso oñeapirämo agwä chupe viña, a'e rumo aipo e'i: “¡Pe mboi mboetasa tëi peiko! ¿Ava vo pesëra Tüpä ñemoɨrösa ou va'erä sui e'i tuprɨ tëi peü?

San Lucas 2:25

A'e arɨ pɨpe araka'e ñepëi mbɨa sekoi va'e Jerusalén ve Simeón serer va'e. A'e mbɨa avɨye eteprɨ va'e sekokwer, osärö va'e avei Pɨsɨrösar imombe'uprɨ. Espíritu Maräne'ɨ̇ rumo sekoi va'e ite Simeón rese,

Romanos 15:5

Iyavei Tüpä ni'ä ombou ñemosasa poromongere'ɨ̇sa, pepɨtɨ̇vɨï va'erä peiko tuprɨ agwä ñepëi-pëi peyese, inungar Cristo Jesús rembiapokwer rupi,

Romanos 3:25

Tüpä rumo ombou Gwa'ɨrɨ Cristo oipɨyere va'erä vuvɨ yande angaipa rese ñerö agwä. Ko poropɨsɨrösa yareko yande yeroyasa pɨpe. Na e'i pota Tüpä yande rekokwer moigätu agwä: ipɨpe sui iñeröira yande angaipa yayavɨ va'ekwer upe,

Romanos 3:4

¡Ani nda'ei ete supi! Esepia, Tüpä omboyekwa ite mba'e supi tuprɨ va'e gwembiapo, yepe opakatu ava semirä ñeteai va'e yuvɨreko; esepia Ikwachiaprɨ araka'endar pɨpe aipo e'i: “Supi tuprɨ va'e Tüpä e'ira nde ñe'ë rese yuvɨreko, iyavei ereikese ava porandusave eresë tuprɨñora ichui.”

Romanos 5:5

Iyavei a'e yande remiarö ndayambo'a chira mba'e tëi pɨpe sereko, esepia Tüpä ombou ite oporoaɨsusa yandeu Espíritu Maräne'ɨ̇ yandeu ombou va'e pɨpe.

Filipenses 2:1

Iyavei Cristo pe mongere'ɨ̇, pe mbovɨ'a oporoaɨsusa pɨpe oiko, Espíritu avei sekoi pe rese. Peyeaɨsu tuprɨ iyavei pe yeaɨsusa pɨpe peñepɨtɨ̇vɨï,

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

Colosenses 1:27

Chupe ite Tüpä omboyekwa pota ko ñe'ësa porañete va'e omboyekwa ramo va'e opakatu ava yuvɨrekoi va'e ɨvɨ pɨpendar upe. Ko ñe'ësa ndikwasai va'e, a'e Cristo pe rese sekoi va'e, ko yande remiarö yareko va'erä teko orɨ porañete va'e kuri.

Colosenses 1:5

peyapɨsaka tuprɨsa pɨpe ni'ä, peipɨsɨra Tüpä porerekosa ɨvave mba'e avɨye va'e pereko agwä. A'e ichui ni'ä pesendu ñe'ësa supi tuprɨ va'e Jesucristo resendar yepi,

1 Tesalonicenses 1:10

omombe'u avei pesärö va'e Tüpä Ra'ɨrɨ Jesús iyevɨ agwä ɨva sui yuvɨreko oreu, a'e akoi Tüpä ombogwerayevɨ va'e Jesús omano va'e pa'ü sui, a'e ni'ä yande pɨsɨröra ñemoɨrösa ipirätä va'e sui.

1 Timoteo 1:1

Che Pablo, Cristo Jesús ñe'ë mombe'usar aiko, imbouprɨ Tüpä remimbotar rupi iyavei yande Pɨsɨrösar Cristo Jesús porokwaita rupi, a'e ni'ä yande remiarö sekoi,

1 Timoteo 6:12

Eyemovɨräkwä mba'e tëi upe Tüpä reroyasave; erepoi rene tekovesa apɨre'ɨ̇ va'e sui, sese ni'ä Tüpä oñe'ë ndeu, iyavei eremombe'u ite ni'ä Tüpä reroyasa nde reko agwä ava eta rovai.

2 Timoteo 2:13

yepe kokotɨ tëi yarovara yande rekokwer seroya e'ɨ̇save, a'e rumo ndovɨrovai chietera gweko ɨ̇visa, esepia ndoikatui, nda'ei che a'e aiko e'i va'erä.

Tito 1:2

esepia ndopai va'e tekovesa apɨre'ɨ̇. Tüpä ndoporombopai va'e, omombe'u ko tekovesa ndopai va'erä,

Hebreos 11:7

Tüpä reroyasa pɨpe avei Noé, a'ese Tüpä omombe'u chupe mba'e ndasepiasa vɨtei va'e, evokoiyase seroyasave oyapo arca oyesuindar pɨsɨrö agwä. Iyavei sese oyeroya pɨpe omombe'u ava ko ɨvɨ pɨpendar kañɨ agwä, a'e rumo Tüpä rese oyeroya pɨpe oñepɨsɨrö.

Hebreos 3:11

Sese che añemoɨrö aipo a'e yuvɨreko chupe ñepëi reseve ndapepɨtu'ui chietera che pɨtu'usa pɨpe.”

Hebreos 3:6

Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Hebreos 6:17

Supiete, Tüpä omboyekwa pota mba'e gwempiapo akoi ava upe omondo va'erä oporoaɨsusa, iyavei a'e omboavɨye pota ite oñe'ësa supiete va'e. Sese omboavɨye ite oñe'ëngagwer oiko.

Hebreos 7:19

esepia Moisés porokwaita ndosekuñaröi ete tekokwer, yande rumo yasärö mba'e avɨye katu va'e yande rekokwer upe narä, supi ni'ä yayemboya Tüpä rese.

Hebreos 7:21

yande Yar rumo osenoi ñepëi reseve gwerer pɨpe pa'i seko agwä, esepia Ikwachiaprɨ pɨpe aipo e'i chupe: “Yande Yar osenoi ñepëi reseve sese nosekuñaröi chietera: ‘Nde pa'i apɨre'ɨ̇ va'erä ite ereiko.’ ”

1 San Juan 1:10

Iyavei che ndacheangaipai ete ya'e tuprɨ tëise yaiko, evokoiyase Tüpä semirañeteai va'e nungar yareko, ipɨpe ndayaroyai iñe'ëngagwer.

1 San Juan 5:10

Akoi vɨroya va'e Tüpä Ra'ɨrɨ vɨreko ite semimombe'u opɨ'a pɨpe, akoi ndovɨroyai va'e rumo Tüpä, semiräñeteai va'e nungar tëi vɨreko, esepia ndovɨroyai Tüpä ñe'ë Ta'ɨrɨ resendar.