Hebreos 5:9 - Tüpä Ñe'ëngagwer

⁹ evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

Tũpa Ñehengagüer

⁹ evocoiya güeco pɨpe omboavɨye güeco catuprɨsa. Ipɨpe sui güeru poropɨ̃sɨrosa ndopai vahe opacatu vɨroyasar upe nara.

Hebreos 5:9 Iomraidhean Croise

San Mateo 17:5

Pedro ñe'ë vɨte seve, ñepëi mba'e pɨ̇tü ou osesape iteanga opɨta i'arɨve tuprɨ yuvɨreko, ipare mba'e pɨ̇tü sui oyeendu ñe'ësa aipo e'i: “Ko che Ra'ɨrɨ che rembiaɨsu, che rembiporavo: peyapɨsaka katu iñe'ë rese.”

San Lucas 13:32

A'e rumo omboyevɨ chupe: –Peso tapemombe'u aipo mbɨa agwara nungar tëi upe: ‘Esepia, ko pɨpe iyavei ayi'ive amboyepepɨpara karugwareta vichiko, ambogwera aveira imba'easɨ va'e, kuri ayi'ive evokoiyase amombara chekwaita.’

San Juan 19:30

Jesús oɨ'u uva rɨkwer sai va'e aipo e'i: –Opakatu ite mba'e yavɨye. Ipare voi ñakäɨvɨso omano.

Los Hechos 3:15

Iyavei akoi egwë peye tekovesa ombou va'e yandeu yuka peiko. Tüpä rumo ombogwerayevɨ omano va'e pa'ü sui. A'e ko oromombe'u oroiko peü.

Los Hechos 4:12

Ndipoi ambuae ava sui poropɨsɨrösa, Jesús gweraño ite oikatu oporopɨsɨrö. Esepia Tüpä nomboui ambuae ava tëi ko ɨvɨ pɨpe yande pɨsɨrö agwä.

Los Hechos 5:32

Ore Tüpä rembiapo repiasarer imombe'u agwä oroiko, Espíritu Maräne'ɨ̇ avei oñe'ë ore ñe'ë rupi ava upe, a'e akoi Tüpä ombou va'e vɨroyasar upe.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 15:18

esepia cheu ndiyai añe'ë va'erä ambuae mba'e rese, ko mba'e Cristo oyapo uka va'e cheu ava nda'ei va'e judío rekokwer rese, seseño ite iyakatu cheu añe'ë va'erä, esepia amongere'ɨ̇ Tüpä reroya agwä yuvɨreko che ñe'ë rese, che rembiapo sui avei,

Romanos 2:8

ombou aveira oñemoɨrösa ava ndiporomboyeroyai va'e upe, a'e akoi, ko ñe'ësa supiete va'e reroya rägwer sui vɨroya va'e mba'e tëi.

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

Filipenses 2:12

Sese, che rɨvrɨ eta che rembiaɨsu, inungar pe che mboreroyaño ite peye yepi, nda'ei rumo aiko vɨteseño pe pa'üve, kurïtëi iya che mboyeroya katu peye amombrɨ aikose pesui. Peyapo mba'e avɨye va'e peiko va'erä pɨsɨrösa pɨpe, Tüpä mboeteisave ichui pe sɨkɨyesa pɨpe avei;

2 Tesalonicenses 1:8

A'e oura opakatu Tüpä reroyasare'ɨ̇ mombaraɨsu agwä iyavei yande Yar Jesús ñe'ësa poropɨsɨrösa resendar rendu tëisar mombaraɨsu avei.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

2 Timoteo 2:10

Sese che añemosaño opakatu mba'e-mba'e tëi upe opakatu Tüpä rembiporavo rekokwer avɨye agwä rese, tovɨreko katu pɨsɨrösa porañete apɨre'ɨ̇ va'e Jesucristo rese yuvɨreko che yapave.

Hebreos 1:14

Esepia opakatu mbigwai eta ɨva pendar espíritu yuvɨrekoi Tüpä upe oporavɨkɨ yuvɨreko, imbouprɨ ava pɨtɨ̇vɨï agwä ipɨsɨröpɨrä.

Hebreos 11:40

esepia Tüpä omoime mba'e avɨye katu va'e yandeu oyoya tuprɨ toipɨsɨ gwekokwer i'ɨ̇vi tuprɨ agwä che remimombe'ugwer rupi yuvɨreko o'esa pɨpe, yandeu opakatu avei.

Hebreos 11:8

Tüpä rese oyeroyasa pɨpe avei Abraham, oyeupe ñe'ëse omboyeroya ite oso ɨvɨ pɨsɨ agwä Tüpä remimbotar rupi. Osë oɨvɨ sui oso va'ëra ɨvɨ ndikwai va'esave,

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 2:10

Iyavei opakatu mba'e oime Tüpä upe, ichuindar avei toyuvɨroike opakatu che ra'ɨrɨ che reko porañetesave oyapave. Sese Tüpä omombaraɨsu uka Jesucristo Poropɨsɨrösar seko agwä yuvɨreko chupe.

Hebreos 2:3

¿Marä ya'era pi'ä evokoiyase yande yañemi Tüpä ñemoɨrösa sui viña akoi ndayandema'emo'ä tuprɨise ko yande pɨsɨrösa avɨye va'e rese? Esepia yande Yar a'e rane ite omombe'u yɨpɨndar ko ñe'ësa ñepɨsɨrösa resendar, ipare ramo oikwa yande pa'ü pendar sendusar yuvɨreko.

Hebreos 9:12

Cristo rumo oike imaräne'ɨ̇ katu va'esave ɨvave, nda'ei rumo ovesa iyavei gwaka ra'ɨrɨ ruvɨ reropove'ë agwä, a'e rumo vɨropove'ë vuvɨ ite opakatu rese; egwë e'i a'e ñepëi reseve oike apɨre'ɨ̇ va'e ñepɨsɨrösa reime agwä yandeu.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Juan 5:20

Yaikwa avei ni'ä Tüpä Ra'ɨrɨ ouse ko ɨvɨ pɨpe, ombou arakwasa yandeu yaikwa va'erä Tüpä supiete va'e. Yaiko avei Ta'ɨrɨ Jesucristo rese, a'e avei Tüpä supiete va'e iyavei tekovesa apɨre'ɨ̇ va'e.

San Judas 1:21

Peñearö tuprɨ Tüpä pe raɨsusa pɨpe pesärö vɨteño yande Yar Jesucristo, yande paraɨsuerekosa pɨpe, omboura tekovesa apɨre'ɨ̇ va'e yandeu.