Hebreos 5:6 - Tüpä Ñe'ëngagwer

⁶ Aipo e'i avei ambuae Ikwachiaprɨ pɨpe: “Nde ereiko pa'i ɨvate katu va'e apɨre'ɨ̇ va'erä, inungar tuprɨ mbɨa Melquisedec serer va'e.”

Tũpa Ñehengagüer

⁶ Aipo ehi avei ambuae icuachiaprɨ pɨpe: “Nde ereico pahi ɨvate catu vahe apɨrẽhɨ vaherã, inungar tuprɨ mbɨa Melquisedec serer vahe” ehi.

Hebreos 5:6 Iomraidhean Croise

Hebreos 5:10

Esepia Tüpä ni'ä osenoi Pa'i Ɨvate katu va'e seko agwä, inungar Melquisedec araka'e.

Hebreos 6:20

a'eve Jesús oike yande raperä mboi agwä, egwë e'i a'e apɨre'ɨ̇ va'e ite pa'i ɨvate katu va'e gweko agwä, inungar tuprɨ Melquisedec araka'e.

Hebreos 7:11

Ava Israel pendar oipɨsɨ mborokwaita pa'i Leví sui a'e Aarón suindar yuvɨrekoi va'e. Supietese pa'i eta ava vɨrekose Tüpä suindar gweko katuprɨsa evokoi mborokwaita reroya pɨpe viña, evokoiyase ndoyemboyekwai chietera ambuae pa'i viña. Nda'ei chira rumo a'e Aarón nungar, a'e Melquisedec nungar itera.

Hebreos 7:15

Iyavei ko oyekwa tuprɨ katu itera, oyekwase pa'i ipɨasu va'e Melquisedec nungar,

Hebreos 7:17

Esepia Tüpä aipo e'i oñe'ë sese: “Nde pa'i apɨre'ɨ̇ va'erä ite ereiko, inungar Melquisedec yepi.”

Hebreos 7:21

yande Yar rumo osenoi ñepëi reseve gwerer pɨpe pa'i seko agwä, esepia Ikwachiaprɨ pɨpe aipo e'i chupe: “Yande Yar osenoi ñepëi reseve sese nosekuñaröi chietera: ‘Nde pa'i apɨre'ɨ̇ va'erä ite ereiko.’ ”

Hebreos 7:3

A'e iyesupa rumo ndikwasai ete ichɨ iyavei tamoi, arɨ iyesu agwer avei imano agwer avei; egwë e'i sekokwer, inungar Tüpä Ra'ɨrɨ a'e pa'i apɨre'ɨ̇ va'e ite sekoi.

Hebreos 7:8

Ko tekokwer pɨpe oipɨsɨ va'e ava poravɨkɨ reprɨ imboopayandepo yovaivesa sui ñepëi-pëi a'e ava rumo omano va'erä tëi yuvɨrekoi; Ikwachiaprɨ araka'endar pɨpe aipo e'i ñe'ësa Melquisedec resendar, esepia a'e nomano vɨtei va'e yepi.