Hebreos 4:12 - Tüpä Ñe'ëngagwer

¹² Esepia Tüpä ñe'ëngagwer vɨreko tekovesa iyavei pirätäsa. A'e inungar kɨse saimbe katu va'e ambuae kɨse puku saimbe yoya va'e sui, a'e oike va'e ite yande avɨterve egwë e'i avei iñe'ëngagwer oñatoi ete yande ä yande espíritu avei; omboyekwa tuprɨ avei yande pɨ'añemoñeta mba'e rese porandu agwä yandeu.

Tũpa Ñehengagüer

¹² Esepia, Tũpa Ñehengagüer oicove vahe, ipĩrata avei. Ahe inungar avei quɨse saimbe catu vahe que ambuae quɨse pucu saimbe yoya vahe sui. Ahe oique vahe ité yande avɨterve; ẽgüe ehi avei iñehengagüer oñatoi eté yande hã, yande espíritu avei. Iyavei omboyecua tuprɨ ité yande pɨhañemoñeta.

Hebreos 4:12 Iomraidhean Croise

San Lucas 8:11

“Ko yembo'esa resendar aipo oyapave aipo e'i: Mba'e rä'ɨi a'e inungar Tüpä ñe'ëngagwer;

San Juan 12:48

Akoi ava che reroɨrö va'e ndovɨroyai avei che ñe'ë, oime rumo imokañɨ agwä: ko che ñe'ësa supiete va'e chupe oyemokañɨ ukara arɨ ipa va'e pɨpe yuvɨreko.

San Juan 6:51

Che a'e aiko mboyape oikove va'e ogweyɨ va'e ɨva sui; akoi o'u va'e ko mboyape, a'e oikovera tekovesa apɨre'ɨ̇ pɨpe. Ko mboyape amondo va'erä a'e che rete ite. A'e amondora ava rekokwer ɨvɨ pɨpendar rese.”

Los Hechos 2:37

Aipo renduse, tasɨ iteanga ipɨ'a pɨpe yuvɨreko, evokoiyase oporandu Pedro upe iyavei ambuae imboetasa upe yuvɨreko: –Ore mu eta, ¿mba'e vo oroyapora evokoiyase?

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

Los Hechos 5:33

Osenduse mborerekwar aipo ñe'ësa, oñemoɨrö iteanga yuvɨreko, oyukapa pota opakatu Jesús ñe'ë mombe'usar yuvɨreko viña.

Los Hechos 7:38

A'e avei akoi ɨvɨ iporupɨre'ɨ̇sa rupi ava pa'ü rupi sekoi, chupe avei oñe'ë mbigwai ɨva pendar ɨvɨtrɨ Sinaí ve yande ramoi rese; a'e avei oipɨsɨ ñe'ësa tekovesa resendar yandeu imbou agwä.”

Romanos 1:16

Che nachi ete ko ñe'ësa pɨsɨrösa resendar avɨye va'e sui, esepia a'e Tüpä pirätäsa opakatu seroyasar pɨsɨrö agwä, judío rane yɨpɨndar, ipare opakatu ambuae ava-ava tëi avei.

1 Corintios 1:24

akoi Tüpä oiporavo va'e, judío eta anise griego yuvɨrekoi va'e, ko Poropɨsɨrösar sekoi Tüpä pirätäsa imba'ekwasa avei.

2 Corintios 2:17

Ore rumo nda'ei seta ambuae ava nungar tëi oroiko, esepia oromombe'use Tüpä ñe'ëngagwer, nda'ei mba'e pɨsɨ agwä tëi rese egwë oro'e, ore rumo ore pɨ'añemoñeta tuprɨsa pɨpe oromombe'u ko ñe'ësa Tüpä rovake Cristo rese ore rekosa pɨpe, esepia ni'ä ore semimondo oroiko.

2 Corintios 4:2

Ore rumo oroseyapa opakatu mba'e tëi ore chïaisa, ndoromboyekwai va'e avei ore pɨ'a pɨpe sui; ndoroporombopa-mbopa tëi iyavei Tüpä ñe'ëngagwer ndorosekuñaröi ete. Ore rumo oroñe'ë tuprɨ mba'e supi tuprɨ va'e rese gweraño, egwë oro'e opakatu ava upe Tüpä rovai supiete katu te'i yuvɨreko opɨ'a pɨpe ore yapave.

Efesios 5:13

akoi yamboyekwa ukase rumo evokoi nungar mba'e tesapesa nungar pɨpe, a'ese oyekwa tuprɨ sekokwer naporäi va'e,

Efesios 5:26

Egwë e'i yande rekokwer moatɨrö yande angaipa sui ɨ pɨpe Tüpä ñe'ëngagwer reroyasave

Efesios 6:17

Poropɨsɨrösa inungar sundao akä ndɨru, ipɨpe tapeyoepɨ; peiporu avei Tüpä ñe'ëngagwer a'e ni'ä inungar kɨse puku Espíritu vɨreko va'e.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

1 Tesalonicenses 5:23

Tüpä tombou teko tuprɨsa peü iyavei tape pe'apa tuprɨ oyeupe narä, iyavei tosärö tuprɨ opakatu pe pirätäsa, pe'ä, pe rete avei pe reko maräne'ɨ̇ agwä ko yande Yar Jesucristo yevɨ irise kuri.

Hebreos 13:7

Peyemoma'endu'a pe rerogwatasar rese, peü Tüpä ñe'ëngagwer mombe'usar rese avei, pepɨ'añemoñeta tuprɨ sekokwer rese seko aprɨ rese avei; Tüpä reroya agwer rupi tuprɨ avei peiko.

Hebreos 6:5

osä'a va'e avei Tüpä ñe'ëngagwer avɨye va'e iyavei osä'a chi'ï ipirätäsa kuri oime va'erä viña,

Santiago 1:18

A'e rumo ombou tekovesa yandeu ko ñe'ësa supiete va'e pɨpe, toyuvɨrekoi inungar yɨpɨndar mba'e mitɨ̇ a seropove'ëprɨ cheu opakatu che rembiapo sui o'esave yandeu.

1 San Pedro 1:23

Pe ni'ä pereko tekovesa pɨasu, nda'ei pe yesupa omano tëi va'e suindar, a'e rumo Tüpä ñe'ëngagwer supi tuprɨ apɨre'ɨ̇ va'e reroya pɨpe.

Apocalipsis 1:16

Oakato kotɨ vɨreko ñuvɨrïo ova tuprɨ yasɨtata, iyavei iyuru sui osë kɨse puku saimbe yovai va'e. Sova evokoiyase avɨye arɨ rendɨgwer ipirätä va'e.

Apocalipsis 19:15

Iyuru pɨpe sui osë kɨse puku saimbe va'e opakatu ambuae-ae tekwa rupindar momarä agwä. A'e oyokwaira oamotare'ɨ̇sar gwarepochi apoprɨ opo pendar pɨpe. Iyavei osekoa'ära inungar uva opɨve otɨavɨi va'e yuvɨreko iyavei omboɨ'ura evokoi uva rɨkwer paraɨsu katusa resendar pɨpe. A'ese Tüpä mba'emboavaisare'ɨ̇ oñemoɨrö itera chupe.

Apocalipsis 19:21

Ambuae evokoiyase kavayu morochi va'e arɨ pendar yuru pɨpe sui osë va'e kɨse puku pɨpe opa omano yuvɨreko, evokoiyase opakatu vɨräi mba'e ro'ogwar opa so'o pɨpe oyemo'ɨ̇tarö yuvɨreko.

Apocalipsis 2:16

Sese pemboasɨ pe rekokwerai, peyevɨ Tüpä upe, anise che aso poyavara peü, a'ese avavara chupe yuvɨreko che yuru pɨpe sui osë va'e kɨse puku pɨpe.

Apocalipsis 2:23

Egwë e'i opakatu che reroyasar oikwara yuvɨreko che aikwa tuprɨ ite opakatu ava pɨ'a ñemoñetasa iyavei ñepëi-pëi pe yakatu amondora pe rembiapokwer reprɨ peü.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.