Hebreos 3:6 - Tüpä Ñe'ëngagwer

⁶ Cristo rumo Ta'ɨrɨ gweko pɨpe omboavɨye okwaita Tüpä rëtä rese, a'e yande yaiko yayeroyaño sese yasäröño avei yande yembovɨ'asa pɨpe ko mba'e avɨye va'e oime va'erä yandeu kuri.

Tũpa Ñehengagüer

⁶ Cristo rumo tahɨr güeco pɨpe omboavɨye ocuaita Vu tũparo rese. Ahe tũparo yande yaico yayeroyaño itese Cristo rese iyavei yasãroño itese yande yembovɨhasa pɨpe co mbahe avɨye vahe oime vaherã yandeu curi.

Hebreos 3:6 Iomraidhean Croise

San Mateo 10:22

Opakatu ava ndape ambotai chira che rekokwer sui tëi yuvɨreko; akoi oyemovɨräkwä va'eño tuprɨ ite arɨ ipa va'e rupi, a'e ipɨsɨröprɨ yuvɨrekoira kuri.

San Mateo 16:18

Iyavei che aipo a'e nde ereiko Pedro, ipare ko ita arɨve amopü'ara che tüpärogwä; iyavei ñepëi yepe manosa ndosekoreroyɨi chietera opirätäsa pɨpe.

San Mateo 24:13

Akoi ava oyemovɨräkwä va'e ñoite arɨ ipa va'e rupi, a'e oñepɨsɨröra yuvɨreko.

Romanos 11:22

Peyapɨsaka tuprɨ, Tüpä ni'ä avɨye va'e ite. Seko pirätä va'e avei rumo ava vɨroya e'ɨ̇sar upe. Peü rumo avɨye ite peikoño katu iporoaɨsusa pɨpe; avɨyeteramo ndapeikoise supi pe avei yasɨaprɨ nungar tëi peikora.

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

Romanos 15:13

Tüpä ite ni'ä ombou va'e oyesuindar rärö agwä, a'ese peikora vɨ'aretesa pɨpe sese peyerosa pɨpe, iyavei tombou poroarösa Espíritu Maräne'ɨ̇ pirätäsa pɨpe peü.

Romanos 5:2

Esepia Jesucristo sui ni'ä yareko ko Tüpä suindar porovasasa yayeroyase sese, ipɨpe avei yayemovɨräkwäño ite yaiko, yayembovɨ'a aveira esepia yaikwa Tüpä pɨri yande reko agwä imborerekwasave.

1 Corintios 3:16

¿Ndapeikwai vo Tüpä rëtä peikose, iyavei Tüpä Espíritu sekoise pe rese?

1 Corintios 6:19

¿Ndapeikwai vo pe retekwer Espíritu Maräne'ɨ̇ upendar ite sekoise a'e Tüpä ombou va'e peü, iyavei Espíritu Maräne'ɨ̇ sekoi ete pe rese? Pe evokoiyase nda'ei ete pe retekwer yar peiko,

2 Corintios 6:16

Nda'oyoyai chietera ni'ä mba'e ra'anga tëi Tüpä rëtä rese. Esepia yande ni'ä Tüpä oikove va'e rëtä nungar yaiko, a'e ni'ä aipo e'i Ikwachiaprɨ pɨpe araka'e: “Che aikovera seseve iyavei agwatara ipa'ü rupi yuvɨreko; che avei aikora Tüpä yuvɨreko chupe a'e evokoiyase cheu narä yuvɨrekoira.”

Gálatas 6:10

Sese yande katugwer rupi yayapo mba'e ikatuprɨ va'e opakatu upe; yande mboetasa Jesús reroyasar upe rumo yayapora.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Efesios 3:12

Iyavei Cristo reroyasa pɨpe suiño ite yaikatura yayemboya Tüpä rese yande sɨkɨye e'ɨ̇sa pɨpe.

Colosenses 1:23

Egwë peye agwä rumo peyemovɨräkwä ñoitera Cristo rese pe yeroyasa pɨpe yepi, ndapeyepepɨi chiaveira mba'e oime va'erä rese pe yeroyasa sui pesendu va'e ko ñe'ësa ñepɨsɨrösa resendar pɨpe. A'e imombe'usa opakatu ɨvɨ rupi, che ni'ä Pablo, ikwaiprɨ aiko ko ñe'ësa mombe'u agwä.

1 Tesalonicenses 5:16

Peyembovɨ'añora arɨ yakatu rupi yepi.

2 Tesalonicenses 2:16

Yande Yar Jesucristo teiete, yande Ru Tüpä avei, yande raɨsu yande rovasasa pɨpe ombou vɨ'asa apɨre'ɨ̇ va'e yandeu, iyavei yande reko tuprɨ rärö agwä iporoaɨsusa rese,

1 Timoteo 3:15

akoi che araka'ese, ereikwañora rumo pe reko tuprɨ agwä ava Tüpä rese yuvɨrekoi va'e pa'üve, a'e akoi Tüpä oikove va'e upendar yuvɨrekoi, oyemovɨräkwä tuprɨ va'e avei ko porombo'esa supiete va'e mboyekwa agwä.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

Hebreos 10:19

Sese che rɨvrɨ eta, iya ite kurïtëi yande reike agwä Tüpä rovai yande sɨkɨye e'ɨ̇sa pɨpe Jesús ruvɨ pɨpe sui,

Hebreos 10:21

Iyavei a'e yande pa'i ɨvate katu va'e ite sekoi Tüpä rëtä rärösar.

Hebreos 10:23

Yayemovɨräkwä katura mba'e avɨye va'e yande remiarö pɨpe yamombe'u va'e ava upe yande pɨ'añemoñeta rerova e'ɨ̇sa pɨpe. Esepia Tüpä omboavɨye itera mba'e gwemimombe'ugwer yandeu.

Hebreos 10:35

Sese pemokañɨ tëi eme Tüpä rese pe yeroyasa, esepia evokoiya pe rekosa pɨpe omoime ukara mba'e tuprɨ peü kuri.

Hebreos 11:1

Supiete yarekose yande yeroyasa Tüpä rese, a'ese yaikwa a'e ombou itera mba'e yasärö va'e yandeu; iyavei yaikwa ite oime mba'e ndayasepiai va'e.

Hebreos 3:14

Esepia yayemovɨräkwä tuprɨse Cristo rese, yande yeroyasa yɨpɨsuive yareko va'e pɨpe yande mano agwä rupi ete, a'ese yaiko itera sese.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

Hebreos 4:14

Jesús, Tüpä Ra'ɨrɨ, pa'i ɨvate katu va'e sekoi yandeu, oike va'e ɨvave Tüpä pɨri. Sese yayemovɨräkwäño itera yande yeroyasa pɨpe yepi.

Hebreos 4:16

Sese yayemboya katura yande yeroyasa pɨpe yande Ru Tüpä mborerekwasa iporoaɨsusa rese avei, ipɨpe sui tayande paraɨsuereko gweko avɨyesa pɨpe yande pɨtɨ̇vɨï agwä mba'e tëi oimese yandeu.

Hebreos 6:11

Ore rumo oroipotaño ite ñepëi-pëi pemboyekwaño itera arɨ kañɨ rupi ete ko pereko va'e pe kere'ɨ̇sa pe remiarö avɨye va'e rupitɨ agwä.

Hebreos 6:18

Egwë e'i oime ñuvɨrïo mba'e imboyepoepɨpɨre'ɨ̇: Tüpä ni'ä ndoporombopai va'e ite, ipɨpe avei yande mongere'ɨ̇ katu yande yaseka va'e Tüpä poropɨtɨ̇vɨïsa, iyavei yayeroya va'e ñearösa yandeu ombou va'e rese.

Hebreos 7:19

esepia Moisés porokwaita ndosekuñaröi ete tekokwer, yande rumo yasärö mba'e avɨye katu va'e yande rekokwer upe narä, supi ni'ä yayemboya Tüpä rese.

1 San Pedro 1:8

Pe ni'ä pesaɨsu yande Yar Jesucristo, yepe ndapesepiai viña; kurïtëi rumo sepia e'ɨ̇ pɨpe peyeroya sese, pereko ite pe vɨ'aretesa tuvicha va'e, avɨye katu va'e avei, ndapeikatui rumo imombe'u agwä,

1 San Pedro 2:5

Egwë e'ira pe rereko oyeupe inungar ita ndopai va'e, ipɨpe sui Tüpä omopu'ära otüpärogwä pe rese, iyavei pa'i ndaseko maräi va'e nungar peikora semimbotar rupi, pe evokoiyase Jesucristo rembiapo pɨpe sui peyapora Espíritu upendar mba'e avɨye va'e, a'e inungar mba'e seropove'ëprɨ avɨye va'e Tüpä upe.

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?

Apocalipsis 2:18

“Eikwachia avei mbigwai ɨva pendar che reroyasar rärösar Tiatira pendar upe: ‘Tüpä Ra'ɨrɨ akoi vɨreko va'e gwesa inungar tata rendɨgwer, ipɨ inungar akoi bronce rapɨprɨ aipo e'i imombe'u:

Apocalipsis 2:25

Peyemovɨräkwä katu evokoi mba'e pereko va'e rese, akoi che ayevɨse voi vitu kuri.

Apocalipsis 2:26

Akoi ava oyemovɨräkwä va'e mba'e-mba'e tëi apoe'ɨ̇ agwä, oyapo va'e che remimbotar mano rupi ete, chupe amondora mborerekwar seko agwä opakatu ɨvɨ rupi,

Apocalipsis 3:11

Ayevɨ poyavara. Peyemovɨräkwä katu Tüpä reroyasa pereko va'e rese, evokoiyase ñepëi yepe ava ndovɨrokwai chietera Tüpä suindar porerekosa pe sui.