Hebreos 3:5 - Tüpä Ñe'ëngagwer

⁵ Supiete Moisés Tüpä rembigwai gweko pɨpe omboavɨye opakatu oporavɨkɨsa sëtä rese, esepia omombe'u Tüpä omboyekwa pota va'e ava upe yepi.

Tũpa Ñehengagüer

⁵ Supi eté Moisés Tũpa rembiguai güeco pɨpe omboavɨye opacatu oporavɨquɨsa itũparo rese. Esepia, omombehu Tũpa omboyecua pota vahe ava upe yepi.

Hebreos 3:5 Iomraidhean Croise

San Mateo 24:45

¿Uma vo mbigwai omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Mateo 25:21

Serekwar rumo aipo e'i chupe: ‘Avɨye ite, nde mbigwai seko avɨye va'e, eremboavɨye tuprɨ va'e nde kwaita ko movɨrö tëi gwarepochi ndeu amondo va'e pɨpe. Sese tuvicha katu amondora nde kwaitarä. Eike che pɨri eyembovɨ'a katu che rese.’

San Lucas 12:42

Evokoiyase yande Yar aipo e'i: “¿Umavo ava mba'e rese ñangarekwar omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Lucas 24:27

Ipare opa omombe'u opakatu tuprɨ ite Ikwachiaprɨ oyese ñe'ësa resendar, omboɨpɨ Moisés kwachiar rese opakatu Tüpä ñe'ë mombe'usar kwachiar pɨpendar avei.

San Lucas 24:44

Ipare aipo e'i: –Ko rese akoi añe'ë vichiko kwese pe rese aiko vɨtese: yavɨye ranera opakatu ñe'ësa che resendar Moisés porokwaita kwachiaprɨ pɨpe, iyavei Tüpä ñe'ë mombe'usar yuvɨrekoi va'e rembikwachiagwer sapukaisa pɨpe avei.

San Juan 5:39

Peyembo'e tuprɨ ite Ikwachiaprɨ rese, ipɨpe sui revo tekovesa apɨre'ɨ̇ yarekora peye viña; ko rumo Ikwachiaprɨ che mombe'u va'e,

Los Hechos 28:23

Oiporavo ñepëi arɨ iñe'ë agwä yuvɨreko, a'ese seta iteanga ava yuvɨraso Pablo sekosave. Añi'ïvëi ka'arureseve, Pablo omombe'u Tüpä mborerekwasa resendar iyavei Jesús rekokwer Moisés porokwaita ikwachiaprɨ pɨpe sui iyavei Tüpä ñe'ë mombe'usar rembikwachia pɨpe avei tovɨroya yuvɨreko oyapave.

Los Hechos 7:37

Ko Moisés avei aipo e'i Israel pendar upe: ‘Tüpä vɨnoserä pe pa'ü sui ñepëi oñe'ë mombe'usar inungar che aiko.’

Romanos 3:21

Kurïtëi rumo, porokwaita pore'ɨ̇, Tüpä omboyekwa ite yande rekokwer moigätu agwä omombe'u avei porokwaita rupi iyavei Tüpä ñe'ë mombe'usar rupi:

1 Corintios 4:2

Supiete kurïtëi, akoi vɨreko va'e okwaitära iya ite omboyekwa okwaita mboavɨye tuprɨsa.

1 Timoteo 1:12

Avɨye ndeu a'e yande Yar Jesucristo upe, a'e ni'ä ombou pirätäsa ko che ñe'ë agwä, esepia a'e oyeroya che rese sese che mondo oñe'ëngagwer mombe'u agwä,

Hebreos 1:1

Araka'e suive Tüpä oñe'ë yande ramoi eta upe oñe'ë mombe'usar upe avei. Ambuae mba'e rupi oseka imombe'u tuprɨ agwä yuvɨreko chupe.

Hebreos 3:2

Esepia Jesús omboavɨye ite Tüpä remimbotar, osenoise imbou ko tekokwer moigätu agwä, inungar Moisés omboavɨye tuprɨ okwaita Tüpä mba'e rärö araka'e.

Hebreos 3:4

Esepia ñepëi-pëi oɨ vɨreko oaposar viña; Tüpä rumo opakatu mba'e aposar sekoi.

Hebreos 8:5

Ko ɨvɨ pɨpendar pa'i rumo i'añeko ɨva pendar ra'anga rese tëi yuvɨreko, yaikwa ni'ä a'e sa'anga tëi, esepia Moisés oyapo potase tüpäro, Tüpä aipo e'i chupe: “Ema'ekwa tuprɨ akoi ɨvɨtrɨve amboyekwa va'e rese ndeu, a'e inungar tuprɨ eyapo.”

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

Apocalipsis 15:3

Ipare osapukai Tüpä rembigwai yuvɨreko Moisés sapukaisa pɨpe, iyavei Ovesami a'e Cristo sekoi va'e sapukaisa pɨpe. Aipo e'i: “Avɨye ite opakatu mba'e nde rembiapokwer, che Yar Tüpä mba'e mboavaisare'ɨ̇; nde rekokwer supi tuprɨ va'e ite; seko ɨ̇vi va'e, iyavei nde Mborerekwar ɨvate katu va'e ereiko ɨvɨ pɨpendar opakatu ava upe.