Hebreos 3:12 - Tüpä Ñe'ëngagwer

¹² Che rɨvrɨ eta, peñearö katu tipo eme ñepëi ipɨ'añemoñeta naporäi va'e Tüpä reroya e'ɨ̇sa pɨpe oyepepɨ va'erä ichui.

Tũpa Ñehengagüer

¹² Che rɨvɨreta, peñearo catu; tipo eme que ñepei ipɨhañemoñeta naporai vahe Tũpa reroyaẽhɨsa pɨpe oyepepɨ vaherã ichui.

Hebreos 3:12 Iomraidhean Croise

San Mateo 16:16

Simón Pedro omboyevɨ chupe: –Nde ereiko Poropɨsɨrösar, Tüpä Ra'ɨrɨ oikove va'e ite.

San Mateo 24:4

Jesús rumo omboyevɨ chupe: –Peikwa katu peyembopa ukai rene ambuae ava upe peiko.

San Marcos 13:23

¡Peikwa katura! Opa aipo amombe'u senondeve peü.”

San Marcos 13:33

Sese ni'ä, pema'emo'ära yepi che räröra peye, esepia ni'ä ndikwasai che yevɨ agwä.

San Marcos 13:9

“Peñearö katu peae peiko; esepia pe rerasora mborerekwar rovai yuvɨreko, iyavei pe nupära oɨ judío ñemonu'äsa rupi. Pe reraso aveira mborerekwareta rovai, iyavei mborerekwar ɨvate katu va'e rovai che rekokwer sui tëi yuvɨreko; egwë peyera peñe'ë che rekokwer rese chupe.

San Lucas 21:8

Jesús omboyevɨ chupe: “Peikwa katu peyembopa ukai rene. Esepia ni'ä seta ava yugwerura cherer pɨpe. Aipo e'ira yuvɨreko: ‘Che aiko Poropɨsɨrösar’, iyavei ‘Kurïtëi osupitɨ arɨ imombe'uprɨ.’ Pe rumo ndapegwatai chira supi yuvɨreko.

Romanos 11:21

Esepia Tüpä niñeröi ete judío upe, peü avei egwë e'ira ndapemboyeroyaise.

1 Corintios 10:12

Sese, akoi ava oyeeko movɨräkwä tuprɨ pota va'e, toñearö katu ovɨapi e'ɨ̇ va'erä mba'e tëi pɨpe.

Colosenses 2:8

Peikwa katu: peyembopa ukai rene araka'endar tëi ava arakwasa pɨpe, esepia a'e egwë e'i tëi va'e, ava suindar tëi yembo'esa, ɨvɨ pɨpendar ava seko ɨvate katu va'e pɨ'a ñemoñetasa tëi, nda'ei Cristo suindar porombo'esa.

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

Hebreos 10:31

¡Mba'e tëiete yaikese Tüpä oikove va'e ñemoɨrösa pɨpe!

Hebreos 10:38

Akoi seko katuprɨ va'e che rese, a'e oporeroyasa pɨpe yuvɨrekovera; akoi oyepepɨse rumo che sui, che evokoiyase ndavɨ'ai chira sese.”

Hebreos 12:15

Peñearö tuprɨ katu, tipo eme ava ndoipɨsɨi va'e Tüpä porovasasa pe pa'üve, iyavei tipo eme mba'e tëi ava pɨ'a pɨpe, avɨyeteramo opakatu rese ova tiëtera.

Hebreos 12:22

Pe rumo peyemboya ɨva pendar ɨvɨtrɨ Sión rese, Tüpä oikove va'e rekwave a'e tekwa Jerusalén ɨva pendar, a'eve mbigwai ɨva pendar seta iteanga oñemonu'ä Tüpä mboetei agwä yuvɨreko yepi,

Hebreos 12:25

Sese peikwa katu, ndorovɨroyai peye va'erä akoi peü oñe'ë va'e upe. Esepia Tüpä reroya e'ɨ̇sar noñemi ete iñemoɨrösa sui yuvɨreko ko ɨvɨ pɨpe. Egwë ya'e aveira yande, ndayaroyaise ɨva sui oñe'ëse yandeu.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 3:10

Sese añemoɨrö a'e ava upe, iyavei aipo a'e: ‘Kokotɨ tëi yuvɨrogwata opɨ'añemoñetasa rese yepi, ndoikwa potai ete che rekokwer yuvɨreko.’

Hebreos 3:19

Ipɨpe sui yaikwa ndoikatui ete yuvɨroike agwä a'e ɨvɨ imoigätuprɨ pɨpe, esepia ni'ä ndovɨroyai ete yuvɨreko.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.