Hebreos 2:9 - Tüpä Ñe'ëngagwer

⁹ Yaikwa ni'ä Jesús, a'e Tüpä gwembigwai sui ndaseta aravɨter ɨvɨ kotɨ katu vɨreko, oporoaɨsusa pɨpe oipota imano agwä opakatu ava repɨrä. Kurïtëi rumo Tüpä iyemombaraɨsu pare, omondo oporañetesa imboeteisave chupe.

Tũpa Ñehengagüer

⁹ Yaicua niha Jesús, ahe Tũpa güembiguai sui ndaseta aravɨter ɨvɨ cotɨ catu vɨreco. Oporoaɨsusa pɨpe oipota imano ãgua opacatu ava repɨrã. Cũritei rumo iyemombaraɨsu pare, omondo oporañetesa imboeteisave chupe.

Hebreos 2:9 Iomraidhean Croise

San Mateo 16:28

Supiete yuvɨrekove va'e nomano vɨtei chietera, a'e che repia rane itera, ayevɨse che mborerekwasa pɨpe yuvɨreko kuri.

San Mateo 6:28

“¿Ma'erä vo pepɨ'a ñemoñeta gwasuai turukwar rese? Pema'ekwa tuprɨ ru marä e'i okwakwa mba'e potrɨ ka'a pɨpendar: ndoporavɨkɨi iyavei ndoipɨ'ai mba'e yuvɨreko no.

San Marcos 9:1

Jesús aipo e'i iri avei: –Supi ete oimerä amove ko'ave ava nomano vɨtei va'erä, osepia rane itera ouse Tüpä mborerekwasa pirätäsa yuvɨreko kuri.

San Lucas 9:27

Supiete yuvɨrekove vɨte va'e akoi ko'ave ava nomano vɨtei chietera osepia rane itera ouse Tüpä mborerekwasa yuvɨreko kuri.

San Juan 1:29

A'ere arayi'ive Juan osepia Jesús, oyemboyase oso sese, aipo e'i chupe: “¡Pesepia, ko Tüpä remimbou Ovesa nungar, opakatu ava angaipa mokañɨ agwä!

San Juan 10:17

“Che Ru ni'ä che raɨsu ite esepia che amondo itera che rekokwer manosave aipɨsɨ iri va'erä kuri che kwerayevɨre.

San Juan 12:32

Akoi che rupise ɨvate yuvɨreko ko ɨvɨ sui, a'ese opakatu ava arura che yeupi narä.

San Juan 3:16

“Supiete Tüpä osaɨsu iteanga opakatu ava, sese ombou Gwa'ɨrɨ ñepëi va'e, tokañɨ tëi eme che Ra'ɨrɨ reroyasar yuvɨreko oya, iyavei tovɨreko tekovesa apɨre'ɨ̇ o'esa pɨpe.

San Juan 8:51

Supiete akoi vɨroya va'e che ñe'ë, a'e nomanoi chietera.

San Juan 8:52

Judío eta omboyevɨ yuvɨreko aipo e'i chupe: –Kurïtëi oroikwa ite nde ererekose karugwar ndeyese. Esepia Abraham iyavei opakatu Tüpä ñe'ë mombe'usar omanopa ite yuvɨreko, iyavei nde aipo ere: ‘Akoi che ñe'ë reroyasar, nomanoi chietera.’

Los Hechos 2:33

Ipare Tüpä vɨraso oakato kotɨ imbogwapɨ a'e oipɨsɨ imombe'uprɨ Espíritu Maräne'ɨ̇ Vu sui, evokoiyase a'e opa omondo ko ava yuvɨrekoi va'e upe. A'e pesepia pesendu avei kurïtëi peiko.”

Los Hechos 3:13

Tüpä, a'e akoi Abraham, Isaac iyavei Jacob vɨroya yuvɨreko araka'e opakatu yande ramoi eta aveino, a'e ni'ä omondo gweko pirätäsa tuvicha katu va'e Gwa'ɨrɨ Jesús upe, pe rumo akoi pemondoño mborerekwar povrɨve, akoi omose potase, pe evokoiyase ndapeipotaiño imose agwä chupe.

Romanos 5:18

Inungar Adán rembiavɨ gweru Tüpä ñemoɨrösa opakatu ava upe, Jesucristo rembiapo avɨye va'e avei gweru opakatu ava upe Tüpä ñemoɨrösa pɨsɨ e'ɨ̇ agwä tovɨreko tekovesa apɨre'ɨ̇ yuvɨreko oya.

Romanos 5:8

Tüpä rumo yande rekoa'ä ite oporoaɨsusa pɨpe, a'ese yande yaiko vɨte ite angaipa viyar, Cristo rumo omano yande angaipa repɨrä.

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

Romanos 8:32

Tüpä ni'ä ombou ite Gwa'ɨrɨ imano agwä opakatu yande rekokwer repɨrä, ¿ma'erä evokoiyase nomboui chira opakatu mba'e yandeu yande pɨtɨ̇vɨï agwä Gwa'ɨrɨ rese yande rekose viña?

2 Corintios 5:15

Cristo ni'ä omano opakatu yande repɨrä, yande yaikove vɨte va'e evokoiyase nda'e iri yande yeupe narä tëi yaiko; yande rumo yaiko chupe narä ite, esepia a'e omano okwerayevɨ yande rese.

2 Corintios 5:21

Yepe Cristo ndoyapoi ete angaipa; yande angaipa pɨpe sui rumo, Tüpä vɨreko uka angaipa viyar, ipɨpe sui Tüpä yande rerekora porandusa pɨpe Cristo rupi yaikose.

Gálatas 4:4

Oyepotase rumo arɨ imombe'uprɨ, a'ese Tüpä ombou Gwa'ɨrɨ, a'e o'a ñepëi kuña sui, evokoiyase imondosa Moisés porokwaita povrɨve,

1 Timoteo 2:6

Esepia a'e omano opakatu ava yangaipa va'e repɨrä ipɨsɨrö agwä avei, a'e imombe'usa chupendar arɨ iporavoprɨ rupi.

Hebreos 1:9

Mba'e i'ɨ̇vi va'e raɨsusar ereiko iyavei mba'e naporäi va'e raɨsue'ɨ̇sar; sese Tüpä nde poravo, a'e Yar Tüpä ite, omondo avei torɨvetesa ndeu ɨvate katu va'e opakatu nde mboetasa sui.”

Hebreos 10:5

Sese Cristo ko ɨvɨ pɨpe ouse, aipo e'i Tüpä upe: “Ndereipota iri ni'ä mba'e mɨmba tëi porerekosa seropove'ëpɨ̇ra ndeyeupe narä, nde rumo ereyapo che retekwer evokoi nungarä.

Hebreos 11:5

Enoc avei Tüpä rese oyeroyasa pɨpe serasosa ko ɨvɨ pɨpe sui, imano e'ɨ̇ agwä, ava ndosepia iri ete yuvɨreko, esepia Tüpä vɨraso sekove reseve. Iyavei Ikwachiaprɨ pɨpe aipo e'i, yɨpɨndar vɨraso e'ɨ̇ vɨteseve, Enoc rekokwer avɨyeai ete Tüpä upe.

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 2:7

Erereko ɨvɨ kotɨ katu mbigwai ɨva pendar sui, ipare rumo eremondo nde porañetesa imboeteisave chupe;

Hebreos 7:25

Sese Jesús oikatu ite ñepëi reseve Tüpä reroyasar pɨsɨrö agwä, esepia a'e oikove va'erä ite sekoi yepi, oporandu agwä avei mba'e avɨye va'e rese Tüpä upe.

Hebreos 8:3

Opakatu pa'i ɨvate katu va'e senoisa mba'e oporerekosa iyavei mba'e mɨmba yukaprɨ vɨropove'ë va'erä Tüpä upe yuvɨreko, sese Jesucristo avei vɨreko mba'e vɨropove'ë va'erä Vu Tüpä upe.

1 San Pedro 1:21

Cristo rekokwer sui ni'ä peroya Tüpä peiko yepi, a'e ombogwerayevɨ omano va'e pa'ü sui, ipare omondo teko porañetesa ɨvate katu va'e chupe; ipɨpe sui peyeroya Tüpä rese iyavei pesärö ko mba'e avɨye va'e pɨsɨ agwä ichui.

1 San Juan 2:2

Jesucristo oyemondo manosa pɨpe oime va'erä ñeröisa yande angaipagwer mokañɨ agwä; nda'ei yande angaipagwer rese gweraño, opakatu ava ɨvɨ pɨpendar upe avei.

Apocalipsis 19:12

Sesa evokoiyase ndoyavɨi ete akoi tata rendɨgwer, iyavei oakä rese seta vɨreko oyegwaka, iyavei vɨreko terer ikwachiaprɨ oyese a'e gweraño ite rumo oikwa.”

Apocalipsis 5:9

Iyavei osapukai ipɨasu va'e sapukaisa yuvɨreko: “Ndeu iyakatu ite kwachiar pɨsɨ agwä, imboyaprɨ mondoro agwä aveino, esepia ni'ä nde yukaprɨ seropove'ëprɨ ereiko; evokoiyase nde ruvɨ pɨpe eremboepɨpa Tüpä upe narä opakatu ava ambuae-ae tëi va'e, iñe'ë ambuae-ae tëi va'e avei, ñepëi-pëi tekwa yakatu rupindar, ɨvɨ rupindar avei yuvɨreko.