Hebreos 2:8 - Tüpä Ñe'ëngagwer

⁸ iyavei opakatu erereko uka mba'e nde rembiapo ipovrɨve.” Egwë e'ise Tüpä, ndoseyai ete ñepëi yepe mba'e ipo pendare'ɨ̇, kurïtëi rumo nda'ei opakatu tuprɨ mba'e ipovrɨve.

Tũpa Ñehengagüer

⁸ Iyavei opacatu erereco uca mbahe nde rembiapo ipovrɨve” ehi imombehu. Ẽgüe ehise Tũpa, ndoseyai eté que ñepei yepe mbahe ipo pendarẽhɨ. Cũritei rumo ndaopacatu tuprɨ vɨtei mbahe ipovrɨve.

Hebreos 2:8 Iomraidhean Croise

San Mateo 28:18

Jesús oyemboya oso sese aipo e'i chupe: –Tüpä che mbou mborerekwar ɨvate katu va'e che reko agwä ɨvave, ɨvɨve narä aveino.

San Juan 3:35

Tüpä osaɨsu Gwa'ɨrɨ, iyavei omondo opakatu mba'e sembiapo agwä.

1 Corintios 15:27

Esepia Tüpä opakatu omondo mba'e Cristo povrɨve. Akoi aipo e'ise opakatu ite mba'e imondosa ipovrɨve, supiete nda'ei Tüpä upe avei, esepia a'e ni'ä opakatu mba'e omondo ipovrɨve.

Hebreos 1:13

Tüpä aipo nde'i ete ñepëi mbigwai ɨva pendar upe: “Egwapɨ che akato kotɨ, a'ese che amondora nde amotare'ɨ̇mbar nde povrɨve.”

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

Hebreos 2:5

Tüpä nomondoi mbigwai ɨva pendar povrɨve ko ɨvɨ oime va'e, sese akoi oroñe'ë va'e peü.

1 San Pedro 3:22

a'e oso ɨvave ogwapɨ öi Tüpä akato kotɨ, opakatu sembigwai eta, mborerekwareta, opakatu imborerekwasa ipirätä va'e avei ipovrɨ pendar yuvɨrekoi.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 1:5

iyavei Jesucristo suindar, evokoi omombe'u tuprɨ va'e ñe'ësa supi va'e, a'e akoi yɨpɨndar okwerayevɨ va'e iyavei mborerekwar ɨvate katu va'e sekoi opakatu ambuae-ae tëi mborerekwar sui. A'e Cristo yande raɨsu iyavei yande pɨsɨrö yande angaipa sui vuvɨ pɨpe,