Hebreos 2:14 - Tüpä Ñe'ëngagwer

¹⁴ Inungar ava vɨreko va'e gwa'ɨrɨ, oyoya so'o, suvɨ; egwë e'i avei Jesús vɨreko vo'o, vuvɨ yande nungar; omano pɨpe sui omokañɨ va'erä iporoyuka serai va'e pirätäsa; a'e karugwar.

Tũpa Ñehengagüer

¹⁴ Inungar ava vɨreco vahe guahɨr, oyoya soho, suvɨ; ẽgüe ehi avei Jesús vɨreco voho, vuvɨ yande nungar; omano pɨpe sui omocañɨ vaherã iporoyuca ai vahe pĩratasa; ahe Caruguar.

Hebreos 2:14 Iomraidhean Croise

San Mateo 16:17

Evokoiyase Jesús aipo e'i chupe: –Nde sovasaprɨ ereiko, Simón, Jonás ra'ɨrɨ, esepia nda'ei ava tëi omboyekwa ko mba'e ndeu, che Ru ɨva pendar teiete omboyekwa ndeu.

San Mateo 25:41

“A'ese Mborerekwar ɨvate katu va'e cherekosa pɨpe aipo a'era che pokoe'ɨ̇sa kotɨndar upe: ‘Pesɨrɨ che sui, esepia peiko Tüpä ñemoɨrösavrɨ pendar tëi; pesopa tata gwasu apɨre'ɨ̇save, evokoi imoigätuprɨ opakatu karugwar upe sembigwai upe narä avei.

San Juan 1:14

A'e akoi Ñe'ësa oyeapo ava iyavei oikove yande pa'üve. Iyavei sepiasa ite seko porañetesa, a'e porañetesa oipɨsɨ va'e Vu sui Ta'ɨrɨ ñepëi va'e gweko pɨpe, iporoaɨsusa supi va'e ite.

San Juan 12:24

Supiete aipo a'e akoi trigo rä'ɨi nañotɨ̇saise ndi'ai chietera, a'e ndasorɨi chietera no; akoi ñotɨ̇sase rumo a'e i'a vai etera o'ä.

Romanos 14:9

Sese ni'ä Cristo omano ipare okwerayevɨ: Yar sekoi va'erä opakatu ava oikove va'e upe omano va'ekwer upe avei.

Romanos 8:3

Esepia Tüpä oyapo ndoikatui va'e Moisés porokwaita yapo, supiete ndoikatui yapo ava angaipa pɨpe sui: Sese Tüpä ombou Gwa'ɨrɨ yande nungar tuprɨ ite iyavei angaipa repɨrä, egwë e'i imokañɨ opakatu yande angaipa yandesui, yande remimbotarai avei.

1 Corintios 1:28

Tüpä oiporavo avei ko ɨvɨ pɨpe ava remieroɨrö seko mbegwemi va'e, ava seko ɨvɨ kotɨ katu va'e pe pa'ü pendar ko ava seko ɨvate va'e reroyɨ agwä.

1 Corintios 15:50

Che rɨvrɨ eta, ko mba'e amombe'u potami peü, akoi ava upe gwetekwer reseve, ndiyai ete seike agwä ɨvave Tüpä mborerekwasave, esepia ko yande rete okañɨ tëi va'erä, ndoipɨsɨi chira tekokwer apɨre'ɨ̇ va'e.

Gálatas 4:4

Oyepotase rumo arɨ imombe'uprɨ, a'ese Tüpä ombou Gwa'ɨrɨ, a'e o'a ñepëi kuña sui, evokoiyase imondosa Moisés porokwaita povrɨve,

Colosenses 2:15

Ipɨpe sui Tüpä opa omokañɨ mborerekwareta seko pirätäsa va'e, Cristo rekokwer sui osekopɨpa opakatu ava rembiepiave inungar vavasa pendar ipɨsɨprɨ serasoprɨ va'e yepi.

1 Timoteo 3:16

Supiete tuvicha eteprɨ Tüpä reko oyekwa ramo va'e reroya tuprɨsa: Cristo oyemopore'ɨ̇ yande reko nungar pɨpe yandeu, ipare Espíritu pɨpe imboyekwasa sekokwer supi tuprɨ va'e, sekoi mbigwai ɨva pendar rembiepiave. Ichui imombe'usa opakatu ɨvɨ rupi, opakatu ɨvɨ rupi avei seroyasa iyavei ipɨsɨprɨ sekoi ɨvave narä.

2 Timoteo 1:10

Kurïtëi rumo a'e omboyekwa oporoaɨsusa yande Pɨsɨrösar Cristo Jesús ouse, akoi ou va'e ko ɨvɨ pɨpe manosa pirätäsa rekopɨ agwä, iyavei ñe'ësa pɨsɨrösa pɨpe avei oikwa uka tekovesa ndopai va'e.

Hebreos 10:10

Tüpä evokoiyase yande pe'a angaipa sui oyeupe narä, esepia Jesucristo oyapo ite semimbotar mba'e ñepëi reseve apɨre'ɨ̇ va'erä gwete mondo pɨpe.

Hebreos 10:5

Sese Cristo ko ɨvɨ pɨpe ouse, aipo e'i Tüpä upe: “Ndereipota iri ni'ä mba'e mɨmba tëi porerekosa seropove'ëpɨ̇ra ndeyeupe narä, nde rumo ereyapo che retekwer evokoi nungarä.

Hebreos 2:17

Sese ni'ä sekoi vɨvɨreta nungar tuprɨ ite, sekoi va'erä pa'i eta rerekwar ɨvate katu va'e Tüpä upe oporavɨkɨ agwä, tomondo gwetekwer ava angaipa repɨrä ñeröisa reime agwä oyapave.

Hebreos 2:18

Esepia, a'e avei oiporara karugwar poroätoisa, sese kurïtëi a'e oikatu ite ava karugwar remiatöi pɨtɨ̇vɨï agwä.

Hebreos 4:15

Esepia yande pa'i ɨvate katu va'e oikwaño ite yande rekokwer pirätä e'ɨ̇sa, esepia a'e avei ni'ä yande nungar vɨroparaɨsu opakatu mba'e-mba'e tëi gwekoa'äsa pɨpe araka'e; a'e rumo ndoyemboangaipai ete ipɨpe.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

1 San Pedro 1:20

Tüpä ombou Cristo araka'e, ɨvɨ ɨva apoe'ɨ̇ vɨteseve mba'e moigätu agwä, kurïtëi rumo oyemboyekwa peü mba'e tuprɨ pɨpe pereko agwä.

Apocalipsis 1:18

iyavei aikove vɨte va'e. Yepe amano viña, kurïtëi rumo aikove iri ndopai va'erä ite che rekokwer. Che areko che mborerekwasa ava rekokwer mokañɨ agwä.

Apocalipsis 12:9

Egwë e'i imboyepepɨsa mba'e ɨpɨ oporomokañɨ va'e reko pirätäsa sembigwai eta reseve, opa imombosa ɨvɨ pɨpe yuvɨreko, evokoi mboi vai, a'e Karugwar Ndipɨ'ai va'e, evokoi ni'ä ava ombopa-mbopa tëi va'e opakatu ɨvɨ pɨpe yuvɨreko.

Apocalipsis 2:10

Ndapesɨkɨyei chira pe paraɨsu agwä sui, esepia karugwar osokenda ukara amove pe pa'ü pendar sekoa'ä agwä; pe paraɨsu rane itera ni'ä opayandepo yovaive arɨ rupi peiko. Akoi peyemovɨräkwä tuprɨse sese, a'ese che amondora porerekosa tekovesa apɨre'ɨ̇ ndopai va'e peü.

Apocalipsis 20:2

Ko mbigwai ɨva pendar oipɨsɨ mba'e ɨpɨ oporomokañɨ va'e mboi nungar araka'endar, a'e ni'ä Karugwar sekoi iyavei opakatu Karugwar rerekwar; a'e oiku'akwa karena pɨpe mil aravɨter rupi imoi.