Hebreos 2:1 - Tüpä Ñe'ëngagwer

¹ Sese iyakatu ko ñe'ësa yasendu va'e rese yayapɨsaka tuprɨ katu, ko tekokwer pɨasu sui yande yepepɨ e'ɨ̇ agwä.

Tũpa Ñehengagüer

¹ Sese iyacatu co ñehesa yasendu vahe rese yayapɨsaca tuprɨ catu co tecocuer pɨasu sui yande yepepɨẽhɨ ãgua.

Hebreos 2:1 Iomraidhean Croise

San Mateo 16:9

¿Ndapesendukwa vɨtei ete vo akoi poyandepo mboyape mboya'o-ya'o agwer rese cinco mil kuimba'e upe amondo va'e rese, iyavei mbovɨ ɨruova vo pemboapɨpo sumbɨrer pemonu'ä pare?

San Marcos 8:18

¿Oime tëi peresa ndapesepiai rumo, iyavei oime tëi penambi ndapesendui rumo mba'e? ¿Ndapeyemoma'endu'a iri vo?

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Lucas 9:44

–Pesendu tuprɨ che ñe'ë peresarai rene ichui: che ava ɨvate katu va'e Ra'ɨrɨ imondoprɨ aikora che amotare'ɨ̇mbar povrɨve.

San Juan 8:59

Evokoiyase osupi ita yapi-yapi agwä yuvɨreko; Jesús rumo oñemi osë tuprɨño tüpäro pɨpe sui.

Hebreos 12:5

peresarai ete Tüpä pe mboarakwasa sui ta'ɨrɨ ite pe rekosa pɨpe. Esepia Ikwachiaprɨ pɨpe aipo e'i: “Che ra'ɨrɨ, eyemoigätu voiño Yar nde mombaraɨsusa upe nde reko mo'ɨ̇vi tuprɨ agwä, iyavei, ndachekere'ɨ̇ iri nderei chiaveira chupe ndeu oñe'ë pirätäse.

2 San Pedro 1:15

opombo'era rumo opakatu che katugwer rupi ko tekokwer rese che manore pe ma'endu'a agwä sese.

2 San Pedro 3:1

Che rɨvrɨ eta, che rembiaɨsu, ko imoñuvɨrïosa rupi aikwachia che ñe'ë imondo peü. Ko ñuvɨrïo che rembikwachia pɨpe opombopɨ'añemoñeta tuprɨ pota che poromboarakwasa pɨpe.