Hebreos 13:9 - Tüpä Ñe'ëngagwer

⁹ Peyembopa ukai rene yembo'esa kokotɨ tëi va'e upe. Avɨye katu yayemomirätä Tüpä poroaɨsusa rese mborokwaita tembi'u resendar sui; esepia ko nungar mba'e ndovɨreko ukai mba'e avɨye va'e o'usar upe.

Tũpa Ñehengagüer

⁹ Peyembopa ucai rene yembohesa co cotɨ tẽi vahe upe. Avɨye catu yayemomirata Tũpa poroaɨsusa rese que mborocuaita tembihu resendar sui. Esepia, co nungar mbahe ndovɨreco ucai mbahe avɨye vahe ohusar upe.

Hebreos 13:9 Iomraidhean Croise

San Mateo 24:24

Esepia yugwerura nda'ei va'e Poropɨsɨrösar nda'ei va'e avei Tüpä ñe'ë mombe'usar; ipare oyapora poromondɨisa gweko pirätäsa mboyekwa agwä yuvɨreko oporombopa agwä, egwë e'i aveira Tüpä rembiporavo upe yuvɨreko.

San Mateo 24:4

Jesús rumo omboyevɨ chupe: –Peikwa katu peyembopa ukai rene ambuae ava upe peiko.

San Lucas 5:38

Sese uva rɨkwer ipɨasu va'e ñoñasara mba'e pirer ipɨasu va'e pɨpe avei.

Los Hechos 20:30

Oime aveira ava pe pa'ü pendar pe mbopa pota va'e yuvɨreko pereraso agwä oyeupi.

Los Hechos 20:32

“Sese, che rɨvrɨ eta, opoeyara Tüpä povrɨve iyavei iñe'ësa iporovasasa resendar pɨpe. A'e pe movɨräkwä katura pe rereko iyavei omboura opakatu mba'e gwemimombe'u peü opakatu ambuae gwembiporavo reseve.

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

Romanos 14:2

Esepia, oime ava ipɨ'a ñemoñeta o'u va'erä opakatu mba'e, ambuae evokoiyase, ipɨ'añemoñeta nipirätäi va'e, a'e yuvɨro'u ka'aro tëi.

Romanos 14:6

Akoi oyekwaku va'e ñepëi arɨ, yande Yar mboeteisa pɨpe tomboeteiño ite. Iyavei akoi o'u va'e opakatu mba'e, yande Yar mboeteisave avei egwë e'i, avɨye ndeu e'i Tüpä upe; iyavei akoi ndo'ui va'e opakatu mba'e, yande Yar mboeteisave egwë e'i, avɨye ndeu e'i avei Tüpä upe.

1 Corintios 6:13

Aipo e'i avei yuvɨreko: “Tembi'u yande avɨter upe narä, iyavei yande avɨter evokoiyase yande rembi'u upe narä.” Evokoi spiete, Tüpä opara omokañɨ ñuvɨrïo mba'e evokoi nungar. Yande retekwer rumo ndikwaitai yagwasa tëi va'erä, a'e rumo yande Yar upe narä. Esepia yande retekwer nda'ei yemboagwasasa angaipa upe narä tëi, a'e yande Yar upe narä ite, iyavei yande Yar sekoi yande rete upe narä.

1 Corintios 8:8

Supiete tembi'u ndayande pɨtɨ̇vɨï Tüpä rese yaiko va'erä; esepia ya'use mba'e ro'o nda'ei chira avɨye katu yaiko, iyavei ndaya'uise ndayaikoi chira mba'e tëi pɨpe.

2 Corintios 1:21

Tüpä ni'ä opakatu yande momirätä Cristo rese yande reko agwä, yande poravo avei.

Gálatas 6:1

Che rɨvrɨ eta, akoi Jesús reroyasar pe pa'ü pendar oyavɨse gwekokwer, perekokwer katuprɨsa pɨpe peipɨtɨ̇vɨï sekokwer moigätu agwä. Pe rekokwer mbegwemisa pɨpe; peikwa katura rumo, avɨyeteramo oyoya voi peyemboangaipa uka tiëtera.

Efesios 4:14

Evokoiyase nda'e iri chira chi'ïvä'emi nungar yaiko ova-ova tëi va'e inungar ɨvɨtu yande reraso va'e oyeupi ndayayembopa uka iri chira ava kokotɨ tëi oporombo'e va'e upe, iyavei yande rerova pota va'e upe mba'e tëi pɨpe.

Efesios 5:6

Ndapeyembopa ukai chira evokoi nungar ñe'ësa tekokwer egwë e'i tëi va'e upe, esepia evokoi nungar mba'e apo pɨpe sui ou Tüpä ñemoɨrösa ava seroyasare'ɨ̇ upe.

Colosenses 2:4

Ko mba'e amombe'u peü ava oñe'ë tuprɨaisa pɨpe tëi pe mbopa e'ɨ̇ agwä.

2 Tesalonicenses 2:17

a'e tape mongere'ɨ̇, tape movɨräkwä avei opakatu ñe'ësa avɨye va'e rese, opakatu mba'e pe rembiapo avɨye va'erä rese avei.

2 Tesalonicenses 2:2

peikwa katu, tapepɨ'añemoñeta rerova eme iyavei peyembosɨkɨyei rene akoi ava che añe'ë Espíritu pɨpe e'i va'e sui, anise ikwachiaprɨ sui, ñe'ësa pesendu va'e sui inungar-ra ore ñe'ësa ite viña oyepota arɨ Jesús yevɨsa e'i tëi va'e yuvɨreko peü.

1 Timoteo 6:20

Timoteo, esärö tuprɨ ko porombo'esa supi tuprɨ va'e. Ereyapɨsakai rene ava tëi pɨ'a ñemoñetasa egwë e'i tëi va'e rese, porombo'esa kokotɨ tëi va'e rese avei; esepia amove ava aipo e'i ko porombo'esa rese, ko ite yande mboarakwara e'i tuprɨ tëi va'e yuvɨreko chupe.

1 San Juan 4:1

Che rɨvrɨ eta, anichira peroya opakatu Tüpä espíritu pɨpe añe'ë e'i va'e yuvɨreko, iyakatu rumo pe sekoa'ä ranera, supiete pi'ä espíritu Tüpä suindar ite egwë e'i pɨ'a pɨpe. Esepia setavai oporombo'e anga'u tëi va'e ogwata opakatu ɨvɨ rupi yuvɨreko.

San Judas 1:12

Pe poromochi gwasu pieta avɨye va'e save peyapo mba'e pemboetei va'esave, a'eve okaru oɨ'u ovɨ'asave ndoyuvɨnochi ete yuvɨreko. Evokoi ovesa rärösar oyese tëi i'añeko va'e yuvɨreko. Inungar ɨva kɨ'a ndovɨrekoi va'e ɨ, ɨvɨtu remimombo tëi. Inungar ɨvɨra ndi'ai va'e o'asa rupi, ñuvɨrïo rupi ipiru va'e evokoiyase a'e sapo'oprɨ.

San Judas 1:3

Che rɨvrɨ eta che rembiaɨsu, yɨpɨndar che pɨ'a ñemoñeta ite yande pɨsɨrösa resendar kwachia agwä peü viña; ipare rumo che pɨ'a ñemoñeta iri iyaño revo che aikwachia pe yemovɨräkwä tuprɨ katu agwä yembo'esa yaroya va'e rese. A'e yembo'esa yaroya va'e ñepëi reseve imondoprɨ opakatu yandeu.