Hebreos 13:7 - Tüpä Ñe'ëngagwer

⁷ Peyemoma'endu'a pe rerogwatasar rese, peü Tüpä ñe'ëngagwer mombe'usar rese avei, pepɨ'añemoñeta tuprɨ sekokwer rese seko aprɨ rese avei; Tüpä reroya agwer rupi tuprɨ avei peiko.

Tũpa Ñehengagüer

⁷ Peyemomahenduha pe reroguatasar rese, pẽu Tũpa Ñehengagüer mombehusar rese avei. Pepɨhañemoñeta tuprɨ secocuer rese, seco aprɨ rese avei; iTũpa reroya agüer rupi tuprɨ avei peico.

Hebreos 13:7 Iomraidhean Croise

San Mateo 24:45

¿Uma vo mbigwai omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Lucas 12:42

Evokoiyase yande Yar aipo e'i: “¿Umavo ava mba'e rese ñangarekwar omboavɨye tuprɨ va'e okwaita, yarakwa va'e avei, a'e chupe serekwar oseya ikwaitarä gwëtä pɨpendar rese añeko agwä tembi'u tomondo che rëtä pɨpendar upe che porokwaita rupi oesave?

San Lucas 5:1

Ñepëi arɨ, Jesús sekoi ɨpa Genesaret popɨ rupi, a'eve ava re'ɨi oyembotɨ tuprɨ sese, a'e osendu pota ite Tüpä ñe'ëngagwer yuvɨreko.

San Lucas 8:11

“Ko yembo'esa resendar aipo oyapave aipo e'i: Mba'e rä'ɨi a'e inungar Tüpä ñe'ëngagwer;

Los Hechos 13:46

Evokoiyase Pablo iyavei Bernabé, oñe'ë sɨkɨye e'ɨ̇sa pɨpe, ipare omboyevɨ yuvɨreko chupe: –Ore ikwaiprɨ ite oromombe'u va'erä Tüpä ñe'ëngagwer peü ranegätu, judío peiko va'e; pe rumo ndapeyapɨsaka potai sese iyavei ndapei potai peiko va'erä tekovesa apɨre'ɨ̇ pɨpe, evokoiyase orosora, oroñe'ë ava nda'ei va'e judío upe.

Los Hechos 14:23

Iyavei oiporavo ava yarakwa katu va'e ñepëi-pëi tüpäro yakatu rupi, ichui oyerure pare oyekwaku avei, ipare vɨropove'ë yande Yar upe, a'ese ramo ite vɨroya yuvɨreko.

Los Hechos 4:31

Iyerure pare, Tüpä omborɨrɨi opakatu mba'e iñemonu'äsave yuvɨreko chupe; a'ese Espíritu Maräne'ɨ̇ opa oike yuvɨreko sese, sese osɨkɨye e'ɨ̇sa pɨpe omombe'u tuprɨ Tüpä ñe'ëngagwer yuvɨreko.

Romanos 10:17

Egwë e'i, oime yande yeroyasa yasenduse ñe'ësa avɨye va'e, iyavei ñe'ësa avɨye va'e ou Cristo sui ete.

1 Corintios 10:13

Pe rumo kurïtëi ndapeiko vɨtei ete tekoa'äsa yavai va'e pɨpe. Sese peyeroyaño itera Tüpä rese, a'e ni'ä oikwa pe yemovɨräkwäsa, noñokwai chira tekoa'äsa imbou peü. Akoi mba'e tëi oimese pe rekoa'äse, Tüpä ombou voiñora pirätäsa evokoi mba'e tëi sui pe së agwä, chupe pe ñemosa agwä.

1 Corintios 11:1

Che rakɨkwei moña katu peye, inungar che asakɨkwei moña Cristo vichiko.

1 Corintios 4:16

Sese, che aipota ite che rekokwer moña agwä peye.

Filipenses 3:17

Che rɨvrɨ eta, peiko che nungar iyavei pema'ekwa tuprɨ ava ore rekokwer moñasar rese.

1 Tesalonicenses 1:6

Pemboyeapɨ ore rekokwer peiko iyavei yande Yar rekokwer, iyavei yepe peparaɨsu mba'e-mba'e tëi pa'üve peiko viña, peipɨsɨ ko ñe'ësa pe vɨ'asa pɨpe Espíritu Maräne'ɨ̇ ombou va'e peü.

1 Tesalonicenses 2:13

Ko rese, avɨye ndeu oro'e Tüpä upe arɨ yakatu rupi, esepia Tüpä ñe'ëngagwer oromombe'u va'e peü, peipɨsɨ ite ko Tüpä ñe'ë, nda'ei ava tëi ñe'ë. Supiete Tüpä ñe'ë, a'e ni'ä osekuñaröpa ite pe rekokwer peroya pare.

2 Tesalonicenses 3:7

Peikwa marä peyera ore rekokwer moña agwä peiko: ore oroikose pe pa'üve ndorereko maräi ete,

2 Tesalonicenses 3:9

Iya ite ni'ä mba'e rese porandu agwä peü ore pɨtɨ̇vɨï agwä rese viña; ore rumo oroporavɨkɨ pe ore rekokwer rupi pe gwata agwä rese.

1 Timoteo 3:5

Esepia akoi ndoikwai va'e gwëtä pɨpendar rärö, ¿marä e'ira evokoiyase Tüpä reroyasar rärö?

Hebreos 13:17

Pemboyeroya pe kwaisar peyapo semimbotar, esepia a'e ndopɨtu'ui ete pe rekokwer rärö yuvɨreko, esepia Tüpä oikwara mba'e sembiapo rese chupe kuri. Sese pemboyeroya katu tayavai eme iporavɨkɨsa chupe, esepia ndapenosei chietera mba'e avɨye va'e egwë e'ise ichui.

Hebreos 13:24

Pemombe'u che ma'endu'asa opakatu ava pe kwaisar upe, opakatu Tüpä reroyasar upe avei. Ɨvɨ Italia rupindar avei ombou oma'endu'asa yuvɨreko peü.

Hebreos 6:12

Ndoroipotai pe ate'ɨ̇sa perekora ko tekokwer upe, oroipota rumo pe sakɨkwei moñara akoi ava yande Yar rese oyeroyasa pɨpe, iyavei gweko ñemosasa pɨpe oipɨsɨ va'e porerekosa imombe'uprɨ Tüpä sui.

1 San Pedro 4:11

Akoi ava oñe'ë tuprɨai va'e, a'e tomombe'u Tüpä ñe'ë ite. Akoi peporopɨtɨ̇vɨï potase, peyapoño Tüpä ombou va'e pirätäsa pɨpe peü. Opakatu mba'e peyapo va'e, peyapo katu Jesucristo rer pɨpe Tüpä mboetei agwä, esepia chupendar ite imboeteisa iyavei imborerekwasa apɨre'ɨ̇ va'erä ite. Amén.

Apocalipsis 1:9

Che Juan, pe rɨke'ɨrɨ aiko, iyavei che pe nungar Tüpä povrɨ pendar aiko, che paraɨsu avei vichiko Jesucristo rese che rekosave che ñemosasa pɨpe. Che rokendasa vichiko ka'a pa'ümi paragwasu avɨterve Patmos serer va'esave Tüpä ñe'ëngagwer mombe'usa pɨpe sui tëi, Jesucristo rekokwer mombe'usa pɨpe sui tëi aveino.

Apocalipsis 20:4

Ipare asepia tenda, i'arɨve seta ava ogwapɨ yuvɨnoi evokoi oipɨsɨ va'e omborerekwasa yuvɨreko ava upe mba'e rese porandu agwä. Iyavei asepia ava ä evokoi opa va'ekwer oyasɨa ñakä yuvɨreko Jesús rekokwer mombe'usa sui tëi Tüpä ñe'ëngagwer mombe'usa pɨpe sui tëi avei. A'e ava nomboetei va'e mba'e ɨpɨ vai; sa'anga avei nomboetei yuvɨreko no; nomondo ukai va'e avei osɨva rese serer yuvɨreko, opo rese avei. A'e asepia opa okwerayevɨ yuvɨreko. Ipare oporokwai Cristo rese mil aravɨter rupi yuvɨreko.

Apocalipsis 6:9

Akoi Ovesami a'e Cristo sekoi va'e omondorose imbopoyandeposa sello, a'ese asepia mba'e seropove'ëprɨ rendavrɨve ava ä, a'e yukasa va'e yuvɨreko Tüpä ñe'ëngagwer mombe'usa sui tëi seroyasa sui tëi aveino.