Hebreos 13:22 - Tüpä Ñe'ëngagwer

²² Che rɨvrɨ eta, peñemosaño che opomboarakwa va'e rese, movɨrö tëi ni'ä ko ñe'ësa aikwachia peü.

Tũpa Ñehengagüer

²² Che rɨvɨreta, peñemosaño co che opomboaracua vahe rese, movɨro tẽi niha co ñehesa aicuachía pẽu.

Hebreos 13:22 Iomraidhean Croise

Los Hechos 13:15

Oyerokɨ pare Moisés porokwaita rese iyavei Tüpä ñe'ë mombe'usar kwachiar rese, mborerekwar oɨ judío ñemonu'äsa pendar omondo oñe'ë yuvɨreko chupe: –Ore mu, perekose mba'e pemombe'u va'erä ko ava mongere'ɨ̇ agwä, pemombe'u yandeu kurïtëi.

2 Corintios 10:1

Che Pablo, añe'ë Cristo poroaɨsusa sekoasɨ e'ɨ̇sa pɨpe avei peü, amove ava pe pa'ü pendar seko mbegwemi tëi yande pa'üve oikose, amombrɨ gwekose rumo oñe'ë pirätä iteanga aipo e'i yuvɨreko cheu viña.

2 Corintios 5:20

Ore evokoiyase Cristo porokwaita rupi oroñe'ë va'e oroiko, inungar Tüpä ite oñe'ëra peü viña. Sese peyevɨ Tüpä upe a'e pe rekokwer moigätura oyeupe narä oro'e Cristo rer pɨpe peü.

2 Corintios 6:1

Ore oroporavɨkɨ va'e Tüpä ñe'ëngagwer rese, sese kurïtëi oromombe'u peü pepoi e'ɨ̇ agwä Tüpä porovasasa omboyekwa va'e sui peü.

Gálatas 6:11

¡Pesepia ko ñe'ësa ipa va'e che pove ite aikwachia tuvicha va'e peü kurïtëi!

Efesios 3:3

Ko ñe'ësa yɨpɨndar ndikwasai va'e resendar Tüpä omboyekwa uka va'e cheu, a'e ni'ä aikwachia chi'ï peü.

Hebreos 12:5

peresarai ete Tüpä pe mboarakwasa sui ta'ɨrɨ ite pe rekosa pɨpe. Esepia Ikwachiaprɨ pɨpe aipo e'i: “Che ra'ɨrɨ, eyemoigätu voiño Yar nde mombaraɨsusa upe nde reko mo'ɨ̇vi tuprɨ agwä, iyavei, ndachekere'ɨ̇ iri nderei chiaveira chupe ndeu oñe'ë pirätäse.

Hebreos 13:19

Che yevɨ pɨ'aivi agwä rese aporandu pe yeruresa rese peü Tüpä remimbotar rupi.

Hebreos 2:1

Sese iyakatu ko ñe'ësa yasendu va'e rese yayapɨsaka tuprɨ katu, ko tekokwer pɨasu sui yande yepepɨ e'ɨ̇ agwä.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

Hebreos 4:1

Oime vɨte Tüpä remimombe'u yande yaike va'erä ipɨri yande pɨtu'u agwä, sese iya ite yañearö tuprɨ, avɨyeteramo ñepëi pe pa'ü pendar ndoikei chira.

Hebreos 4:11

Sese yayemovɨräkwä katura yande reike agwä evokoi mbɨtu'usa pɨpe, anichira ava araka'endar seroya e'ɨ̇sar rekokwer rupi tuprɨ avei yaikora.

1 San Pedro 5:12

Yande rɨvrɨ Silvano omboavɨye tuprɨ va'e ite okwaita yepi, a'e che pɨtɨ̇vɨïsa pɨpe ko ayapo imondo che rembikwachia ndipukuimi va'e pe mboarakwa katu agwä, ipɨpe toikwa tuprɨ katu yuvɨreko ko porovasasa oipɨsɨ va'e supiete omboyekwa va'e Tüpä poroaɨsusa che esave. ¡Peyemovɨräkwä tuprɨ evokoi poroaɨsusa rese!