Hebreos 13:2 - Tüpä Ñe'ëngagwer

² Iyavei peresarai eme pe avasa sui ava oyepotase pe pɨri, esepia ko nungar apo pɨpe amove ava omoinge mbigwai ɨva pendar gwëtä pɨpe.

Tũpa Ñehengagüer

² Iyavei peresarai eme pe avasa sui ava oyepotase pe pɨri. Esepia, co nungar apo pɨpe amove ava omoingue Tũpa rembiguai güẽtave icuaẽhɨ pɨpe.

Hebreos 13:2 Iomraidhean Croise

San Mateo 25:35

Akoi ndacherɨepoise, pe evokoiyase pembou mba'e che rembi'urä; iyavei che useise, pe evokoiyase pembou avei taɨ'u; che agwata tëise pe rekwa rupi vichiko, pe avei oɨ pembou che pɨtu'u agwä.

San Mateo 25:40

Mborerekwar ɨvate katu va'e rumo omboyevɨra chupe: ‘Supiete peyapose opakatu mba'e avɨye va'e ñepëi seko mbegwemi va'e, che reroyasar pa'ü pendar upe cheu rumo egwë peye.’ ”

San Mateo 25:43

che agwata tëise pe rekwa rupi vichiko, pe ndapemboui oɨ che pɨtu'u agwä, turukwar ipanese, pe ndapemboui ete cheu; che mba'easɨse iyavei che rokendasave, ndapesoi ete che pɨri.’

Los Hechos 16:15

Sese ñapirämosa, opakatu sëtä pendar reseve, ipare ore mombɨta pota: –Che reroyase peye yande Yar reroyasar che rekose, pepɨtara che rëtäve. Egwë e'i oremombɨta.

Romanos 12:13

Peipɨtɨ̇vɨïra ava tekwa pendar iporeroya va'e ipanese mba'e chupe; pemo'äpɨsɨra ava oyepota va'e pe pɨri.

Romanos 16:23

Omondo avei oma'endu'asa Gayo peü. A'e sëtäve ite ni'ä ake yepi, ipɨri avei ambuae Jesús reroyasar oñemonu'ä yuvɨreko yepi. Iyavei Erasto omondo oma'endu'asa opakatu peü, a'e tekwa mba'e gwarepochi apokatusar, yande rɨvrɨ Cuarto avei omondo oma'endu'asa peü.

1 Timoteo 3:2

Sese akoi vɨreko va'e okwaita Tüpä reroyasar rärö agwä, a'e sekoi tuprɨra mba'e avɨye va'e pɨpe yepi. Ipɨpe ava noñe'ëi chira yamotare'ɨ̇save, iyavei omendara ñepëi kuña reseño ite. Toñearö tuprɨ avei yuvɨreko toyapo mba'e supiete va'e, tiporomboetei tuprɨ, iyavei omoingera oyepɨri ava oyepota va'e gwëtäve; oikwa aveira ava mbo'e tuprɨ agwä;

1 Timoteo 5:10

Ikwaprɨra sekokwer ikatuprɨsa rese, omboakwa tuprɨse chi'ïvä'e oyesuindar, omoingese ava gwëtä pɨpe, i'añekose ava Tüpä reroyasar rese ipɨsei agwä, oipɨtɨ̇vɨïse ava iparaɨsu va'e, oyapo tuprɨse opakatu mba'e avɨye va'e.

Tito 1:8

Iyakatu rumo, omoingera ava oyepota va'e gwëtäve oyepɨri, iyavei avɨyeaira sekokwer ava upe yepi, osärö tuprɨra gwekokwer sereko; seko ɨ̇vi tuprɨ aveira, opakatu opɨ'añemoñetasa pɨpe.

1 San Pedro 4:9

Peipɨsɨ tuprɨ ava yuvɨraso va'e pe rëtäve, mba'e rese pi'ä ko ou peyei rene pe pɨ'añemoñeta pɨpe pe pɨri ou va'e upe.

3 San Juan 1:5

Che rɨvrɨ che rembiaɨsu, ereyapo tuprɨ opakatu mba'e yande rɨvrɨ eta upe ambuae tekwa pendar oyepota va'e upe avei.