Hebreos 13:18 - Tüpä Ñe'ëngagwer

¹⁸ Peyerure Tüpä upe ore rese, supiete ore oroyandu mba'e avɨye va'e oroyapo ore pɨ'añemoñeta pɨpe yepi, esepia oroyapo pota mba'e avɨye va'e opakatu mba'e rese ava rembiepiave.

Tũpa Ñehengagüer

¹⁸ Peyerure Tũpa upe ore rese. Supi eté, ore oroyandu ité mbahe avɨye vahe oroyapo ore pɨhañemoñeta pɨpe yepi. Esepia, oroyapo pota mbahe avɨye vahe opacatu mbahe rese ava rembiepiave.

Hebreos 13:18 Iomraidhean Croise

Los Hechos 23:1

A'eve Pablo oma'egätu ava Oñemonu'ä va'e rese o'ä aipo e'i ava upe: –Che mu, che rembiapo mba'e tuprɨ Tüpä rovake areko yepi che pɨ'añemoñeta tuprɨsa pɨpe.

Los Hechos 24:16

Sese che pɨ'añemoñetasa areko mba'e tuprɨ pɨpe yepi Tüpä rovai ava rovake avei.

Romanos 12:17

Ani peü mba'e tëi aposar upe pemboyevɨra mba'e tëi avei. Peyapo katu mba'e tuprɨ opakatu ava rembiepiave.

Romanos 13:13

Yande katu yagwata yande reko ɨ̇vi tuprɨsa pɨpe, inungar yagwatase arɨ pɨpe. Ani yaikora kagwar pɨpe tëi iyavei pietasa rupi, ndayaikoi chira poropota raisa pɨpe, iyavei ndayayapoi chira mba'e naporäi va'e, ndayaikoi chiaveira yande pɨ'añemoñeta nda'oyoyai va'e pɨpe iyavei ndayaroɨröi chira ava imba'e rese sereko.

Romanos 15:30

Che rɨvrɨ eta, yande Yar Jesucristo rer pɨpe iyavei yeaɨsusa Espíritu ombou va'e pɨpe avei, aporandu peü opakatu che rese peyerure pirätä va'erä Tüpä upe che pɨtɨ̇vɨï agwä ko mboravɨkɨ rese.

2 Corintios 1:12

Oime mba'e ore mbovɨ'arete va'e, ore pɨ'a pɨpe oroikwa tuprɨ Tüpä suindar ore reko katuprɨsa pɨpe, ore pɨ'añemoñeta tuprɨsa pɨpe avei ko ɨvɨ pɨpendar ava rembiepiave, pe rembiepiave avei ete. Tüpä porovasasa pɨpe ni'ä egwë oro'e, nda'ei ava ko ɨvɨ pɨpendar mba'ekwasa pɨpe tëi.

Filipenses 4:8

Ko ipa, che rɨvrɨ eta, yande pɨ'añemoñetara opakatu mba'e supi tuprɨ va'e rese, poromboetei agwä rese, mba'e i'ɨ̇vi va'e rese, mba'e maräne'ɨ̇ rese, mba'e yande mbovɨ'a va'e rese, opakatu mba'e avɨye va'e ikwaprɨ va'e rese. Iyavei yande pɨ'añemoñetara ambuae mba'e avɨye va'e rese, imboeteiprɨ va'e rese avei.

Colosenses 4:3

Peyerure avei ore rese, tore pɨtɨ̇vɨï Tüpä oñe'ëngagwer mombe'u vɨte agwä toroñe'ë vɨte avei ko ñe'ësa Cristo resendar Tüpä omboyekwa ramo va'e rese yandeu, sese tëi ni'ä ko che rokendasa.

1 Tesalonicenses 4:12

evokoiyase pe mboyeroyara ava nda'ei va'e Jesús reroyasar yuvɨreko, iyavei pe ndapeporandui chira ambuae ava upe mba'e rese ipanese peü.

1 Tesalonicenses 5:25

Che rɨvrɨ eta, peyerure avei ore rese.

2 Tesalonicenses 3:1

Che rɨvrɨ eta, ko mba'e ipa va'e amombe'u pota peü, peyerure katu ore rese, evokoiyase toyepota pɨ'aivi yande Yar ñe'ëngagwer opakatu rupi, tipɨsɨsa tuprɨ imboeteisa pɨpe inungar oyepota pe pa'üve.

1 Timoteo 1:5

Sese ko amondo porokwaita ndeu yande yeaɨsu agwä yande pɨ'añemoñeta katuprɨsa pɨpe, yande reko yapɨsaka tuprɨsave, iyavei yande yeroyasa supiete va'e pɨpe.

1 San Pedro 2:12

Pereko tuprɨ pe rekokwer avɨye va'e ava Tüpä ndoikwa vɨtei va'e rovake. Yepe ava remieroɨrö peiko inungar-ra mba'e tëi aposar viña, osepiase rumo pe rembiapo katuprɨ, omboeteira Tüpä yuvɨreko a'e arɨ pɨpe akoi yande Yar oporanduse opakatu ava rekokwer rese kuri.

1 San Pedro 3:16

egwë peyera rumo pe reko mbegwesa pɨpe imboeteisave. Peiko tuprɨra pe pɨ'añemoñetasa tuprɨ pɨpe, akoi oñe'ërai va'e pe Cristo reroyasa rekokwer rese, a'e yuvinochirä oñe'ë sui kuri.

1 San Pedro 3:21

A'e ɨ osä'angapo ɨ poroapirämosa, a'e omboyekwa yande ipɨsɨröprɨ yande rekosa. Poroapirämosa rumo ɨ pɨpe nda'ei yande rete moatɨrö agwä, ko rumo yaporandura Tüpä upe, yande pɨ'a ñemoñetasa moatɨrö agwä, ipɨpe sui evokoiyase yañepɨsɨröra yande Yar Jesucristo kwerayevɨsa pɨpe,