Hebreos 13:1 - Tüpä Ñe'ëngagwer

¹ Ndapepoi chietera pe yeaɨsusa sui ñepëi-pëi oyeɨvrɨ nungar pe rekosa pɨpe.

Tũpa Ñehengagüer

¹ Ndapepoi chietera pe yeaɨsusa sui ñepei-pei oyeɨvrɨ nungar pe recosa pɨpe.

Hebreos 13:1 Iomraidhean Croise

San Juan 15:17

Ko rese che opokwai: Peyeaɨsu katu ñepëi-pëi.”

Los Hechos 2:1

Oyepotase Pentecostés pieta, opakatu Jesús reroyasar oñemonu'ä oɨ gwasu pɨpe yuvɨreko.

Los Hechos 4:32

Seta iteanga Jesús reroyasar yuvɨreko, opakatu oyoya tuprɨ ipɨ'añemoñeta yuvɨreko, ndipoi ete ko gweraño ko che mba'e e'i va'e, opakatu seroyasar mba'e rumo opakatu mba'e.

Gálatas 5:13

Pe, che rɨvrɨ eta, senoiprɨ peiko mbigwai tëi nungar perekosa sui perenose agwä. Ndape yapoi chira rumo mba'e pe remimbotar tëi ipɨpe. Iyakatu peñepɨtɨ̇vɨïra pe yeaɨsusa pɨpe.

Gálatas 5:22

Yayapose rumo Espíritu remimbotar, yande evokoiyase yayeaɨsura, yande rorɨvetera, yaikora mba'e tuprɨ pɨpe, yande reko mbegwera, yaporoaɨsura yande reko avɨyesa pɨpe, yamboyekwara yande kwaita mboavɨyesa,

Gálatas 5:6

Esepia akoi yaikose Cristo Jesús rese, yepe yayembocircuncidase, anise ndayayembocircuncidaise, a'e ndayande pɨtɨ̇vɨï ete yande reko katuprɨ agwä Tüpä rovake. Ko gweraño rumo yande pɨtɨ̇vɨï Jesús rese yande yeroyasa, a'e ni'ä yande mboyeaɨsu uka.

Efesios 4:3

peyapo opakatu pe rekokwer pɨpe peiko tuprɨ vɨte agwä peyepa'üve Espíritu Maräne'ɨ̇ pe pɨtɨ̇vɨïsa pɨpe, pe reko tuprɨsa pɨpe avei.

Efesios 5:2

Peiko poroaɨsusa pɨpe, inungar Cristo yande raɨsu iyavei oyemondo yande rekokwer rese, ovesa nungar seropove'ëprɨ Tüpä uve, a'e avɨye ite inungar mba'e sɨäkwä va'e chupe.

2 Tesalonicenses 1:3

Che rɨvrɨ eta, avɨye ndeu oro'e itera Tüpä upe pe rekokwer rese yepi, esepia Tüpä rese pe yeroyasa tuvicha-vicha iri avei, pe yeaɨsusa opakatu peyeupe pereko va'e.

Hebreos 10:24

Iyavei yasekañora ñepëi-pëi yañepɨtɨ̇vɨï va'erä yande yeaɨsu katu agwä iyavei mba'e tuprɨ apo agwä yande yeupe.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 2:17

Pemboeteira opakatu ava. Pesaɨsu avei pe rɨvrɨ eta Jesús reroyasar, pemboetei Tüpä, pemboyeroya avei mborerekwar ɨvate katu va'e.

1 San Pedro 3:8

Iyavei peikora opakatu teko katuprɨsa pɨpe, perekora ñepëi pɨ'a ñemoñetasa, iyavei peyeaɨsu katura Jesús reroyasar pe rekosa pɨpe. Peyemboava aveira oyeupe pe reko mbegwesa pɨpe.

1 San Pedro 4:8

Ko katu peyeaɨsura opakatu tuprɨ ite pe pɨ'a pɨpe, esepia poroaɨsusa oimese a'ese avei seta oimerä ñeröisa angaipa upe.

2 San Pedro 1:7

ipare peyeaɨsura peyeɨvrɨ nungar pe rekosa pɨpe; peseka katu aveira ava raɨsu tuprɨ agwä.

1 San Juan 3:23

Ko iporokwaita pɨpe omombe'u yaroya va'erä Ta'ɨrɨ Jesucristo, iyavei yayeaɨsura ñepëi-pëi Tüpä yande kwaisa rupi.

1 San Juan 4:20

Amove ava aipo e'i tëi: “Che asaɨsu Tüpä”, a'e ramoseve rumo vɨroɨrö omboetasa Tüpä reroyasar, evokoiyase a'e semirä tëi va'e. Esepia akoi ndosaɨsui va'e omboetasa Tüpä reroyasar sepiase, ndoikatui Tüpä ndayasepiai va'e raɨsu agwä.

Apocalipsis 2:4

Che rumo aikwa oime mba'e nda'ei va'e che pɨ'a rupi pe rembiapo: ndapeyeaɨsu iri inungar yɨpɨndar.