Hebreos 12:3 - Tüpä Ñe'ëngagwer

³ Pe avei katu, pepɨ'añemoñeta Jesús rembiapokwer rese; a'e oiporara ite mba'e rasɨkwer ava yangaipa va'e marä-marä tëi vɨrekose, sese pekwerai eme Cristo rese peiko agwä iyavei, ndorekere'ɨ̇ iri ndapeyei chira.

Tũpa Ñehengagüer

³ Pe avei catu, pepɨhañemoñeta Jesús recocuer rese; ahe oiporara ité mbahe rasɨcuer ava yangaipa vahe mara-mara tẽi güerecose. Sese pecuerai eme Cristo rese peico ãgua iyavei, “Ndorequerẽhɨ iri” ndapeyei chira.

Hebreos 12:3 Iomraidhean Croise

San Mateo 11:19

Ipare koiye katu rumo ou ava ɨvate katu va'e Ra'ɨrɨ, okaru iyavei oɨ'u avei, ipare aipo peye, ko ikaru gwasuai va'e sekoi iɨ'u gwasuai va'e avei, ava angaipa viyar mborɨpar tëi gwarepochi rerokwasar mborɨpar tëi peye avei cheu. Tüpä mba'ekwasa rumo, a'e ikwasara sembiapokwer rese.”

San Mateo 12:24

Osenduse rumo ko, fariseo eta aipo e'i yuvɨreko: “Ko mbɨa karugwar rerekwar Beelzebú, pirätäsa pɨpe tëi omboyepepɨ karugwar ava sui.”

San Mateo 15:2

–¿Ma'erä vo nde remimbo'e ndogwatai yande ramoi araka'endar arakwasa rupi yuvɨreko? ¿Ma'erä vo porokwaita mboavɨye e'ɨ̇sa pɨpe ndoyepoi okaru agwä renonde yuvɨreko yepi?

San Mateo 21:23

Ichui Jesús oike iri oso tüpäro pɨpe oporombo'e. A'ese pa'i eta rerekwar, judío rerekwar avei oyemboya sese, oporandu yuvɨreko chupe: –¿Ava nde kwaita pɨpe vo ereyapo ko nungar eiko? ¿Ava vo ombou nde mborerekwarä ndeu?

San Mateo 21:46

Evokoiyase oipɨsɨ pota voi yuvɨreko viña, osɨkɨyeño rumo, esepia ava vɨroya ite Jesús yuvɨreko Tüpä ñe'ë mombe'usar sekoise.

San Mateo 22:15

Ko ipare, fariseo eta yuvɨraso ichui opa oñemoñeta oyavɨ uka va'erä Jesús ñe'ë yuvɨreko viña.

San Lucas 14:1

Egwë e'i aipo ñepëi mbɨtu'usa arɨ pɨpe Jesús oso okaru mborerekwar fariseo rëtäve, a'eve ambuae fariseo eta oivɨro yuvɨreko.

San Lucas 15:2

Fariseo eta iyavei Moisés porokwaita rese oporombo'e va'e vɨroɨrö tëi yuvɨreko, aipo e'i: –Ko mbɨa omborɨ potarai ava yangaipa gwasu va'e, okaru avei ipa'üve.

San Lucas 16:14

Esepia fariseo eta, aipo gwarepochi potaraisa yuvɨrekoi va'e, osenduse opakatu mba'e vɨroɨrö tëi Jesús yuvɨreko.

San Lucas 2:34

Evokoiyase Simeón osovasa pitani iyesupa reseve, aipo e'i Jesús sɨ María upe: –Esepia ko pitani reroya e'ɨ̇sa pɨpe seta ovɨapira mba'e tëi pɨpe Israel ɨgwar yuvɨreko ambuae rumo seroya pɨpe sovasaprɨ yuvɨrekoira. A'e avei omboyekwara mba'e ava upe amove rumo vɨroɨröñora yuvɨreko,

San Lucas 5:21

Evokoiyase oporombo'e va'e Moisés porokwaita rese iyavei fariseo eta ipɨ'a ñemoñeta atɨ tëi aipo e'i yuvɨreko: “¿Ava vo ko mbɨa sekoi oñe'ë tëi va'e Tüpä rer pɨpe? Tüpä ni'ä oikatu ava angaipa upe oñeröi agwä.”

San Juan 10:20

Seta iteanga ipa'ü pendar aipo e'i va'e: –¿Ma'erä vo pemboyeroya, esepia vɨreko ite karugwar oyese iyavei ndayarakwai ete oiko?

San Juan 18:22

Aipo i'e rese, ñepëi tüpäro rärösar osovapete, aipo e'i chupe: –¿Aipo ere rutei pa'i rerekwar ɨvate katu va'e upe imboyevɨ?

San Juan 5:16

Sese judío osakɨkwei moña Jesús yuvɨreko, esepia a'e oyapo mbɨtu'usa arɨ pɨpe porombogwerasa.

San Juan 7:12

Opakatu ava oñemoneta atɨ yuvɨreko sese. Amove aipo e'i: “A'e mbɨa avɨye va'e”; ambuae rumo aipo e'i: “Nda'ei avɨye va'e; a'e rumo ombopa tëi va'e ava oiko.”

San Juan 8:13

Fariseo eta aipo e'i yuvɨreko chupe: –Nde ereñe'ë ndeyese ae tëi: evokoi nde ñe'ësa ndaseroyaprɨi ete.

San Juan 8:52

Judío eta omboyevɨ yuvɨreko aipo e'i chupe: –Kurïtëi oroikwa ite nde ererekose karugwar ndeyese. Esepia Abraham iyavei opakatu Tüpä ñe'ë mombe'usar omanopa ite yuvɨreko, iyavei nde aipo ere: ‘Akoi che ñe'ë reroyasar, nomanoi chietera.’

San Juan 8:59

Evokoiyase osupi ita yapi-yapi agwä yuvɨreko; Jesús rumo oñemi osë tuprɨño tüpäro pɨpe sui.

San Juan 9:40

Oime fariseo yuvɨrekoi va'e supi, osenduse aipo ñe'ësa, oporandu yuvɨreko chupe: –¿Ore avei vo ndasesapɨsoi va'e nungar oroiko?

1 Corintios 15:58

Sese che rɨvrɨ eta, peiko tuprɨño ite Cristo rese iyavei peyemovɨräkwä opakatu mba'e tëi upe, peporavɨkɨ katuño yande Yar upendar mba'e rese peiko; esepia peikwa ni'ä yande Yar rese peikose pe poravɨkɨsa nda'ei egwë e'i tëi va'e.

2 Corintios 4:1

Sese ndorekere'ɨ̇ iri ndoro'ei ete, esepia Tüpä ore poravo, ore paraɨsuerekosa pɨpe ore poravɨkɨ agwä ko ñe'ësa rese.

2 Corintios 4:16

Sese orekere'ɨ̇ño ite mba'e apo oroiko peü. Yepe ore rete okañɨ pota tëi viña, ore rekokwer rumo Tüpä ombopɨasuño ite arɨ yakatu rupi.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

2 Tesalonicenses 3:13

Che rɨvrɨ eta, pekwerai rene mba'e avɨye va'e apo agwä.

Hebreos 12:2

Yama'e tuprɨ itera Jesús rese, a'e ichui ni'ä yareko yande yeroyasa Tüpä rese, a'e avei oyese yande mboporeroya tuprɨ katu, Jesús oiporara kurusu rese omano ochie'ɨ̇sa pɨpe, esepia a'e oikwa ite oparaɨsu pare vɨrekora ovɨ'aretesa, ogwapɨse omborerekwasave Vu Tüpä akato kotɨ öi.

Hebreos 12:5

peresarai ete Tüpä pe mboarakwasa sui ta'ɨrɨ ite pe rekosa pɨpe. Esepia Ikwachiaprɨ pɨpe aipo e'i: “Che ra'ɨrɨ, eyemoigätu voiño Yar nde mombaraɨsusa upe nde reko mo'ɨ̇vi tuprɨ agwä, iyavei, ndachekere'ɨ̇ iri nderei chiaveira chupe ndeu oñe'ë pirätäse.

Hebreos 3:1

Evokoiyase, che rɨvrɨ eta iporavoprɨ, pe Tüpä remienoi peiko va'e chupe narä, peyapɨsaka tuprɨ Cristo Jesús rekokwer rese, a'e sekoi yandeu Jesús ñe'ë mombe'usar iyavei pa'i ɨvate katu va'e yande yeroya agwä.

1 San Pedro 2:23

Akoi ava iñe'ë marä-marä tëise yuvɨreko chupe, nomboyevɨi ete iñe'ë raisa; iyavei akoi omombaraɨsuse yuvɨreko, ayepɨra sese nde'i ete, a'e rumo, che Ru Tüpä seko ɨ̇vi va'e oikwara chupe yuvɨreko e'iño oyeupe mba'e-mba'e tëi aposar upe.

Apocalipsis 2:3

Iyavei che aikwa peñemosañose peyemombaraɨsu peiko che raɨsupave, ndapekwerai ete ipɨpe.