Hebreos 12:23 - Tüpä Ñe'ëngagwer

²³ iyavei opakatu yɨpɨndar Tüpä ra'ɨrɨ ikwachiaprɨ va'e ɨvave. Oyemboya Tüpä rese yuvɨreko, a'e opakatu mba'e Moigätusar, iyavei peyemboya ava seko avɨye va'e espíritu yuvɨrekoi va'e rese, a'e ni'ä Tüpä osekomo'ɨ̇vi tuprɨ sereko,

Tũpa Ñehengagüer

²³ Iyavei peyemboya opacatu ava Tũpa rahɨr ɨpɨ Cristo reroyasar rese, ahe serer icuachiaprɨ ɨvave. Peyemboya avei Tũpa rese, ahe niha yande recocuer rese oporandu vahe secoi; iyavei peyemboya ava seco avɨye vahe espíritu yuvɨrecoi vahe rese. Ahe niha Tũpa osecomohɨvi tuprɨ sereco.

Hebreos 12:23 Iomraidhean Croise

San Lucas 10:20

Peyembovɨ'aretei rene karugwareta pe mboyeroyase, iya rumo peyembovɨ'a pe rer ɨva pendar ikwachiaprɨ rese.

San Juan 5:27

ombou avei che mborerekwarä ava rekokwer rese porandu agwä, esepia che ava ɨvate katu va'e Ra'ɨrɨ aiko.

Los Hechos 20:28

Sese peñearö tuprɨ, pesärö avei opakatu Jesús reroyasar, Espíritu Maräne'ɨ̇ porokwaita rupi inungar ovesa rärösar, egwë peye tuprɨra särö a'e Tüpä remimboepɨ yuvɨrekoi, esepia Jesús oipɨyere vuvɨ opakatu ava angaipa repɨrä.

1 Corintios 13:12

Kurïtëi yande ndayasendukwa tuprɨi Tüpä resendar mba'e, inungar akoi yepiasa pɨpe yasepia ävomi tëi mba'e; osupitɨra rumo arɨ yayeepia va'erä ñepëi-pëi ete kuri. Kurïtëi rumo che mba'ekwasa nda'ei supi tuprɨ va'e, koiye rumo aikwa tuprɨ katu itera Tüpä, inungar a'e oikwa tuprɨ che rekokwer oiko.

1 Corintios 15:49

Kurïtëi yande yaiko inungar yɨpɨndar ava ɨvɨ apoprɨ, egwë ya'e aveira yande Jesucristo ɨva pendar nungar tuprɨ yaiko kuri.

1 Corintios 15:54

Iyavei akoi yande rete okañɨ tëi va'erä ndaseko iri chietera rumo kañɨsa pɨpe, iyavei yande rete okañɨ tëi va'erä a'e sekoira ñekuñarösa apɨre'ɨ̇sa pɨpe ite kuri, a'ese imboavɨyesa rane itera Ikwachiaprɨ pɨpe aipo e'i va'e: “Manosa imokañɨsa itera mba'e avɨye tuprɨ va'e pɨpe.

2 Corintios 5:8

yande rumo yayeroyaño ite sese, yaipota avei yande retekwer reya agwä yande Yar pɨri yandeso agwä ɨvave.

Efesios 1:22

Opakatu mba'e omondo Gwa'ɨrɨ Cristo povrɨve, Cristo upe avei omondo opakatu ava vɨroyasar rerekwar agwä.

Filipenses 4:3

Nde ni'ä che pɨtɨ̇vɨï tuprɨ va'ekwer che poravɨkɨsa rese eve, eipɨtɨ̇vɨï evokoi kuña, esepia a'e ni'ä oyembopɨ'avɨräkwä ite che pɨtɨ̇vɨïse Tüpä ñe'ëngagwer pɨsɨrösa resendar mombe'u agwä yuvɨreko, oyoya Clemente rese iyavei ambuae oporavɨkɨ va'e rese che rupi yuvɨreko. A'e serer opa ikwachiaprɨ Tüpä kwachiar tekovesa apɨre'ɨ̇ va'e resendar pɨpe.

Colosenses 1:12

avɨye ndeu peyera pe vɨ'aretesa pɨpe yande Ru Tüpä upe, esepia a'e omoigätu pe rekokwer peipɨsɨ agwä iporerekosa oime va'erä opakatu sembiporavo upe akoi yuvɨrekoi va'e Tüpä poroesapesa pɨpe.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

1 Timoteo 3:5

Esepia akoi ndoikwai va'e gwëtä pɨpendar rärö, ¿marä e'ira evokoiyase Tüpä reroyasar rärö?

Hebreos 11:4

Tüpä reroyasa pɨpe Abel vɨropove'ë oporerekosa Tüpä upe avɨye katu va'e Caín porerekosa sui, sese Tüpä vɨreko ava seko katuprɨ va'e nungar ipɨpe sui oipɨsɨ iporerekosa. Yepe Abel omano va'e sekoi viña, a'e rumo oñe'ë vɨteño Tüpä rese oyeroyasa pɨpe oiko.

Hebreos 11:40

esepia Tüpä omoime mba'e avɨye katu va'e yandeu oyoya tuprɨ toipɨsɨ gwekokwer i'ɨ̇vi tuprɨ agwä che remimombe'ugwer rupi yuvɨreko o'esa pɨpe, yandeu opakatu avei.

Hebreos 2:12

A'e aipo e'i Ikwachiaprɨ pɨpe: “Añe'ëra nde rese che rɨvrɨ eta upe, asapukai aveira sapukaisa ndeu opakatu ava ñemonu'äsave.”

Hebreos 9:27

Supiete opa rane itera ava omano yuvɨreko, ipare voi ñepëi reseve oimerä porandusa,

Santiago 1:18

A'e rumo ombou tekovesa yandeu ko ñe'ësa supiete va'e pɨpe, toyuvɨrekoi inungar yɨpɨndar mba'e mitɨ̇ a seropove'ëprɨ cheu opakatu che rembiapo sui o'esave yandeu.

1 San Pedro 2:23

Akoi ava iñe'ë marä-marä tëise yuvɨreko chupe, nomboyevɨi ete iñe'ë raisa; iyavei akoi omombaraɨsuse yuvɨreko, ayepɨra sese nde'i ete, a'e rumo, che Ru Tüpä seko ɨ̇vi va'e oikwara chupe yuvɨreko e'iño oyeupe mba'e-mba'e tëi aposar upe.

Apocalipsis 13:8

Ipare omboeteiai sereko yuvɨreko opakatu ava ɨvɨ pɨpendar akoi ɨvɨ apoe'ɨ̇ suive ndovɨrekoi va'e gwerer Ovesami a'e Cristo sekoi va'e kwachiar tekovesa resendar pɨpe, a'e ni'ä akoi yukapɨrer.

Apocalipsis 14:4

Ko ava ndasekomaräi va'e ndoyapoi ete mba'e kokotɨ tëi kuña rese, esepia oñearö tuprɨ gweko katuprɨsa pɨpe; iyavei osakɨkwe moñaño ite Jesucristo igwatasa rupi yuvɨreko. Opa serokwasa ava pa'ü sui iyavei inungar yɨpɨndar mba'e seropove'ëprɨ Tüpä upe, Ovesami a'e Cristo sekoi va'e upe avei.

Apocalipsis 20:15

a'eve opa imondosa akoi ndovɨrekoi va'e gwerer ikwachiaprɨ kwachiar tekovesa resendar pɨpe.

Apocalipsis 6:11

Ipare imondosa iyakatu turukwar morochi va'e, a'ese aipo e'i chupe pepɨtu'u vɨte rane, tayavɨyepa rane pe rɨvrɨ eta retakwer, Tüpä upe oporavɨkɨ va'e mba'e aposa pɨpe yukaprɨ pe nungar yuvɨreko.

Apocalipsis 6:9

Akoi Ovesami a'e Cristo sekoi va'e omondorose imbopoyandeposa sello, a'ese asepia mba'e seropove'ëprɨ rendavrɨve ava ä, a'e yukasa va'e yuvɨreko Tüpä ñe'ëngagwer mombe'usa sui tëi seroyasa sui tëi aveino.