Hebreos 12:22 - Tüpä Ñe'ëngagwer

²² Pe rumo peyemboya ɨva pendar ɨvɨtrɨ Sión rese, Tüpä oikove va'e rekwave a'e tekwa Jerusalén ɨva pendar, a'eve mbigwai ɨva pendar seta iteanga oñemonu'ä Tüpä mboetei agwä yuvɨreko yepi,

Tũpa Ñehengagüer

²² Pe rumo peyemboya ɨva pendar ɨvɨtrɨ Sión ve, Tũpa oicove vahe recuave. Ahe tecua Jerusalén ɨva pendar. Aheve Tũpa rembiguai setá iteanga vahe oñemonuha imboetei ãgua yuvɨreco yepi.

Hebreos 12:22 Iomraidhean Croise

San Mateo 16:16

Simón Pedro omboyevɨ chupe: –Nde ereiko Poropɨsɨrösar, Tüpä Ra'ɨrɨ oikove va'e ite.

San Mateo 5:35

anichira ɨvɨ rer pɨpe, esepia a'e ipɨrunga avei; anichira Jerusalén rer pɨpe, esepia ni'ä a'e Mborerekwar ɨvate katu va'e rekwa.

Romanos 11:26

Ko opase yavɨye, opakatu Israel pendar yuvɨrekoira pɨsɨrösa pɨpe, esepia Ikwachiaprɨ pɨpe aipo e'i: “Oura ava pɨsɨrösar tekwa Sión pa'ü sui, iyavei oipe'ara mba'e naporäi va'e Jacob sui.

Romanos 9:26

A'eve tuprɨ avei akoi imombe'usa peü: ‘Pe nda'ei va'e che rupindar peiko’, a'e chupe Tüpä oikove va'e ra'ɨrɨ ite esara.”

Gálatas 4:26

Yande rumo inungar Jerusalén ɨva pendar yaiko, egwë ya'e yaiko ta'ɨrɨ mbigwai e'ɨ̇.

Efesios 2:19

Sese, pe nda'e iri ambuae ɨvɨ pendar peiko, ndapeiko iri avei kokotɨ tëi pe ɨvɨ sui, kurïtëi rumo peiko Tüpä rese inungar ambuae yuvɨreko, iyavei oñemu gwasu ite yaiko Tüpä rese.

Filipenses 3:20

Yande rumo ɨvave narä ite yaiko, yasärö avei yaiko ɨva sui ou va'erä yande Pɨsɨrösar, a'e yande Yar Jesucristo sekoi,

1 Tesalonicenses 1:9

Esepia a'e avei omombe'u yuvɨreko oreu akoi oreso agwer pe pɨri, pe ore pɨsɨ tuprɨ agwer resendar avei, omombe'u avei mba'e ra'anga sui pe poi agwer Tüpä oikove va'e rupi pe gwatasa yuvɨreko, pe chupe narä mba'e apo agwä aveino

2 Timoteo 4:18

a'e che pe'ara opakatu mba'e-mba'e tëi sui iyavei che pɨsɨröra oyepɨri ɨvave che so agwä. ¡Egwë te'i timboeteisa katu yande Yar apɨre'ɨ̇ va'e yepi! Amén.

Hebreos 10:31

¡Mba'e tëiete yaikese Tüpä oikove va'e ñemoɨrösa pɨpe!

Hebreos 11:10

Esepia Abraham osäröño ite tekwa ɨva pendar ovɨräkwä va'e, Tüpä ni'ä a'e tekwa rä'asar, yaposar avei.

Hebreos 11:16

a'e rumo oipota ambuae ɨvɨ avɨye katu va'e yuvɨreko, a'e ɨva pendar. Sese Tüpä nochi ete, che Ru Tüpä oyeupe'ese, esepia vɨreko ite tekwa imoigätuprɨ chupe narä.

Hebreos 13:14

Supiete, ko ɨvɨ pɨpe ndayarekoi ete tekwa apɨre'ɨ̇ va'e, yande rumo yaseka evokoi tekwa oime va'erä yandeu kuri.

Hebreos 3:12

Che rɨvrɨ eta, peñearö katu tipo eme ñepëi ipɨ'añemoñeta naporäi va'e Tüpä reroya e'ɨ̇sa pɨpe oyepepɨ va'erä ichui.

Hebreos 9:14

¡Cristo ruvɨ rumo vɨreko katu pirätäsa! Esepia Cristo Espíritu apɨre'ɨ̇ va'e pɨpe, oyemondo a'e ae Tüpä upe inungar mba'e seropove'ëprɨ nimaräi va'e, iyavei suvɨ yande pɨ'a ñemoñetasa moatɨrö opakatu yande rembiapoai manosave yande rereko va'e sui, a'ese yaikatura Tüpä oikove va'e upe mba'e apo uka agwä.

San Judas 1:14

Iyavei Henoc, Adán rakɨkwerindar imoñuvɨrïo ova rupi oyesu va'e, a'e oñe'ë evokoi nungar ava naporäi va'e rekokwer rese: “Che asepia che Yar, ouse mbigwai ɨva pendar re'ɨi-re'ɨi rese

Apocalipsis 14:1

Ipare asepia Jesucristo ɨvɨtrɨ Sión rese imo'ä. A'e supi yuvɨrekoi ciento cuarenta y cuatro mil tuprɨ ava evokoi oikwachia va'e Jesucristo rer, Tu rer avei osɨva rese yuvɨreko.

Apocalipsis 21:10

Iyavei che kerai nungar pɨpe Espíritu osepia uka va'e cheu, a'ese mbigwai ɨva pendar che reraso ɨvɨtrɨ gwasu ɨvate va'esave, a'eve omboyekwa tekwa gwasu Jerusalén nimaräi va'e cheu, ogweyɨ va'e Tüpä rovai sui ou.

Apocalipsis 21:2

Ipare asepia tekwa nimaräi va'e, a'e Jerusalén pɨasu, ogweyɨ va'e ɨva sui ou, Tüpä rovai sui. Imoigätusa tuprɨ va'e, inungar akoi kuña omenda agwä oyemboetei tuprɨ omevɨ upe.

Apocalipsis 22:19

Akoi ava vɨrokwa va'e ko kwachiar pɨpe sui ñe'ësa Tüpä suindar, Tüpä avei evokoiyase ndoipotai chira chupe ko kwachiar pɨpe imombe'uprɨ ɨvɨra a tekovesa resendar rereko agwä, iyavei ko tekwa maräne'ɨ̇ pɨpe seike agwä.

Apocalipsis 3:12

Akoi oyemovɨräkwä va'e mba'e-mba'e tëi apoe'ɨ̇ agwä yuvɨreko, a'e che Ru pɨri narä ite yuvɨrekoira, a'e evokoiyase inungar-ra che Ru Tüpä rëtä vɨräkwäsa ndopai va'e yuvɨreko; sese aikwachia ukara che Ru Tüpä rer che Ru Tüpä rekwa rer aveino, a'e Jerusalén pɨasu, evokoi ou va'erä ɨva pendar che Ru Tüpä sui; aikwachia aveira che rer ipɨasu va'e yuvɨreko sese.

Apocalipsis 7:2

Ipare asepia avei ambuae mbigwai ɨva pendar ou va'e arɨ sësa kotɨ sui, a'e vɨreko oyese Tüpä oikove va'e rer mondosa. Ko mbigwai ɨva pendar oñe'ë pirätä ambuae irugätu tuprɨ mbigwai ɨva pendar yuvɨrekoi va'e upe, oipɨsɨ va'e pirätäsa ɨvɨ, paragwasu momarä agwä yuvɨreko: