Hebreos 12:14 - Tüpä Ñe'ëngagwer

¹⁴ Peiko katu ava upe mba'e tuprɨ pɨpe, peiko avei pe reko maräne'ɨ̇ pɨpe; esepia ava ndovɨrekoi va'e gweko maräne'ɨ̇, ndosepiai chietera yande Yar.

Tũpa Ñehengagüer

¹⁴ Peico catu opacatu ava upe mbahe tuprɨ pɨpe, peico avei pe reco maranehɨ pɨpe. Esepia, ava ndovɨrecoi vahe güeco maranehɨ, ndosepiai chietera yande Yar.

Hebreos 12:14 Iomraidhean Croise

2 Corintios 7:1

Che rɨvrɨ eta, che rembiaɨsu, ko Tüpä remimombe'u imboavɨyepɨrä yandeu. Sese yande yamoigätu tuprɨra yande rekokwer chupe yareko e'ɨ̇ agwä yande retekwer angaipa pɨpe, inungar yande rete iyavei yande rekokwer pɨpe; iyavei Tüpä mboeteisa pɨpe yasekara yande reko katuprɨ agwä chupe narä gweraño ite.

1 Tesalonicenses 4:7

Esepia Tüpä ni'ä yande poravo yande reko maräne'ɨ̇ agwä, nda'ei angaipa pɨpe yande reko agwä tëi.

1 San Pedro 3:11

Pepoi mba'e naporäi va'e sui iyakatu rumo peyapora mba'e avɨye va'e, peseka teko tuprɨsa peyeupe narä pegwata supi.

Romanos 12:18

Peikatu va'e rupi peseka pe reko tuprɨ agwä opakatu ava rese.

Romanos 14:19

Sese, iya yaseka opakatu mba'e avɨye va'e yande rerogwata agwä yepɨtɨ̇vɨïsa ikatuprɨ va'e rupi.

1 Tesalonicenses 3:13

Ipɨpe sui tape movɨräkwä pe reko maräne'ɨ̇ pɨpe pe mba'e avɨe'ɨ̇save yande Ru Tüpä rovai akoi oyevɨse yande Yar Jesús opakatu vɨroyasareta reseve. Amén.

Romanos 6:22

Kurïtëi rumo angaipa sui senoseprɨ peiko, Tüpä povrɨve pe reko agwä. Ichui mba'e tuprɨ oime peü, a'e ni'ä ombou oyeupe narä ite pe reko tuprɨ agwä, ipɨpe sui peikora tekovesa apɨre'ɨ̇ va'e pɨpe.

3 San Juan 1:11

Che rɨvrɨ che rembiaɨsu, ereikoi rene evokoi ava rekokwer nungar, ereikora rumo ava avɨye va'e rekokwer rupi. Esepia oyapo va'e mba'e avɨye va'e, a'e Tüpä suindar, akoi oyapo va'e rumo mba'e naporäi va'e, a'e ndoikwai va'e Tüpä.

Efesios 5:5

Peikwa ni'ä akoi oyemboagwasa va'e, oyapo va'e mba'e naporäi va'e, yemombotasa (esepia a'e inungar mba'e ra'anga mboeteisa), evokoi nungar ndoyuvɨrekoi chira Tüpä povrɨve iyavei Cristo povrɨve.

Hebreos 12:10

Yande yesupa ko ɨvɨ pɨpendar opɨ'añemoñetagwer rupi tëi yande nupa yaikove raimi tëise ko ɨvɨ pɨpe; Tüpä rumo yande mombaraɨsu yandeu mba'e tuprɨ agwä rese, yande reko maräne'ɨ̇ agwä inungar a'e ndaseko maräi va'e.

1 Timoteo 6:11

Nde rumo, Tüpä rese ereiko va'e, eyepepɨ opakatu ko nungar mba'e naporäi va'e sui. Eiko nde reko ɨ̇visa pɨpe, ndema'endu'año ite Tüpä rese, eroya esaɨsu, eñemosa avei eiko nde reko mbegwesave.

1 San Pedro 3:13

¿Ava pi'ä oikatura mba'e tëi apo yuvɨreko peü, esepia pekere'ɨ̇ño ite mba'e avɨye va'e apo yepi?

San Marcos 9:50

Sese yukrɨ avɨyeai ete; nase'ë irise rumo, ¿ndayaikatui chira imoe'ë iri agwä? Peiko katu yukrɨ nungar mba'e tuprɨ pɨpe peyeupe narä.”

2 San Pedro 3:11

Opakatu ite ni'ä ko mba'e yapoprɨ okañɨ tëi va'erä sese, ¡peyemovɨräkwäño itera pe reko maräne'ɨ̇sa rese Tüpä rese pe pɨ'a ñemoñetasa pɨpe!

1 Corintios 1:10

Che rɨvrɨ eta, yande Yar Jesucristo rer pɨpe aipo a'e peü pemboyoya katu pe pɨ'a ñemoñetasa, ndapeyemboya'oi chira peyesui. Peiko katu pe yeaɨsusa pɨpe, ichui ta'oyoya pe pɨ'a ñemoñetasa, ta'oyoya avei mba'e pe remimbotar.

San Lucas 1:75

gweko maräne'ɨ̇sa iyavei gweko poreroyasa pɨpe, iyavei yaiko va'erä sovai arɨ yakatu yande rekokwer katuprɨsa pɨpe.

2 Timoteo 2:22

Eyepepɨ mbɨa chi'ïvä'e pɨ'añemoñeta raisa sui, emo'ɨ̇vi tuprɨño nde rekokwer sereko. Eyeroyaño Tüpä rese, esaɨsu katu avei ava eiko nde reko tuprɨ pɨpe, inungar yande Yar reroyasar oyapo opɨ'añemoñeta tuprɨsa pɨpe yuvɨreko.

1 Tesalonicenses 5:15

Peikwa katu pe rereko megwa potasar sui. Ndapemboyevɨi chira mba'e-mba'e tëi ko pe rereko megwa potasar upe, iyakatu rumo peyapo tuprɨ mba'e avɨye va'e peyeupe, opakatu ava upe aveino.

2 San Pedro 3:18

Peikwa tuprɨ katura rumo yande Yar Poropɨsɨrösar Jesucristo iyavei peikoveño itera iporovasasa pɨpe. ¡Egwë te'i imboeteiprɨ tasekoi kurïtëi apɨre'ɨ̇ va'erä! Amén.

Filipenses 3:12

Asupitɨ opakatu ko mba'e nda'ei ete, iyavei ndaseko maräi va'e aiko nda'e vɨtei chietera; che rumo aseka vɨte a'e tekokwer che rekorä, esepia Cristo Jesús che pɨsɨ ite oyeupe narä.

2 Corintios 6:17

Sese yande Yar aipo e'i avei: “Peyepepɨ evokoi nungar ava naporäi va'e sui; pepokoi rene mba'e naporäi va'e rese. A'ese che opopɨsɨra

1 Corintios 13:12

Kurïtëi yande ndayasendukwa tuprɨi Tüpä resendar mba'e, inungar akoi yepiasa pɨpe yasepia ävomi tëi mba'e; osupitɨra rumo arɨ yayeepia va'erä ñepëi-pëi ete kuri. Kurïtëi rumo che mba'ekwasa nda'ei supi tuprɨ va'e, koiye rumo aikwa tuprɨ katu itera Tüpä, inungar a'e oikwa tuprɨ che rekokwer oiko.

Gálatas 3:21

¿Moisés porokwaita pi'ä kokotɨ tëi Tüpä remimombe'ugwer sui? ¡Ani nda'ei ete supi! Esepia akoi porokwaita ombouse tekovesa apɨre'ɨ̇, a'ese porokwaita reroya pɨpe yande reko katuprɨra Tüpä rovake viña.

Hebreos 9:28

egwë e'i avei Cristo oyeeropove'ë ñepëi reseve opakatu angaipa mokañɨ agwä. Ipare rumo oyevɨ irise ou kuri, nda'e iri chira angaipa rekokwer rese, a'e rumo oyevɨra ou gwarösar pɨsɨrö agwä.