Hebreos 12:11 - Tüpä Ñe'ëngagwer

¹¹ Supiete yɨpɨndar, poronupasa yaipɨsɨ ramose tasɨ yandeu, koiye rumo yande imboyeroyasa pɨpe yayapo katura mba'e i'ɨ̇vi va'e, a'e evokoiyase yande rekokwer rerekora mba'e tuprɨ pɨpe.

Tũpa Ñehengagüer

¹¹ Supi eté yɨpɨndar, poronupasa yaipɨsɨ ramose, tasɨ yandeu. Coiye rumo yande imboyeroyasa pɨpe yayapo catura mbahe ihɨ̃vi vahe. Ahe evocoiyase yande recocuer rerecora mbahe tuprɨ pɨpe.

Hebreos 12:11 Iomraidhean Croise

Romanos 14:17

Esepia Tüpä mborerekwasave ndikwasai mba'e ya'u va'e yaɨ'u va'e avei, a'e rumo oipota yande reko tuprɨ agwä, mba'e avɨye va'e pɨpe iyavei Espíritu Maräne'ɨ̇ rese yande reko agwä.

2 Corintios 4:17

Esepia ko mba'e oroiporara va'e ko ɨvɨ pɨpe, a'e egwë e'i raimi tëi va'e, ipare rumo opañora; a'e ichui rumo oimerä mba'e tuprɨ ɨvate katu va'e oreu ɨvave apɨre'ɨ̇ orovɨreko va'erä.

2 Timoteo 4:8

Kurïtëi che rärö ɨvave ko porerekosa che poravɨkɨ avɨye va'e resendar, yande Yar Mborerekwar seko ɨ̇vi va'e ni'ä omboura cheu a'e arɨ pɨpe, nda'ei chira cheu gweraño. Ombou aveira opakatu Cristo raɨsusa pɨpe iyevɨsa osärö va'e upe yuvɨreko.

Hebreos 12:10

Yande yesupa ko ɨvɨ pɨpendar opɨ'añemoñetagwer rupi tëi yande nupa yaikove raimi tëise ko ɨvɨ pɨpe; Tüpä rumo yande mombaraɨsu yandeu mba'e tuprɨ agwä rese, yande reko maräne'ɨ̇ agwä inungar a'e ndaseko maräi va'e.

Hebreos 5:14

Ko tembi'u säta va'e rumo a'e ava okwakwa va'e upe narä, esepia a'e oyembo'e tuprɨ katu iñe'ëngagwer rese gweko tuprɨ agwä yepi, ipɨpe sui oikwa ite mba'e avɨye va'e poravo mba'e naporäi va'e sui.

1 San Pedro 1:6

Ko rese peyembovɨ'areteño peiko, yepe kurïtëi pe reko pɨpe peparaɨsu puku raimi tëi pe rekoa'äsa pɨpe viña.

2 San Pedro 2:14

Osepiase kuña, oipota voiño tëi; ndaporambai avei iyemboangaipasa chupe, yayapoño mba'e e'iño ndoyembo'e katui va'e upe. Evokoi nungar oyembo'e-mbo'e katu mba'e pota raisa reka agwä oyeupe yuvɨreko, ava okañɨ tëi va'erä yuvɨrekoi.