Hebreos 11:8 - Tüpä Ñe'ëngagwer

⁸ Tüpä rese oyeroyasa pɨpe avei Abraham, oyeupe ñe'ëse omboyeroya ite oso ɨvɨ pɨsɨ agwä Tüpä remimbotar rupi. Osë oɨvɨ sui oso va'ëra ɨvɨ ndikwai va'esave,

Tũpa Ñehengagüer

⁸ Abraham avei oyeroya Tũpa rese. Esepia, Tũpa, “Eso ambuae ɨvɨ ndeu amboyecua vaherã vahesave, ahe amondora ndeu” ehise, omboyeroyaño ité. Yepe ahe ɨvɨ ndoicuai viña, osẽño ité rumo oɨvɨ sui oso.

Hebreos 11:8 Iomraidhean Croise

San Mateo 2:21

Evokoiyase José oñarapü'a ichui vɨraso pitani ichɨ reseve Israel ve.

Romanos 1:5

Jesucristo rer pɨpe aiko kurïtëi iñe'ë mombe'usar, ipɨtɨ̇vɨï agwä avei, opakatu ɨvɨ rupindar vɨroya va'erä iyavei oyapo va'erä semimbotar yuvɨreko.

Romanos 10:16

Nda'ei rumo opakatu vɨroya ko ñe'ësa avɨye va'e yuvɨreko. Esepia Isaías aipo e'i araka'e: “Che Yar, ¿uma pi'ä vɨroya ore ñe'ë yuvɨreko?”

Romanos 6:17

Avɨye Tüpä upe, esepia pe yɨpɨndar mbigwai tëi nungar peiko angaipa pɨpe viña, kurïtëi rumo pemboyeroya pe pɨ'ave ite porombo'esa peipɨsɨ va'e.

2 Corintios 10:5

a'e ipɨpe ore opa orosekopɨ yepoepɨ-epɨsa iyavei opakatu semirä-mirä tëi va'e gweko ɨvate aisa pɨpe ndoikwa uka potai va'e Tüpä rekokwer ava upe. Iyavei opakatu ava pɨ'añemoñeta raisa orosekopɨ Cristo reroya tuprɨ agwä yuvɨreko,

Hebreos 11:33

Evokoi avei Tüpä rese oyeroya pɨpe osekopɨ ambuae ɨvɨ pendar, oporokwai tuprɨ gweko ɨ̇visa pɨpe, oipɨsɨño ite Tüpä suindar mba'e semimombe'ugwer yuvɨreko, oiyurumboyaño avei yagwar yuvɨreko,

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

1 San Pedro 1:22

Kurïtëi Tüpä ñe'ëngagwer supi tuprɨ va'e mboyeroyasa pɨpe imoatɨrösa pe rekokwer pesaɨsu va'erä ambuae Jesús reroyasareta. Evokoiyase egwë peyera peyeaɨsu opakatu pe pɨ'añemoñeta tuprɨsa pɨpe, iyavei opakatu pe pirätäsa pɨpe.

1 San Pedro 3:1

Egwë peye aveira pe kuña omenda va'e, pemboyeroyara pe mer, esepia amove ndovɨroya vɨtei Tüpä ñe'ëngagwer yuvɨreko, pemboyekwase rumo pe reko tuprɨsa imboeteisa avei chupe, avɨyeteramo a'e avei vɨroyara, yepe ndapeñe'ëi chira chupe viña,

1 San Pedro 4:17

Supiete kurïtëi oyepota arɨ Tüpä oporandu agwä opakatu ava gwekwa pendar rekokwer rese. Iyavei yandeu rane omboɨpɨse porandusa, ¿marä e'ira pi'ä evokoiyase Tüpä ñe'ëngagwer reroyasare'ɨ̇ yuvɨreko kuri?