Hebreos 11:40 - Tüpä Ñe'ëngagwer

⁴⁰ esepia Tüpä omoime mba'e avɨye katu va'e yandeu oyoya tuprɨ toipɨsɨ gwekokwer i'ɨ̇vi tuprɨ agwä che remimombe'ugwer rupi yuvɨreko o'esa pɨpe, yandeu opakatu avei.

Tũpa Ñehengagüer

⁴⁰ Esepia, Tũpa omoime mbahe avɨye catu vahe yandeu ‘oyoya tuprɨ toipɨsɨ güecocuer ihɨ̃vi tuprɨ ãgua che remimombehugüer rupi yuvɨreco’ ohesa pɨpe chupe, yandeu opacatu avei.

Hebreos 11:40 Iomraidhean Croise

Hebreos 11:16

a'e rumo oipota ambuae ɨvɨ avɨye katu va'e yuvɨreko, a'e ɨva pendar. Sese Tüpä nochi ete, che Ru Tüpä oyeupe'ese, esepia vɨreko ite tekwa imoigätuprɨ chupe narä.

Hebreos 5:9

evokoiya gweko pɨpe omboavɨye gweko katuprɨsa, ipɨpe sui gweru poropɨsɨrösa ndopai va'e opakatu vɨroyasar upe narä.

Hebreos 7:19

esepia Moisés porokwaita ndosekuñaröi ete tekokwer, yande rumo yasärö mba'e avɨye katu va'e yande rekokwer upe narä, supi ni'ä yayemboya Tüpä rese.

Hebreos 7:22

Ko rese Jesús kurïtëi yande rereko Tüpä povrɨve avɨye katu va'e yɨpɨndar va'e sui.

Hebreos 8:6

Yande pa'i ɨvate katu va'e rumo Jesús, vɨreko okwaita avɨye katu va'e ambuae pa'i sui, esepia Tüpä remimbotar ipɨasu va'e Jesús gweru va'e yandeu avɨye katu va'e ite yɨpɨndar va'e sui sesendar Tüpä remimombe'u avɨye katu va'e avei.

Hebreos 9:23

Iyakatu ite imoatɨrösa evokoi nungar mba'e mɨmba ruvɨ pɨpe seropove'ëprɨ, esepia ko mba'e ɨva pendar nungar tëi sa'angaposa; ɨva pendar ite rumo ipotasa seropove'ëpɨ̇ra mba'e avɨye katu va'e evokoi sui.

Apocalipsis 6:11

Ipare imondosa iyakatu turukwar morochi va'e, a'ese aipo e'i chupe pepɨtu'u vɨte rane, tayavɨyepa rane pe rɨvrɨ eta retakwer, Tüpä upe oporavɨkɨ va'e mba'e aposa pɨpe yukaprɨ pe nungar yuvɨreko.