Hebreos 11:32 - Tüpä Ñe'ëngagwer

³² ¿Mba'e irivo amombe'ura peü? Ipane ite rumo arɨ imombe'upa agwä cheu, Gedeón, Barac, Sansón, Jefté, David, Samuel iyavei opakatu Tüpä ñe'ë mombe'usar rekokwer.

Tũpa Ñehengagüer

³² ¡Setá vɨte ambuae ava recocuer oime amombehu vaherã pẽu! Ipane ité rumo arɨ imombehupa ãgua: Gedeón, Barac, Sansón, Jefté, David, Samuel iyavei opacatu Tũpa ñehe mombehusar recocuer.

Hebreos 11:32 Iomraidhean Croise

San Mateo 5:12

Pe rumo peyembovɨ'añora, esepia ɨvave tuvicha va'e porerekosa peipɨsɨra kuri; egwë e'i tuprɨ avei ni'ä yɨpɨndar yuvɨrekoi va'e Tüpä ñe'ë mombe'usareta mombaraɨsu yuvɨreko araka'e.”

San Lucas 13:28

Evokoiyase oura yase'osa tekoasɨsa avei, pesepiase rumo Abraham, Isaac, Jacob iyavei opakatu Tüpä ñe'ë mombe'usareta yuvɨrekoise Tüpä mborerekwasave, pe evokoiyase imomboprɨ tëi peikora.

San Lucas 16:31

Abraham rumo aipo e'i chupe: ‘Akoi ndoyapɨsaka potaise Moisés porokwaita rese iyavei ambuae Tüpä ñe'ë mombe'usar rese, ndovɨroyai chira ava omano va'ekwer okwerayevɨse yuvɨreko.’ ”

San Juan 21:25

Oime avei ambuae mba'e seta Jesús rembiapo; iyavei ikwachiasase ñepëi-pëi rupi viña, ndiyai chietera ko kwachiar pɨpe ikwachiaprɨ ɨvɨ viña.

Los Hechos 10:43

Opakatu Tüpä ñe'ë mombe'usar oñe'ë ite Jesús rekokwer rese yuvɨreko araka'e, iyavei aipo e'i yuvɨreko akoi seroyasar oipɨsɨra ñeröisa angaipa rese yuvɨreko.

Los Hechos 13:20

Egwë e'i cuatrocientos cincuenta aravɨter rupi yapo yuvɨreko. “Ipare ombou ava rekokwer moigätusar oporokwai va'erä, Samuel Tüpä ñe'ë mombe'usar rekose araka'e.

Los Hechos 3:24

“Iyavei opakatu Tüpä ñe'ë mombe'usar, Samuel suive tuprɨ omombe'u yuvɨreko araka'e, ko arɨ yasepia va'e kurïtëi.

Romanos 3:5

Yande rekorai pɨpe tëi yamboyekwase Tüpä reko tuprɨsa, ¿marä ya'era vo evokoiyase? ¿Tüpä nda'ei supi tuprɨ va'e ya'e yande nupase yande reko raisa sui? (Che rumo añe'ë inungar ava ko ɨvɨ pɨpendar tëi.)

Romanos 4:1

Evokoiyase, ¿Yande ramoi Abraham, mba'e pi'ä oipɨsɨ araka'e?

Romanos 6:1

¿Evokoiyase mba'e iri vo yamombe'ura? ¿Yayapo vɨtera pi'ä angaipa yaiko Tüpä yandeu oporovasasa mboyekwa katu agwä?

Romanos 7:7

¿Ko sui pi'ä porokwaita angaipa tëi ya'era? ¡Ani ete nda'ei ete supi! Ko rumo ndaikwai chietera che angaipa porokwaita ndipoise viña. Supiete che ndaikwaise, “Ndapeipotarai chira ambuae ava mba'e.” e'i va'e mborokwaita pɨpe, a'ese ndaikwai chira che mba'e pota raisa viña.

Santiago 5:10

Che rɨvrɨ eta, peiko katu inungar Tüpä ñe'ë mombe'usar araka'endar yuvɨrekoi va'e, a'e oñemosaño mba'e rasɨkwer upe yande Yar rer pɨpe oñe'ë agwä yuvɨreko.

2 San Pedro 1:21

esepia nda'ei Tüpä ñe'ë mombe'usar oyesui tëi omombe'u yuvɨreko, a'e rumo ava seko katuprɨ va'e ite, Tüpä omombe'u uka oñe'ë chupe Espíritu Maräne'ɨ̇ pirätäsa pɨpe araka'e.

2 San Pedro 3:2

Peyemoma'endu'a araka'endar Tüpä ñe'ë mombe'usar seko katuprɨ va'e ñe'ëngagwer rese; yande Yar Poropɨsɨrösar porokwaita rese avei, akoi Jesús ñe'ë mombe'usar pe mbo'e va'ekwer rese yuvɨreko.