Hebreos 11:3 - Tüpä Ñe'ëngagwer

³ Tüpä rese yande yeroyasa pɨpe yaikwa a'e oñe'ë pɨpe ite oyapo opakatu mba'e, sese yaikwa kurïtëindar mba'e yasepia va'e mba'e ndayasepiai va'e apoprɨ.

Tũpa Ñehengagüer

³ Tũpa rese yande yeroyasa pɨpe yaicua ahe oñehe pɨpe ité oyapo opacatu mbahe. Sese yaicua cũriteindar mbahe yasepia vahe mbahe ndayasepiai vahe apoprɨ.

Hebreos 11:3 Iomraidhean Croise

San Juan 1:3

Supi avei, Tüpä opakatu mba'e oyapo oime va'e; ndipoi ete mba'e yapoprɨ ipore'ɨ̇.

Los Hechos 14:15

–Mbɨa eta, ¿ma'erä vo peyapo ko nungar? Ore rumo ava tëi, pe nungar avei oroiko. A'e gwä ite oroyu oromombe'u va'erä ñe'ësa avɨye va'e peü, pepoi va'erä ko mba'e egwë e'i tëi va'e mboeteisa sui, iyavei peyevɨ Tüpä supiete upe, a'e oyapo va'e ɨva, ɨvɨ, paragwasu, opakatu ipor reseve.

Los Hechos 17:24

“Evokoi Tüpä oyapo va'e ko ɨvɨ, opakatu mba'e ipor reseve avei, a'e ni'ä ɨvɨ ɨva Yar sekoi. Ndasekoi tüpäro ava tëi rembiapo pɨpe,

Romanos 4:17

inungar Ikwachiaprɨ pɨpe aipo e'i: “Orombou ava eta ɨvɨ rupindar yesupära.” Ko Tüpä ni'ä Abraham rembieroya, a'e Tüpä avei omondo va'e tekovesa omano va'ekwer upe iyavei oyapo va'e mba'e ndipoi va'e yɨpɨndar.

1 Corintios 2:7

Oroñe'ë katu arakwasa Tüpä suindar ndikwasai va'e rese, a'e yɨpɨve vɨreko va'e ɨvɨ apoe'ɨ̇ vɨteseve, a'e ko omboyekwa ramo va'e yandeu yaiko va'erä teko orɨ apɨre'ɨ̇ va'esave.

1 Timoteo 4:5

esepia Tüpä oñe'ë pɨpe osovasa tembi'u yandeu yande yeruresa pɨpe.

Hebreos 1:2

Kurïtëi rumo oñe'ë yandeu ipa va'e Gwa'ɨrɨ rupi, chupe avei oyapo opakatu mba'e. A'e mba'e sembiapo chupe narä ite.

Hebreos 6:5

osä'a va'e avei Tüpä ñe'ëngagwer avɨye va'e iyavei osä'a chi'ï ipirätäsa kuri oime va'erä viña,

2 San Pedro 3:5

Evokoi ava ndoyemoma'endu'a potai yuvɨreko ko araka'endar rese, esepia Tüpä oyapo oñe'ë pɨpe ɨva, ɨvɨ avei, a'e ɨvɨ osë va'e ɨ sui, ɨ pa'üve avei sekoi.

Apocalipsis 4:11

“Ore Yar Tüpä, iya ite nde mboeteisa, ndeu sapukaisa nde pirätäsa rese, esepia nde ereyapo va'e mba'e opakatu; nde remimbotar rupi ni'ä oime opakatu mba'e.”