Hebreos 11:25 - Tüpä Ñe'ëngagwer

²⁵ a'e rumo oipota katu marä-marä tëi gwereko agwä Tüpä reroyasar reseve chi'ï rupive mba'e tëi rese yembovɨ'a rägwer sui.

Tũpa Ñehengagüer

²⁵ Ahe rumo oipota catu mara-mara tẽi güereco ãgua Tũpa reroyasar reseve chĩhi rupive mbahe tẽi rese yembovɨha rãgüer sui.

Hebreos 11:25 Iomraidhean Croise

San Mateo 13:21

esepia inungar ko ndovɨrekoi ete gwapo, ovɨräkwä agwä; egwë e'i avei evokoi nungar ava oimese mba'e-mba'e tëi Tüpä ñe'ëngagwer rese chupe, kurïtëimi seroya e'ɨ̇save oyepepɨ ichui.

San Lucas 16:25

Evokoiyase Abraham omboyevɨ chupe: ‘Che ra'ɨrɨ, nde ma'endu'a eipeve nde reko agwer rese nipaneise mba'e ndeu rekove pɨpe, Lázaro rumo iparaɨsumi tëi oiko. Kurïtëi rumo Lázaro ovɨ'arete ko'ave, nde evokoiyase nde paraɨsu eipeve eiko.

Los Hechos 7:34

Iyavei asepia ite che rekwa Egipto ve iparaɨsuse. Asendu avei ipoäsesa yuvɨreko. Sese agweyɨ senose agwä, erio iyavei esendu tuprɨ che ñe'ë, esepia oromboyevɨ irira Egipto ve nde mondo.’ ”

Romanos 5:3

Nda'ei rumo sese gweraño yayembovɨ'a, yande yemombaraɨsusa rese avei ni'ä yayembovɨ'a yaiko; esepia yaikwa ite paraɨsusa yande mbo'e yande ñemosa agwä,

2 Corintios 5:17

Akoi ava Cristo rese sekoi va'e, a'e sekokwer ipɨasu va'e ite. Ndipo iri ete sekokwerai yɨpɨndar va'e sese; evokoiyase opakatu oyembopɨasu iri ete sekokwer.

Colosenses 1:24

Kurïtëi avɨ'a pe rese che yemomborarasa pɨpe, egwë a'e iporara che rete rese ko'ave vichiko, egwë e'i avei Cristo oyemomborara vɨte vɨroyasar rese, esepia yande seroyasar setekwer nungar yaiko.

2 Timoteo 1:8

Evokoiyase eresɨkɨye eme katu yande Yar rekokwer mombe'u; nderechï chiaveira che rokendasa sui tëi. Esepia yande Yar rekokwer mombe'usa sui tëi ni'ä che rokenda yuvɨreko. Iyakatu rumo nde avei ereñemosañora ko mba'e-mba'e tëi Tüpä pirätäsa pɨpe. A'e oura ndeu ñe'ësa pɨsɨrösa resendar mombe'usa sui.

Hebreos 10:32

Peyemoma'endu'a akoi yɨpɨndar mba'e araka'endar rese, akoi peipɨsɨse tesapesa avɨye va'e, peyemovɨräkwäño avei pe rekoa'äsa upe pe yemombaraɨsusa pɨpe.

Hebreos 11:37

Ambuae eta evokoiyase oapi-apise ita pɨpe opa omano yuvɨreko, amove imombɨtesa ɨvɨra asɨasa pɨpe, anise ambuae yukasa kɨse puku pɨpe; amove ipa'ü pendar ogwata tëi, ovesa, kavara pirerño tëi iyemondesa, iparaɨsu mba'e pore'ɨ̇ yuvɨreko nombo'e katui ava ipɨ'a ñemoñetasa pɨpe sereko iyavei marä-marä tëi vɨreko yuvɨreko no.

Hebreos 4:9

Evokoiyase oimeño itera mbɨtu'usa iporavoprɨ ava Tüpä upendar upe narä;

Santiago 1:20

Esepia akoi ava oñemoɨrö va'e, ndoyapoi ete mba'e avɨye va'e Tüpä remimbotar.

Santiago 5:5

Ko ɨvɨ pɨpe tëi peyeekomoendɨyai peiko iyavei peyembovɨ'a ko ɨvɨ pɨpendar mba'e rese inungar gwaka imongɨraprɨ yuka agwä, ¡ipɨpe peyemoigätu pe kañɨ agwä!

1 San Pedro 2:10

Yɨpɨndar nda'e vɨtei ete Tüpä upendar peiko, kurïtëi rumo Tüpä upendar ite peiko; yɨpɨndar ndaperekoi Tüpä poroparaɨsuerekosa, kurïtëi rumo pereko ite iporoaɨsusa.

Apocalipsis 18:7

pemondo setekwer mombaraɨsusa chupe, tiparaɨsu ta'oyoya iyemondo-mondo tëi agwer iyemboeteiai agwer rese aveino. Esepia ni'ä, a'e aipo e'i opɨ'a pɨpe oiko: ‘Ko'ave che agwapɨ vɨ̇te mborerekwar che reko nungar pɨpe. Nda'ei imer mano va'ekwer aiko, iyavei ndacheparaɨsui chietera.’