Hebreos 11:19 - Tüpä Ñe'ëngagwer

¹⁹ Esepia Abraham oikwa ite Tüpä vɨrekose pirätäsa ava omano va'e mbogwerayevɨ iri agwä, evokoiyase Abraham imano rägwer sui ete oipɨsɨ iri gwa'ɨrɨ araka'e, ipɨpe sui a'e omboyekwa mba'e avɨye va'e yandeu.

Tũpa Ñehengagüer

¹⁹ Esepia, oicua ité Tũpa vɨreco pĩratasa ava omano vahe mbogüerayevɨ iri ãgua. Evocoiyase imano rãgüer sui eté oipɨsɨ iri guahɨr aracahe. Ahe evocoiyase omboyecua mbahe yandeu.

Hebreos 11:19 Iomraidhean Croise

San Mateo 12:36

Iyavei che aipo a'e peü arɨ kañɨ pɨpe opakatu opara omombe'u oñe'ë-ñe'ë tëisa yuvɨreko kuri.

San Mateo 9:28

Oikese Jesús oso oɨ pɨpe, ndasesapɨsoi va'e oyemboya yuvɨraso sese, a'ese Jesús oporandu chupe: –¿Che reroya ite vo pe mbogwera agwä rese peye? –Taa, nde reroyasa ite ore Yar–e'i imboyevɨ yuvɨreko chupe.

Romanos 5:14

Adán reko sui tuprɨ ite rumo ava omanoño ite oangaipa pɨpe, egwë e'iño ite yuvɨreko Moisés rekose, yepe a'e ava yuvɨrekoi va'e angaipa nda'oyoyai Adán angaipa porokwaita mboavɨye e'ɨ̇sa rese viña, a'e Adán rese omboyekwa mbɨa ou va'erä.

Efesios 3:20

Kurïtëi yamboetei yande Ru Tüpä sereko, esepia ni'ä a'e opirätäsa pɨpe ombouvicha katu itera mba'e yande porandusa sui, anise yande pɨ'a ñemoñetasa sui avei yandeu, esepia opirätäsa pɨpe oporavɨkɨ yande rese.

Hebreos 9:24

Esepia Cristo ndoikei ava tëi rembiapo tüpäro maräne'ɨ̇ pɨpe, a'e rumo ɨva pendar ra'anga tëi, egwë e'i rumo a'e oike ɨvave, a'eve kurïtëi sekoi Tüpä rovai yande pɨtɨ̇vɨï agwä oyerure pɨpe.

Hebreos 9:9

Ko opakatu mba'e yande mbo'e mba'e kurïtëindar rese; esepia ko porerekosa iyavei mba'e seropove'ëprɨ a'eve Tüpä upe, nomoatɨröi ete imboeteisar pɨ'a ñemoñetasa.