Hebreos 11:17 - Tüpä Ñe'ëngagwer

¹⁷ Tüpä rese oyeroyasa pɨpe Abraham, gwekoa'äse vɨropove'ë gwa'ɨrɨ Isaac yukapɨrä. A'e vɨropove'ë pota voi ete ñepëi va'e gwa'ɨrɨ, yepe Tüpä araka'e aipo e'i chupe viña:

Tũpa Ñehengagüer

¹⁷ Tũpa rese yeroyasa pɨpe avei Abraham oyemoingatu voi guahɨr ñepei vahe Isaac reropovẽhe ãgua Tũpa upe güecoãhasa pɨpe. Yepe Tũpa aipo ehi chupe aracahe viña:

Hebreos 11:17 Iomraidhean Croise

San Juan 3:16

“Supiete Tüpä osaɨsu iteanga opakatu ava, sese ombou Gwa'ɨrɨ ñepëi va'e, tokañɨ tëi eme che Ra'ɨrɨ reroyasar yuvɨreko oya, iyavei tovɨreko tekovesa apɨre'ɨ̇ o'esa pɨpe.

2 Corintios 8:12

Esepia akoi ava omondo pota va'e mba'e, Tüpä oipɨsɨ iporerekosa mba'e vɨrekomi va'e; Tüpä rumo ndoporandui mba'e ndayarekoi va'e rese yandeu.

Hebreos 11:13

A'e ava opakatu ite omanopa tëi mba'e ndoipɨsɨ vɨtei seve Tüpä semimombe'ugwer oyeupendar yuvɨreko; iyavei a'e vɨrekose poreroyasa, osepia avei amombrɨ rupive tëi yuvɨreko, sorɨvete avei imboavɨravesave inungar ambuae ɨvɨ pɨpendar yuvɨreko raimi tëi va'e ko ɨvɨ pɨpe.

Hebreos 7:6

Yepe Melquisedec nda'ei Leví suindar viña, a'e rumo oipɨsɨ Abraham sui evokoi porerekosa; Abraham, a'e akoi oipɨsɨ va'erä mba'e Tüpä remimombe'u. Egwë e'i Melquisedec Abraham rovasa;

Santiago 5:11

Yande rumo yaikwa sovasaprɨ ava oñemosa va'e mba'e rasɨkwer upe yuvɨreko. Pesendu ni'ä akoi mbɨa Job serer va'e ñemosasa, peikwa avei mba'e avɨye va'e yande Yar oyapose chupe, esepia yande Yar ni'ä oporoparaɨsuereko va'e yepi.

1 San Pedro 4:12

Che rɨvrɨ eta, che rembiaɨsu, ndapeyesapɨ'a ukai chira, akoi oimese mba'e-mba'e tëi tekoa'äsa pɨpe peü, inungar ndipoi chietera mba'e cheu peyera viña.

Apocalipsis 3:10

Esepia peroya ite che porokwaita, peyemovɨräkwä ite evokoi mba'e tëi upe peiko, evokoiyase che opoepɨra akoi arɨ tekoa'äsa ouse opakatu ɨvɨ rupindar upe kuri.