Hebreos 11:13 - Tüpä Ñe'ëngagwer

¹³ A'e ava opakatu ite omanopa tëi mba'e ndoipɨsɨ vɨtei seve Tüpä semimombe'ugwer oyeupendar yuvɨreko; iyavei a'e vɨrekose poreroyasa, osepia avei amombrɨ rupive tëi yuvɨreko, sorɨvete avei imboavɨravesave inungar ambuae ɨvɨ pɨpendar yuvɨreko raimi tëi va'e ko ɨvɨ pɨpe.

Tũpa Ñehengagüer

¹³ Ahe ava rumo opacatu omanopa tẽi; ndoipɨsɨi eté mbahe semimombehugüer oyeupendar. Ahe mbahe amombrɨ rupi osepiañomi tẽi yuvɨreco oyeroyasa pɨpe, sorɨveteño avei sese. Ẽgüe ehi oicuaño ité ndahei co ɨvɨ pɨpendar güecosa; ahe rumo yuvɨrecoveño raimi tẽi co ɨvɨ pɨpe.

Hebreos 11:13 Iomraidhean Croise

San Mateo 13:17

Supiete seta Tüpä ñe'ë mombe'usar iyavei ava seko katuprɨ va'e araka'endar osepia pota tëi mba'e pesepia va'e, ndosepiai ete rumo; iyavei osendu pota tëi ko pesendu va'e, ndosendui ete rumo yuvɨreko.”

San Juan 12:41

Isaías omombe'u mba'e ko nungar esepia ni'ä osepia ite Jesús reko porañetesa, oñe'ë avei sese.

San Juan 8:56

Pe ramoi Abraham araka'endar, oyembovɨ'arete ite esepia ni'ä osepiara che arɨ oiko; ipare rumo osepia ite, ichui ovɨ'arete opɨ'a pɨpe.

Romanos 4:21

supiete Tüpä vɨreko opirätäsa opakatu oñe'ëngagwer mboavɨye agwä.

Romanos 8:24

Esepia ni'ä yañepɨsɨrö ite yande remiarö reroya pɨpe. Sese akoi yasepia va'e mba'e yande remiarö ndayasärö iri, supiete ¿Uma pi'ä osärö vɨtera mba'e osepia va'ekwer?

2 Corintios 4:18

Sese ore ndorepɨ'añemoñeta atɨi chira ko ɨvɨ pɨpendar mba'e rese; ore rumo orepɨ'añemoñeta mba'e ɨva pendar ndayasepiai va'e rese, esepia ko mba'e yasepia va'e egwë e'i raimi tëi va'e; ko mba'e rumo ndayasepiai va'e, apɨre'ɨ̇ va'erä ite.

2 Corintios 5:6

Sese ni'ä yayeroyaño ite yepi. Iyavei yaikwaño yande yaikove vɨtese yande rete rese, iyavei ndayaiko vɨtei ete ɨvave yande Yar pɨri.

Efesios 2:19

Sese, pe nda'e iri ambuae ɨvɨ pendar peiko, ndapeiko iri avei kokotɨ tëi pe ɨvɨ sui, kurïtëi rumo peiko Tüpä rese inungar ambuae yuvɨreko, iyavei oñemu gwasu ite yaiko Tüpä rese.

Hebreos 11:14

Iyavei aipo e'i va'e oikwa uka tuprɨ yandeu, oseka vɨte oyeupendar ɨvɨ yuvɨreko.

Hebreos 11:17

Tüpä rese oyeroyasa pɨpe Abraham, gwekoa'äse vɨropove'ë gwa'ɨrɨ Isaac yukapɨrä. A'e vɨropove'ë pota voi ete ñepëi va'e gwa'ɨrɨ, yepe Tüpä araka'e aipo e'i chupe viña:

Hebreos 11:27

Tüpä rese oyeroya pɨpe avei osë ɨvɨ Egipto sui osɨkɨye e'ɨ̇sa pɨpe mborerekwar gwasu rorɨe'ɨ̇se; oyemovɨräkwäño ite oyese mba'e apo agwä, avɨye osepia va'e ite Tüpä akoi ndoyekwai va'e.

Hebreos 11:39

Yepe a'e opakatu avɨye ite Tüpä upe oyeroyasa rese yuvɨreko viña, ndoipɨsɨi ete rumo oyeupe Tüpä remimombe'ugwer yuvɨreko;

1 San Pedro 1:1

Che Pedro, Jesucristo ñe'ë mombe'usar aikwachia ko che ñe'ë peü, pe Tüpä rembiporavo pe rekwa pɨpe sui peñemosai va'e ɨvɨ Ponto, Galacia, Capadocia, Asia iyavei Bitinia rupi peiko va'e upe,

1 San Pedro 1:17

Akoi che “Ru” peyese Tüpä upe, a'e nomboyoavɨratɨi chira oporandu ñepëi-pëi upe tekokwer rese, sese pemboyekwara perekokwer sereko mba'e tëi apoe'ɨ̇ agwä imboeteisave ko ɨvɨ pɨpe.

1 San Pedro 2:11

Che rɨvrɨ eta, che rembiaɨsu, peiko raimi tëi va'e ko ɨvɨ pɨpe, pepoi opakatu ko ɨvɨ pɨpendar pe pɨ'añemoñeta raisa sui. Esepia pemomarä uka tëi pe rekokwer ipɨpe.

1 San Juan 3:19

Egwë ya'ese, yaikwa yande rekokwer supiete va'e pɨpe yaikose, a'ese yaikwa itera Tüpä rese yande ñemovɨräkwäsa;