Hebreos 10:36 - Tüpä Ñe'ëngagwer

³⁶ Pe rumo peyemovɨräkwäño itera mba'e-mba'e tëi upe Tüpä remimbotar apo agwä semimombe'ugwer oime va'erä pɨsɨ agwä kuri.

Tũpa Ñehengagüer

³⁶ Pe rumo peyemovɨracuaño itera mbahe-mbahe tẽi upe Tũpa remimbotar apo ãgua semimombehugüer oime vaherã pɨsɨ ãgua curi.

Hebreos 10:36 Iomraidhean Croise

San Mateo 10:22

Opakatu ava ndape ambotai chira che rekokwer sui tëi yuvɨreko; akoi oyemovɨräkwä va'eño tuprɨ ite arɨ ipa va'e rupi, a'e ipɨsɨröprɨ yuvɨrekoira kuri.

San Mateo 12:50

Esepia akoi che Ru ɨva pendar remimbotar oyapo va'e, a'e che rɨvrɨ, che reindrɨ iyavei che sɨ yuvɨrekoi.

San Mateo 21:31

¿Uma vo ko ñuvɨrïo yuvɨrekoi va'e oyapo oyesupa remimbotar? –Yɨpɨndar va'e–e'i imboyevɨ yuvɨreko chupe. Ipare Jesús aipo e'i: –Supiete gwarepochi rerokwasar Roma upe narä, kuña oyemondo-mondo tëi va'e avei, a'e rane yuvɨroikera pe sui Tüpä mborerekwasave.

San Mateo 24:13

Akoi ava oyemovɨräkwä va'e ñoite arɨ ipa va'e rupi, a'e oñepɨsɨröra yuvɨreko.

San Mateo 7:21

“Nda'ei opakatu aipo e'i yuvɨreko cheu: ‘Che Yar, Che Yar’, yuvɨroikera Tüpä mborerekwasave, oyapo va'eño tuprɨ Che Ru ɨva pendar remimbotar yuvɨroikera a'eve.

San Marcos 3:35

Esepia akoi Tüpä remimbotar oyapo va'e, a'e che rɨvrɨ, che reindrɨ che sɨ avei yuvɨrekoi.

San Lucas 21:19

¡Peyemovɨräkwä katu, a'ese pe ñepɨsɨröra!”

San Lucas 8:15

Akoi mba'e rä'ɨi seitɨprɨ ɨvɨ avɨye va'esave, a'e inungar ava vɨreko va'e pɨ'a ñemoñetasa avɨye va'e iyavei oyemoigätu voi ete sendu agwä yuvɨreko oyapo ite ñe'ësa avɨye va'e remimbotar, iyavei oñemovɨräkwä katuño ite, oyapo avei mba'e avɨye va'e.”

San Juan 7:17

Akoi ñepëi ikere'ɨ̇ va'e oyapo va'erä Tüpä remimbotar, oikwara che porombo'esa nda'ei va'e che suindar a'e Tüpä suindar ite anise añe'ë cheyesui tëi vichiko.

Los Hechos 13:22

Koiye katu, Tüpä vɨrokwa mborerekwasa Saúl sui; ipare omondo David upe mborerekwar ɨvate katu va'e seko agwä, a'e sekokwer rese aipo e'i: ‘Ko David, Jesé ra'ɨrɨ, oyapo ite mba'e che remimbotar yepi.’

Los Hechos 13:36

Supiete, David omboavɨye okwaita ava rese o'añekosa pɨpe, a'e omboavɨye ite Tüpä porokwaita, ipare omano ichui oyapokatu tuvɨpave imu pa'üve yuvɨreko, a'e setekwer rumo opaño ite ituyu.

Romanos 12:12

Peikoño pe vɨ'aretesave mba'e ɨva pendar rärösa pɨpe; peñemosaño mba'e rasɨkwer peiporarase; iyavei anichira pepoi pe yeruresa sui yepi.

Romanos 12:2

Peiko iri eme ko ɨvɨ pɨpendar pɨ'añemoñetasa tëi rupi; iyakatu rumo, pesekuñarö pe pɨ'añemoñetasa ipɨpe sui opakatu pe rekokwer oñekuñaröra, egwë peyese peikwara Tüpä remimbotar a'e mba'e avɨye va'e, semimbotar supi tuprɨ va'e ite.

Romanos 2:7

Omboura tekovesa apɨre'ɨ̇ va'e yandeu, yasekase teko orɨ Tüpä suindar poromboeteisa, iyavei mba'e apɨre'ɨ̇ va'e yande mba'e tuprɨ aposa pɨpe;

Romanos 8:25

Akoi mba'e yande remiarö ndayasepia vɨteise rumo, yasärö vɨte yande ñemosasa pɨpe sereko.

1 Corintios 13:7

Oporoaɨsusa vɨrekose oñemosaño opakatu mba'e upe, oyeroya vɨte sese, osärö vɨte mba'e tuprɨ ichui, iyavei seko mbegwe vɨteño chupe.

Gálatas 6:9

Evokoiyase tayandekwerai eme mba'e tuprɨ aposa pɨpe; esepia akoi ndayandekweraise, yaipɨsɨra mba'e tuprɨ apo reprɨ.

Efesios 6:6

Peporavɨkɨ tuprɨ katu chupe narä, nda'ei chira rumo pe repiaseño imbovɨ'a agwä tëi, peporavɨkɨra rumo pe kere'ɨ̇sa pɨpe Cristo rembigwai pe rekosa pɨpe, peyapora opakatu mba'e Tüpä remimbotar rupi ete.

Colosenses 1:11

Iyavei tombou katu pe momirätä agwä gwekokwer pirätäsa pɨpe sui; evokoiyase oimese mba'e tëi peü, peñemosañora pe reko mbegwesa pɨpe, pevɨ'asa pɨpe avei,

Colosenses 3:24

Esepia, peikwa tuprɨ ko yande Yar omboura oporerekosa peü. Esepia ni'ä Cristo upe narä ite mba'e peyapo, a'e ni'ä pe Yar supi tuprɨ va'e sekoi.

Colosenses 4:12

Epafras avei omondo oma'endu'asa peü, a'e pe rekwa pendar ite, Cristo Jesús rembigwai; a'e oyerure va'e pe rese yepi toyemovɨräkwä tuprɨ iyavei toyuvɨrekoi Tüpä remimbotar rupi yuvɨreko oyapave.

1 Tesalonicenses 1:3

Pe ni'ä yande Yar rese pe yeroya tuprɨsa pɨpe peporavɨkɨño yepi, iyavei pe poroaɨsusa pɨpe peyapo mba'e Tüpä upe, iyavei peñemosaño mba'e tëi upe Jesucristo rärösa pereko va'e rese. Sese ore ma'endu'a pe rese arɨ yakatu rupi yande Ru Tüpä rovai.

Hebreos 11:39

Yepe a'e opakatu avɨye ite Tüpä upe oyeroyasa rese yuvɨreko viña, ndoipɨsɨi ete rumo oyeupe Tüpä remimombe'ugwer yuvɨreko;

Hebreos 12:1

Sese yande, yaikwase seta ite evokoi ava oime omboyekwa va'e Tüpä rese oyeroyasa, iyakatu ite yaseyapa opakatu mba'e ndayande mbo'e katui va'e Tüpä upendar mba'e rese, iyavei angaipa yande mbo'a tuprɨ va'e, ichui yayemovɨräkwäño itera yande kwaita Tüpä ombou va'e rese yandeu inungar ivava katu va'e.

Hebreos 13:21

tombou pe reko mo'ɨ̇visa iyavei pe reko avɨyesa opakatu pe semimbotar apo agwä; iyavei a'e toyapo mba'e opakatu gwemimbotar yande rese Jesucristo rembiapo sui. ¡Egwë te'i imboeteiprɨ apɨre'ɨ̇ tasekoi Cristo yepi! Amén.

Hebreos 6:12

Ndoroipotai pe ate'ɨ̇sa perekora ko tekokwer upe, oroipota rumo pe sakɨkwei moñara akoi ava yande Yar rese oyeroyasa pɨpe, iyavei gweko ñemosasa pɨpe oipɨsɨ va'e porerekosa imombe'uprɨ Tüpä sui.

Hebreos 6:15

Evokoiyase Abraham osärö gweko mbegwesa pɨpe, egwë e'i ipɨsɨ oyeupendar Tüpä remimombe'u.

Hebreos 6:17

Supiete, Tüpä omboyekwa pota mba'e gwempiapo akoi ava upe omondo va'erä oporoaɨsusa, iyavei a'e omboavɨye pota ite oñe'ësa supiete va'e. Sese omboavɨye ite oñe'ëngagwer oiko.

Hebreos 9:15

Sese, Jesucristo sekoi mba'e ipɨasu va'e moigätusar, esepia omanosa pɨpe oipɨsɨrö ava angaipa sui ipɨpe avei oime ñeröisa yɨpɨndar mborokwaita vrɨve yuvɨrekoi va'e upe, iyavei toipɨsɨ che rembiporavo yuvɨreko oyeupendar mba'e apɨre'ɨ̇ va'e che remimombe'ugwer rupi oyapave Tüpä egwë e'i.

1 San Pedro 1:9

esepia ni'ä, pesupitɨ pe remiarö poropɨsɨrösa apɨre'ɨ̇ va'e peiko pe yeroyasa pɨpe.

1 San Juan 2:17

Ko ɨvɨ pɨpendar ava opa itera okañɨ, mba'e tëi potaraisa aposa pɨpe; akoi ava oyapo va'e rumo Tüpä remimbotar, yuvɨrekoira apɨre'ɨ̇ va'erä ite.

Apocalipsis 13:10

“Akoi ava seraso pɨrä poroekendasave, a'e sokendasa ñoitera; iyavei akoi ava omano va'erä kɨse puku pɨpe, kɨse puku pɨpe avei yukasara.” Ko pɨpe oyekwa Tüpä rese yeroyasa iyavei ipirätäsa ava rese yuvɨreko.

Apocalipsis 14:12

¡Ko pɨpe oyekwa Tüpä rese yeroyasa iyavei ipirätäsa ava rese yuvɨreko, Jesús reroyasar rese avei!